კურსკის ოლქში, ბრძოლის წინა ხაზზე აფხაზეთიდან და სამხრეთ ოსეთიდან მოხალისეები გადაიყვანეს - რა კადრები ვრცელდება სოცქსელში?
როგორც ცნობილი ხდება, კურსკის რაიონში, სადაც უკვე მეოთხე დღეა უკრაინის დანაყოფები საბრძოლო მოქმედებებს ახორციელებენ, ოკუპირებული აფხაზეთიდან და სამხრეთ ოსეთიდან მოხალისეები გადაიყვანეს.
რუსეთის თავდაცვის სამინისტროს განცხადებით, “უკრაინის შეიარაღებული ძალების შეჭრის მოგერიების მცდელობა რუსეთის ფედერაციის ტერიტორიაზე ამ დრომდე გრძელდება“.
“უზენაესმა მთავარსარდალმა კურსკის რეგიონის მხარდაჭერისკენ მოგვიწოდა. ჩვენ დიდი ხნით ძახილი არ გვჭირდება. დასახმარებლად მოვედით“, - ნათქვამია “დონბასის ველური დივიზიის“ განცხადებაში, რომლის მეთაური აფხაზი მებრძოლი ახრა ავიძბაა.
"სარმატის ბატალიონის პერსონალი, როგორც რუსეთის მოხალისეთა კორპუსის "დონბასის ველური დივიზიის ნაწილი", კურსკის რეგიონში, მტრის სამხედრო ფორმირებების განადგურების მიზნით საბრძოლო ხაზზე გადავიდა. გამარჯვება ჩვენი იქნება“, - წერია ოსური ბატალიონის ტელეგრამარხზე.
ახრა ავიძბამ "დონბასის ველურ დივიზიაზე“ ჯერ კიდევ 2023 წლის ნოემბერში ისაუბრა.
“ჩვენ გავფართოვდით. შევქმენით "დონბასის ველური დივიზიონი“, რომელიც ასევე მოიცავს სხვა დანაყოფებს“, - თქვა მან.
სამხრეთ ოსეთის ყოფილმა ლიდერმა ანატოლი ბიბილოვმა 2023 წელს განაცხადა, რომ 1100-ზე მეტი მოხალისე სამხრეთ ოსეთიდან მონაწილეობს უკრაინაში რუსეთის შეჭრაში შეიარაღებული ძალების და ექსპედიციური მოხალისეთა თავდასხმის კორპუსის შემადგენლობაში.
რაც შეეხება მიმდინარე ომს, რუსული "სამხედრო კორესპონდენტების" ცნობით, კურსკის რეგიონში ბრძოლები ახლა კურჩატოვიდან ოცდაათი კილომეტრის დაშორებით მიმდინარეობს, სადაც მდებარეობს კურსკის ატომური ელექტროსადგური. რეგიონში ფედერალური საგანგებო მდგომარეობაა გამოცხადებული.
The Insider სხვადასხვა წყაროზე დაყრდნობით იუწყება, რომ უკრაინელი სამხედროები, რუსეთის კურსკის ოლქის ტერიტორიაზე ჯერჯერობით თერთმეტ დასახლებულ პუნქტს აკონტროლებენ.
წაიკითხეთ ასევე:
- გავრცელდა ვიდეო, რომელშიც ჩანს განადგურებული რუსული სამხედრო კოლონა და სამხედროების ცხედრებით სავსე მანქანები - რა ხდება ცნობილი?
- "ასეთი შიში არასდროს განგვიცდია; ყველაფერი მტვრად იქცა... 24 წლის გოგონა გარდაიცვალა" - პანიკა კურსკში: რას ჰყვებიან ადგილობრივები?
- მძიმე ღამე რუსეთისთვის - უპილოტო საფრენმა აპარატებმა სევასტოპოლს, ბელგოროდს, ლიპეცკს და სხვა რაიონებს დაარტყეს (ფოტო/ვიდეო)