მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა თანხას მიიღებენ ახალგაზრდები ანაზღაურებადი სტაჟირების დროს - განათლების მინისტრის განმარტება
13:50 / 01-08-2024
განათლებისა და მეცნიერების მინისტრის, გიორგი ამილახვარის განცხადებით, სტუდენტებისთვის ანაზღაურებად სტაჟირებაზე საბუთების მიღება 2 აგვისტოდან 8 აგვისტოს ჩათვლით გამოცხადდება.
როგორც ამილახვარმა აღნიშნა, ანაზღაურების სახით ახალგაზრდებს 500 ლარი დაერიცხებათ.
"კონკურსში მონაწილეობა შეუძლია ყველა საბაკალავრო საფეხურის კურსდამთავრებულს, ვინც წელს დაამთავრა ბაკალავრიატი, ასევე, ყველა მეოთხე კურსელს, ყველა მაგისტრანტს, ვინც მაგისტრატურაზე სწავლობს და ვინც წელს დაამთავრა მაგისტრატურა. ძირითად კრიტერიუმებად განისაზღვრა მათი აკადემიური მოსწრება, ეს იქნება „ჯი პი ეი“ თუ ქულათა სისტემა, როგორც მათ აქვთ თავიანთ უნივერსიტეტებში.
რაც შეეხება უწყებებს, კონკურსანტებისთვის შეთავაზებულია ყველა სახელმწიფო უწყება, ყველა სამინისტრო, მათი საქვეუწყებო დაწესებულებები, შესაბამისი დეპარტამენტები და საჯარო სამართლის იურიდიული პირები, ასევე თვითმმართველი ყველა ტერიტორიული ორგანო, ვინაიდან ყველა ადამიანისთვის ხელმისაწვდომი იყოს მისი ადგილსამყოფელის და ინტერესების მიხედვით, რაც შეიძლება ფართო სპექტრი აირჩიოს. მათ შესაძლებლობა აქვთ რამდენიმე უწყება აირჩიონ და პორტალზე შესვლისას უკვე კონკრეტული ჩაშლილი მიმართულებები დახვდებათ.
ვთქვათ, განათლების სამინისტროს პირობებში მათ შესაძლებლობა ექნებათ რამდენიმე დეპარტამენტში, რამდენიმე საჯარო სამართლის იურიდიულ პირში თავიანთი პროფესიების მიხედვით მონიშნონ შესაბამისი ადგილები, რომელიც მათ ინტერესებს და მოთხოვნებს აკმაყოფილებს. 8 აგვისტოს შემდეგ უკვე დაიწყება გასაუბრებების მეორე ეტაპი და აგვისტოში მთლიანად დამთავრდება აღნიშნული შერჩევის პროცედურა. პირველის სექტემბრიდან 4 თვის განმავლობაში სამი ათასზე მეტი ახალგაზრდა დაიწყებს ანაზღაურებად სტაჟირების პროგრამას, ადგილზე ეყოლებათ თავიანთი მენტორები. შეძლებისდაგვარად შეეცდებიან ხელი ყველანაირად შეუწყონ, როგორც გრაფიკში, ისე სამუშაოს ათვისებაში. ჩვენ დარწმუნებული ვართ, რომ ამ ძალიან კარგი და განახლებული ნაკადიდან დიდი რაოდენობა დარჩება და შემდგომ უკვე ძირითად სამუშაოს ადგილზე გააგრძელებენ იმ უწყებებში, სადაც მოხვდებიან. ამიტომ მოვუწოდებთ აქტიურობისკენ, რომ გამოიყენონ ეს შესაძლებლობა, განაცხადების მიღება ხვალიდან დაიწყება“, - განაცხადა ამილახვარმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
