ჩემპიონს გამარჯვება, ერთ-ერთმა პირველმა, შეყვარებულმა მიულოცა: ვინ არის ლაშა ბექაურის რჩეული, რომელიც გუშინ საჯაროდ გამოჩნდა - ფოტო და ვიდეოკადრები
24 წლის ქართველი ძიუდოისტი ლაშა ბექაური (90 კგ) ზედიზედ მეორედ გახდა ოლიმპიური ჩემპიონი. ბექაურმა ფინალში იაპონელი საშირო მურიო ძირითადი დროის დასრულებამდე 4 წამით ადრე ვაზარით 2:1 დაამარცხა. თავიდან ვაზარით ლაშას მეტოქე დაწინაურდა, თუმცა ქართველმა ბრძოლის შემოტრიალება და გამარჯვების მოპოვება შეძლო.
"გაბედე ოცნება, წარმოუდგენელი ამბავი შეემატა ქართულ ძიუდოს მდიდარ ისტორიას ლაშა ბექაურით სახით, რომელმაც 2021 წლის ტიტული შეინარჩუნა და ოლიმპიურ თამაშებზე ზედიზედ მეორედ აიღო ოქროს მედალი. ეს იყო სანახაობრივი წარმოდგენა და როგორც ჩანს, ძიუდოს ღმერთები მის მხარეს იყვნენ, როდესაც ის კიდევ ერთხელ ავიდა პოდიუმის უმაღლეს საფეხურზე. მებრძოლის სულით ცნობილ ბექაურს ამ დროს მხოლოდ ღიმილი და ამ მომენტით ტკბობა შეეძლო. თბილისი ახლა თავდაყირა დატრიალდა ამ კაცისთვის, რომელმაც ოდესღაც ქალაქი ააღელვა.
ბექაურისა და სანშირო მურაოს ფინალი იყო საოცნებო მატჩი, რომელსაც ბევრი ელოდა პარიზში წელს. მურაო, დღის განმავლობაში სანახაობრივად იბრძოდა. ფინალშიც პირველმა იმოქმედა, თუმცა ქართველ ჯადოქარს ნამდვილად ვერავინ გააკონტროლებს. ბექაურმა თავისი საფირმო სტილით ორი ვაზარი შეასრულა, მეტოქე დაამარცხა და დასასრულს ტრიუმფის ნიშნად დაიჩოქა.“ - წერს judoinsid.
გუშინ, პარიზში ოლიმპიურ თამაშებზე ტრიუმფის შემდეგ, პირველად გამოჩნდა საჯაროდ მისი შეყვარებული მარიამ კეკუა. გოგონამ სპორტსმენს ჯერ კიდევ 26 ივლისს დაბადების დღეზე ჩააკითხა.
ბრწყინვალე მოგების შემდეგ გადაღებული კადრები, შეყვარებულის ემოციები და ჩახუტება სოციალურ ქსელში ვირუსულად გავრცელდა. საფეხბურთო წარმატების შემდეგ, ალბათ, არავის აღარ უკვირს, რომ ლეგენდარულ სპორტსმენებს მნიშვნელოვანი მატჩების დროს თან ახლავთ ცოლები, შეყვარებულები, მეგობარი გოგონები.
პირველი ტრიუმფის დროს, ბექაური თავისუფალი იყო. მაშინ ბევრს აინტერესებდა, ვინ გახდებოდა ოქროსმედალოსანის რჩეული და როგორც ჩანს, მისი გულის მოგება მარიამ კეკუამ შეძლო და მათი ურთიერთობა სერიოზულ ეტაპზეა.
წყვილის სიყვარულის შესახებ ერთი წლის წინ გახდა ცნობილი. მიუხედავად იმისა, რომ ხანდახან ერთად გადაღებულ კადრებს აქვეყნებენ, ბექაური არასოდეს საუბრობს მედიასთან პირად ცხოვრებაზე.
