ანჯელინა ჯოლისა და ბრედ პიტის ვაჟი ავარიაში მოყვა - 20 წლის პაქსი საავადმყოფოში გადაიყვანეს: რა დეტალები ხდება ცნობილი
ანჯელინა ჯოლისა და ბრედ პიტის ვაჟი, პაქსი საავადმყოფოში გადაიყვანეს მას შემდეგ, რაც ავარიაში მოჰყვა და თავის არეში დაზიანება მიიღო.
- 20 წლის პაქსი ლოს ანჯელესის ქუჩებში ელექტრო ველოსიპედით გადაადგილდებოდა, რა დროსაც ავტომობილს დაეჯახა. აღნიშნულის შესახებ TMZ სამართალდამცავ წყაროებზე დაყრდნობით წერს.
ადგილზე სასწრაფო დახმარების მანქანა მივიდა, პოლიციამ და მედიკოსებმა კი ბიჭის საავადმყოფოში გადაყვანა გადაწყვიტეს, რადგან თავის ტკივილს უჩიოდა, ავარიის დროს მას ჩაფხუტი არ ეფარა.
სამართალდამცველთა ინფორმაციით, პაქსი ავტომობილის უკანა ნაწილს დაეჯახა, ავტომობილი კი შუქნიშანზე, წითელ შუქზე იყო გაჩერებული. არსებული ინფორმაციით, მანქანის მძღოლი ავტომობილიდან გადმოვიდა და დაშავებული პაქსის დახმარება პოლიციისა და სასწრაფო დახმარების მისვლამდე სცადა.
TMZ-ის ცნობით, ამ დროისთვის უცნობია, პაქსის დაზიანების ხარისხი. ექიმები შიშობენ, რომ შესაძლოა, მას თავში სისხლჩაქცევები ჰქონდეს.