80 წლის მიკ ჯაგერი 37 წლის პარტნიორთან ერთად ოლიმპიადის გახსნაზე გამოჩნდა - ფოტოები
სერ მიკ ჯაგერი თავის პარტნიორ მელანი ჰამრიკთან ერთად 2024 წლის ოლიმპიადის გახსნაზე გამოჩნდა. Louis Vuitton-ის მიღება პარიზში ჩატარდა, 80 წლის ჯაგერმა კი სახალისო გამომეტყველება მიიღო და ხელი თეატრალურად გაიშვირა, როდესაც ღონისძიების მუქ მწვანე ხალიჩაზე გამოჩნდა.
მას ეცვა შავი კოსტიუმი ყვავილოვანი დიზაინით და ღილებგახსნილი, უჰალსტუხო თეთრი პერანგი.
მიკის ასევე, მჭიდრო შარვალი ეცვა. მან ფოტოგრაფების წინ მელანის, რომელსაც უმკლავებო შავი კაბა ეცვა, ხელი მოხვია.
მელანის ელეგანტურ კაბას ოქროსფერი დეტალები ჰქონდა, რომლებიც კაბის კიდეს გასდევდა.
ასევე, Louis Vuitton-ის ვარსკვლავებით სავსე ღონისძიებაზე იყვნენ ესპანელი მომღერალი როზალია და მისი შეყვარებული, მსახიობი ჯერემი ალენ უაიტი, ისევე, როგორც სხვა ცნობილი სახეები, მათ შორის სერენა უილიამსი და მსახიობები, ზენდაია და შარლიზ თერონი.
ცოტა ხნის წინ, მისურიში მიკ ჯაგერის და The Rolling Stones-ის სხვა წევრების Hackney Diamonds ტური დასრულდა.
Hackney Diamonds მათი 2023 წლის სტუდიური ალბომის, Hackney Diamonds-ისთვის მოეწყო, რომელიც თითქმის 20 წლის შემდეგ ორიგინალური მასალით მათი პირველი სტუდიური ალბომია.
ტურის დროს, The Rolling Stones გააკრიტიკეს Brown Sugar-ის ამოღების გამო თავიანთი შესასრულებელი სიმღერებიდან. ეს სიმღერა მონობასთან და შავკანიან ქალთან სექსუალურ ურთიერთობასთან დაკავშირებით გარკვეულ კითხვებს ბადებს.
ამის შემდეგ მალევე, ბენდმა ასევე ამოიღო ტექსტი პრეზიდენტების მკვლელობების შესახებ ერთ-ერთ ყველაზე პოპულარულ ჰიტში. ეს საპრეზიდენტო კანდიდატ დონალდ ტრამპის სიცოცხლის ხელყოფის მცდელობას მოჰყვა.
1968 წლის Stones-ის კლასიკურ Sympathy for the Devil-ში, ჯგუფის სოლისტი მიკი მღერის: “მე დავიყვირე: "ვინ მოკლა კენედები?" კარგი, ბოლოს და ბოლოს, ეს შენ და მე ვიყავით.” მაგრამ როდესაც მან ეს სიმღერა Hackney Diamonds ტურის ბოლო სამ კონცერტზე შეასრულა, რომლებიც ტრამპის დაჭრის შემდეგ გაიმართა, შესამჩნევი გახდა, რომ ეს ტექსტი სიმღერიდან ამოღებული იყო.
ამის ნაცვლად, მიკმა ცოცხალ შესრულებებში სრულიად გამოტოვა სახელგანთქმული სიმღერის კუპლეტი, რომელიც კენედების მკვლელობას ეხებოდა. მესამე კუპლეტის ნაცვლად, Stones-ის გიტარისტები კიტ რიჩარდსი და რონი ვუდი ინსტრუმენტულ ნაწილს ასრულებდნენ.
სიმღერის ორიგინალური ტექსტი, რომელიც 1968 წელს დაიწერა, ასეთი იყო: “ვინ მოკლა ჯონ კენედი?”, მაგრამ ჯაგერმა ტექსტი JFK-ის ძმის, რობერტ ფ. კენედის მკვლელობის შემდეგ, მრავლობით რიცხვში გადაიყვანა.
წაიკითხეთ ასევე: