მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჯენიფერ ენისტონი ვიცე-პრეზიდენტობის კანდიდატ ჯეი დი ვანსს დაუპირისპირდა, რომელიც კამალა ჰარისს "უშვილო კატიან ქალბატონს" უწოდებდა: "ვერ ვიჯერებ, რომ ეს აშშ-ის პოტენციური ვიცე-პრეზიდენტის ნათქვამია"
14:46 / 25-07-2024
მოგეხსენებათ, აშშ-ის ექსპრეზიდენტისა და პრეზიდენტობის კანდიდატის, დონალდ ტრამპის გადაწყვეტილებით, ვიცე-პრეზიდენტობის კანდიდატად სენატორი და მწერალი ჯეი დი ვანსი დასახელდა.
მსახიობმა ჯენიფერ ენისტონმა Instagram Stories-ში გაიხსენა ვანსის მიერ 2021 წელს იმჟამინდელ ვიცე-პრეზიდენტ კამალა ჰარისზე ნათქვამი - "უშვილო კატიან ქალბატონებზე, რომლებიც უბედურები არიან საკუთარი ცხოვრებით", და ამის გამო მკაცრად გააკრიტიკა.
"ვერ ვიჯერებ, რომ ეს აშშ-ის პოტენციური ვიცე-პრეზიდენტის ნათქვამია", - ამბობს "მეგობრების" ვარსკვლავი და აგრძელებს:
"ბატონო ვანს, ვილოცებ, რომ თქვენს ქალიშვილს გაუმართლოს და ერთ დღეს საკუთარი შვილები ეყოლოს. იმედი მაქვს, მას მეორე ვარიანტად ინ ვიტრო განაყოფიერების გამოყენება არ დასჭირდება. რადგან თქვენ მისთვის ამის უფლების წართმევასაც ცდილობთ".
როგორც ირკვევა, ვანსი 2021 წლის განცხადებებში, ვიცე-პრეზიდენტ ჰარისის ლიდერობას ეჭვქვეშ აყენებდა იმის გამო, რომ მას ბიოლოგიური შვილები არ ჰყავდა.
ოჰაიოში სენატისთვის კენჭისყრის დროს, მან Fox News-თან ინტერვიუში თქვა:
"ჩვენ "ეფექტურად" ვიმართებით ამ ქვეყანაში დემოკრატების მიერ" და ისინი მოიხსენია, როგორც "უშვილო კატებიანი ქალების ჯგუფი, რომლებიც საკუთარი ცხოვრებითა და არჩევანით უბედურები არიან და ამიტომ სურთ, დანარჩენი ქვეყანაც გააუბედურონ".
ვანსმა კარლსონთან ინტერვიუში თქვა: "ეს უბრალოდ ფაქტია - შეხედეთ კამალა ჰარისს, პიტ ბუტიჯიჯს, დემოკრატების მომავალი უშვილო ადამიანების მიერ კონტროლდება. როგორ შეიძლება, რომ ჩვენი ქვეყანა გადავაბარეთ ამ ადამიანებს?.."
39 წლის ვანსს და მის 38 წლის მეუღლე უშას სამი შვილი ჰყავთ - ვაჟები, 6 წლის იუენი, 4 წლის ვივეკი და 2 წლის ქალიშვილი მირაბელი.
ჰარისს ბილოგიური შვილები არ ჰყავს, ის შვილებად მიიჩნევს მისი მეუღლის ვაჟს და ქალიშვილს, ბუტიჯიჯმა კი განაცხადა, რომ მან და მისმა მეუღლემ 2021 წლის სექტემბერში ტყუპი ჩვილები იშვილეს, ერთ თვეზე მეტი ხნით ადრე, ვიდრე ვანსი ამ კომენტარებს გააკეთებდა.
ენისტონი, რომელიც ამჟამად Apple TV+-ის სერიალში The Morning Show მონაწილეობს, თავისი ნაყოფიერობის პრობლემებისა და წლების განმავლობაში შვილის ყოლის მცდელობების შესახებ ხშირად ლაპარაკობს გულახდილად.
ენისტონმა, რომელიც ადრე ქორწინებაში იმყოფებოდა ბრედ პიტთან და ჯასტინ თერუსთან, გამოცემა Allure-თან 2022 წლის დეკემბერში განაცხადა, თუ როგორ ცდილობდა შვილების ყოლას ათწლეულზე მეტი ხნის განმავლობაში.
"ეს იყო ურთულესი გზა ჩემთვის..."
ენისტონმა გულახდილად ისაუბრა იმ მრავალ მეთოდზე, რომლის გამოყენებითაც ცდილობდა დაფეხმძიმებას.
"ვცადე ინ ვიტრო განაყოფიერება, ვსვამდი ჩინურ ჩაის, ყველაფერს ვაკეთებდი", - თქვა ენისტონმა, - "ყველაფერს ვცდილობდი. ყველაფერს მივცემდი, ვინმეს რომ ეთქვა ჩემთვის, "გაყინე კვერცხუჯრედები. იზრუნე საკუთარ თავზე". უბრალოდ, არ ფიქრობ ამაზე. ასე რომ, აი, დღეს აქ ვარ. მატარებელმა უკვე ჩაიარა..." - განაცხადა მან ერთ-ერთ ინტერვიუში. წყარო
იხილეთ ასევე:
- "იქცევა თუ არა კამალა ჰარისი მართლაც "ტრამპის რისხვად"? - ბრძოლა დაიწყო: ყველაფერი ექსპროკურორზე, რომელსაც აქვს შანსი აშშ-ის ისტორიაში პირველი ქალი პრეზიდენტი გახდეს
- ყველაფერს გავიღებდი იმისთვის, რომ წლების წინ ვინმეს ეთქვა, კვერცხუჯრედები გაყინეო..." - ჯენიფერ ენისტონი შვილის ყოლის ამაო მცდელობებსა და ადამ სენდლერთან მეგობრობაზე
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
