ბრაზილიაში, 13 ზვიგენის გაკვეთის შედეგად, მათ ორგანიზმში კოკაინის მაღალი კონცენტრაცია აღმოაჩინეს - რას ამბობენ მეცნიერები

საზღვაო ბიოლოგებმა რიო-დე-ჟანეიროს სანაპიროების 13 ზვიგენის გაკვეთისა და ლაბორატორიული ანალიზის შედეგად, მათ კუნთებსა და ღვიძლში კოკაინის მაღალი შემცველობა აღმოაჩინეს.

მეცნიერები ვარაუდობენ, რომ კოკაინი წყლებში უკანონო ლაბორატორიების ან ნარკოტიკის მომხმარებლების ექსკრემენტების გზით უნდა აღწევდეს.

კვლევაში მონაწილე ყველა ზვიგენი ორსულად იყო, მაგრამ კოკაინის ზემოქმედების შედეგები ნაყოფზე უცნობია. ექსპერტების თქმით, ზვიგენებში ნარკოტიკის მაღალი მაჩვენებელი "ძალიან მნიშვნელოვანი და პოტენციურად შემაშფოთებელია". საჭიროა შემდგომი კვლევა იმის დასადგენად, ცვლის თუ არა კოკაინი ზვიგენების ქცევას. თუმცა, წინა კვლევებმა აჩვენა, რომ წამლებს ცხოველებზე ისეთივე ეფექტი ჰქონდა, როგორც ადამიანებზე.

გასულ წელს, ინგლისის სამხრეთ სანაპიროზე შეგროვებულ ზღვის წყლის ნიმუშებში აღმოაჩინეს ქიმიური ნაერთები, მათ შორის ბენზოილეგგონინი, რომელსაც ღვიძლი კოკაინის გამოყენების შემდეგ გამოიმუშავებს.

აღსანიშნავია, რომ ეს პირველი კვლევაა, რომლის ფარგლებშიც ზვიგენთა ორგანიზმში კოკაინის მაღალი კონცენტრაცია აღმოაჩინეს.

წყარო