"შაილომ მამის გვარზე უარი თქვა მტკივნეული მოვლენების გამო" - რას ამბობს ადვოკატი ბრედ პიტისა და მისი შვილების დაპირისპირებაზე
ანჯელინა ჯოლისა და ბრედ პიტის შვილმა, შაილომ, მამის გვარზე უარი თქვა "მტკივნეული მოვლენების" გამო - ამის შესაც Page Six-ს გოგონას ადვოკატმა განუცხადა. მან ასევე კომენტარი გააკეთა იმის შესახებ, რომ ოფიციალური ინფორმაცია ამის შესახებ Los Angeles Times-ში გამოქვვეყნდა.
"გვარის შეცვლასთან დაკავშირებული იურიდიული შეტყობინება გამოქვეყნდა Los Angeles Times-ში, როგორც საჭიროა", - ამბობს ადვოკატი ასევე პრესას მოუწოდებს, უფრო ფრთხილად იყონ მსგავსი თემების გაშუქებისას, განსაკუთრებით მაშინ, როცა საქმე მოზარდს ეხება.
გავრცელებული ინფორმაციით, ამ გადაწყვეტილებამ ბრედ პიტი ძალიან გაანაწყენა. მსახიობთან დაახლოებული პირის თქმით, ბრედი მომხდარს ძალიან განიცდის:
"შაილოს დაბადება ბრედის ცხოვრებაში ყველაზე დიდი სიხარული იყო - ყოველთვის უნდოდა ქალიშვილი ჰყოლოდა. შვილები ძალიან უყვარს. ამ ყველაფერს განიცდის" - განაცხადა ანონიმურმა წყარომ.
მისივე თქმით, ბრედს ახლა ინეს დე რამონთან ურთიერთობაღა ახარებს: "ის ბედნიერია ინესთან, მაგრამ შვილებთან სიშორე ტკივილს აყენებს. ეს პროცესი მთელი ოჯახისთვის ძალიან მძიმე იყო",- ამბობს მსახიობთან დაახლოებული პირი.
შაილომ გვარის შეცვლაზე განაცხადი 27 მაისს შეიტანა, იმავე დღეს, როცა 18 წელი შეუსრულდა. მას სურს, რომ მხოლოდ დედის გვარი ჰქონდეს.
48 წლის ანჯელინას და 60 წლის პიტს 6 შვილი ჰყავთ, შაილო ერთადერთი არაა ჯოლი-პიტის შვილებიდან, ვინც მამის გვარზე უარს ამბობს.წყვილის თინეიჯერი შვილი, ვივიენიც "ჯოლი-პიტის" ნაცვლად, თავს "ჯოლიდ" მოიხსენიებს. ამ დროისთვის ჯერ კიდევ უცნობია, კანონიერადაც შეიცვალა თუ არა ვივიენმა გვარი. გავრცელებული ინფორმაციით, მამის გვარს მათი მესამე გოგონა, ზაჰარაც პროტესტს უცხადებს. გასულ ნოემბერს კოლეჯში თავის წარდგენისას წყვილის უფროსმა ქალიშვილმა საკუთარი თავი "ზაჰარა მარლი ჯოლიდ" გამოაცხადა.