NASA-ს კიდევ ერთი გასაოცარი აღმოჩენა - მარსმავალმა ცეცხლოვან პლანეტაზე გოგირდის მოყვითალო-მომწვანო კრისტალები იპოვა: რას ნიშნავს ეს?

NASA-ს მარსმავალმა გამაოგნებელი აღმოჩენა გააკეთა - მან ცეცხლოვან პლანეტაზე გოგირდის მოყვითალო-მომწვანო კრისტალები იპოვა. მეცნიერების თქმით, ეს პირველი შემთხვევაა, როცა მარსზე გოგირდი აღმოაჩინეს.

მარსმავალი, სახელად Curiosity, პლანეტაზე “გედიზ ვალისის“ არხს იკვლევდა, რომელიც 3 მილიარდი წლის წინ, სავარაუდოდ, წყალმა წარმოქმნა. Curiosity-მ პარსზე ქვების გროვას გადაუარა და ერთ-ერთი მათგანი შუაზე გახეთქა, რა დროსაც, მეცნიერებმა შუაზე გაპობილი ქვის შიგნით გოგირდის ქანები შენიშნეს.

"ვფიქრობ, მთელი მისიის მანძილზე ეს ყველაზე უცნაური და მოულოდნელი აღმოჩენა იყო", - განუცხადა CNN-ს აშვინ ვასავადამ, Curiosity-ს პროექტის ერთ-ერთმა მეცნიერმა და NASA-ს კალიფორნიის ლაბორატორიის თანამშრომელმა. "უნდა ვთქვა, რომ აქ იღბალმა დიდი როლი ითამაშა, რადგან ასეთ საინტერესო ნივთიერებას ყველა ქვაში ვერ ნახავთ. აქ სუფთა გოგირდის აღმოჩენას არავინ ელოდა",- დასძინა ვასავადამ.

• როგორც წესი, დედამიწაზე სუფთა გოგირდი მხოლოდ ექსტრემალურ პირობებში წარმოიქმნება, მაგ, როგორიცაა ვულკანური პროცესები ან ცხელი წყაროები.

ამ აღმოჩენამ მეცნიერებს კიდევ ახალი კითხვები გაუჩინა. ისინი ახლა იმას იკვლევენ, თუ რას უნდა ნიშნავდეს მარსისთვის და მისი კოსმოსური ისტორიისთვის სუფთა გოგირდის არსებობა.

წყარო: nypost

მოამზადა: ანა სიბოშვილმა