მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
CIA-ის ყოფილი თანამშრომელი სამხრეთ კორეის სასარგებლოდ, ძვირადღირებული საჩუქრების სანაცვლოდ ჯაშუშობდა - რა ნივთებზე ცვლიდა ის მნიშვნელოვან ინფორმაციას
12:19 / 18-07-2024
აშშ-ის ცენტრალური სადაზვერვო სააგენტოს (CIA) ყოფილმა ანალიტიკოსმა ათწლეულზე მეტი ხნის განმავლობაში სამხრეთ კორეის საიდუმლო აგენტად ძვირადღირებული ჩანთების, დიზაინერული ტანსაცმლისა და მიშლენის ვარსკვლავიან რესტორნებში ვახშმების სანაცვლოდ იმუშავა. ამის შესახებ ფედერალურმა პროკურორებმა განაცხადეს.
- სასამართლო დოკუმენტების თანახმად, სეულში დაბადებული 54 წლის სუ მი ტერი, რომელიც ამჟამად მანჰეტენზე ცხოვრობს, სარგებლობდა "საგარეო პოლიტიკის პატივცემული ექსპერტის" სტატუსით და აშშ-ის მაღალჩინოსნებზე ინფორმაციას ცვლიდა ისეთი საჩუქრების სანაცვლოდ, როგორებიცაა 3,450 დოლარის ღირებულების Louis Vuitton-ის ჩანთა, 2,845 დოლარის ღირებულების Dolce & Gabbana-ს პალტო და ვახშმები მაღალი კლასის რესტორნებში.
ტერიმ, რომელიც საგარეო ურთიერთობების საბჭოს ანალიტიკურ ცენტრში კორეის კვლევების უფროსი მეცნიერ-თანამშრომელი იყო, სავარაუდოდ, ჯაშუშობა სამხრეთ კორეის სასარგებლოდ 2013 წლის ოქტომბერში დაიწყო, ცენტრალური სადაზვერვო სააგენტოდან წასვლიდან ხუთი წლის შემდეგ, სადაც ის აღმოსავლეთ აზიის საკითხების ანალიტიკოსი იყო.
შემდეგი 10 წლის განმავლობაში, ის "აწვდიდა სამხრეთ კორეის დაზვერვას მნიშვნელოვან ინფორმაციას აშშ-ის მთავრობის შესახებ, სამხრეთ კორეა კი ამ ინფორმაციას იყენებდა აშშ-ის პოლიტიკაზე გავლენის მოსახდენად. ყველაფერი ეს კი "ფულისა და ძვირადღირებული საჩუქრების" სანაცვლოდ", - განაცხადეს FBI-ში.
ბრალდების თანახმად, ტერიმ აშშ-ის სახელმწიფო მდივნის, ენტონი ბლინკენის, ჩრდილოეთ კორეასთან დაკავშირებული კერძო შეხვედრის შესახებ 2022 წლის ივნისში ხელნაწერი ჩანაწერები თავის სამხრეთ კორეელ დაზვერვის კურატორს გადასცა. ამის შემდეგ რამდენიმე კვირაში, ტერიმ თავისი კურატორების თხოვნით, ჰეფი ჰაურს უმასპინძლა და სამხრეთ კორეელ ჯაშუშს საშუალება მისცა, კონგრესის თანამშრომლებს დიპლომატის როლში შეხვედროდა.
სანაცვლოდ, ტერი კურატორებს საყიდლებზე მიჰყავდათ.
პროკურორები ამტკიცებენ, რომ 2019 წლის ნოემბერში სამხრეთ კორეელმა ჯაშუშმა ტერის Dolce & Gabbana-ს პალტო უყიდა.
მაგრამ ეს მდიდრული სამოსი ტერის არ მოეწონა და რამდენიმე დღის შემდეგ დააბრუნა, სანაცვლოდ კი 4,100 დოლარის ღირებულების Christian Dior-ის პალტო აიღო.
ფედერალები ამბობენ, რომ ტერი არასდროს დარეგისტრირებულა უცხოელ აგენტად იუსტიციის დეპარტამენტში. 2014 წელს FBI-ს აგენტებმა გააფრთხილეს, რომ იგი შეიძლება, უკანონო უცხოური გავლენის სამიზნე ყოფილიყო.
ტერი აშშ-ს მთავრობაში 2001-დან 2011 წლამდე სხვადასხვა პოზიციაზე მსახურობდა, მათ შორის, როგორც ცენტრალური სადაზვერვო სააგენტოს ანალიტიკოსი და როგორც კორეის, იაპონიისა და ოკეანის საქმეთა დირექტორი თეთრი სახლის ეროვნული უსაფრთხოების საბჭოში.
სასამართლო ჩანაწერები აჩვენებს, რომ ტერი მანჰეტენის ფედერალურ სასამართლოში პირველი წარდგენისას 500,000 დოლარის გირაოს გადახდის შემდეგ გათავისუფლდა.
თუ უცხოელ აგენტად დაურეგისტრირებლობის და უცხოელ აგენტად მოქმედების შეთქმულების ბრალდებებში დამნაშავედ ცნობენ, მას ხუთ წლამდე პატიმრობა ემუქრება.
მისმა ადვოკატმა, ლი ვოლოსკიმ განაცხადა, რომ ბრალდებები არის "უსაფუძვლო". ქალი დაქორწინებულია Washington Post-ის საავტორო სვეტის ავტორ მაქს ბუტზე.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
