მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"უდაბნოში ფეხშიშველები მიდიოდნენ, დედა ორსულად იყო, ხალხი კვდებოდა და ადგილზევე მარხავდნენ" - ნიკო უილიამსის ოჯახის უმძიმესი გზა: მშობლების თავგანწირვისა და შვილების ტრიუმფის ამბავი
12:27 / 18-07-2024
2024 წლის ევროპის ჩემპიონატმა მსოფლიოს ფეხბურთს არაერთი ვარსკვლავი აჩუქა, მათ შორის არის ესპანეთის ნაკრების შემტევი, 22 წლის ნიკო უილიამსი, რომელმაც ოჯახთან ერთად, ურთულესი გზა გაიარა.
ნიკოს უფროსი ძმა, ინაკიც ფეხბურთელია. მათი ამბავი კი მშობლების თავგანწირვისა და შემდეგ, შვილების ტრიუმფის ისტორიაა. ოჯახის სამშობლო განაა. მშობლებმა, ფელიქს უილიამსმა და მარია ართუერმა უმეტესწილად ფეხშიშველებმა გადალახეს ფეხით მცხუნვარე საჰარის უდაბნო იმისთვის, რომ უკეთესი მომავლის იმედით ესპანეთამდე ჩაეღწიათ. იმ დროს ქალი ნიკოს ძმაზე იყო ორსულად.
- "მათ გზის ნაწილი სატვირთო მანქანით დაფარეს, შემდეგ ფეხით მიდიოდნენ. ხალხი ვერ უძლებდა და გზაში კვდებოდნენ, გარდაცვლილებს გზაშივე მარხავდნენ, იყო ქურდობისა და გაუპატიურების შემთხვევები, არც წყალი, არც საკვები, საშინელი გზა გამოიარეს", - უამბო მშობლების შესახებ "გარდიანს" ინაკმა.
ნიკომ ევროპის ჩემპიონატის მოგება მამას მიუძღვნა, კაცს, რომელიც ყველანაირ სამუშაოს ასრულებდა შვილების მომავლისთვის. ბილბაოს "ატლეტიკის" გარემარბი ამბობს, რომ მისი წარმატება მშობლების და უფროსი ძმის დამსახურებაა.
ოჯახი 1994 წელს ესპანეთში ლტოლვილად ჩაბარდა და პამპლონაში დასახლდა. ნიკო სწორედ იქ, 2002 წლის ივლისში დაიბადა. ბავშვობის დიდი ნაწილი მამასთან ერთად გაატარა და მასთან ერთად ფულის გამომუშავებას ცდილობდა.
მამა კი მუშაობდა მწყემსად, დამლაგებლად, მუშად.. შემდეგ ფელიქსი ლონდონში წავიდა სამსახურის საძებნელად, სამი წლის ნიკო კი დედასთან და ძმასთან ერთად ესპანეთში დარჩა.
ბიჭზე უფროსი ძმა, ინაკი ზრუნავდა და მისი სპორტსმენად ჩამოყალიბებაში უდიდესი როლი აქვს. ადგილობრივ კლუბს, "ოსასუნას" სურდა ახალგაზრდა ნიკოს გადაბირება, მაგრამ 2012 წელს ბილბაოს "ატლეტიკმა" მისი ძმა იყიდა და ერთი წლის შემდეგ ნიკოც ამ კლუბში წაიყვანეს. ინაკი, ნიკოს ძმა ბიჭისთვის მამასავით იყო. გასულ სეზონში ის რასობრივ ნიადაგზე შეურაცხყოფის მსხვერპლი გახდა, ამ ინციდენტის შემდეგ სამ ადამიანს რვათვიანი თავისუფლების აღკვეთა მიესაჯა, ასევე ორი წლით აეკრძალათ სტადიონზე შესვლა
- ინაკი ნიკოზე ცხრა წლით უფროსია. "ის მე მუდამ მიცავს, ჩემი მფარველია, მისი დამსახურებაა, რომ დღეს ვარ ის, ვინც ვარ", - ამბობს ახალგაზრდა ფეხბურთელი.
საინტერესოა კიდევ ერთი ფაქტი, ნიკოს ძმა მშობლიური განის ეროვნული ნაკრების ფეხბურთელია, მაშინ როცა ნიკომ ესპანეთის ნაკრების ფორმა მოირგო.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
