ისტორიაში პირველად, კაცობრიობისგან იზოლირებული ტომი დასახლებულ არეალში გამოჩნდა - სავარაუდოდ მათ ხეების გაჩეხვა “გააპროტესტეს“(ვიდეო)

ახლახანს გავრცელებულ ვიდეოში ჩანს, რომ მონადირე - შემგროვებელთა უკონტაქტო ტომი პერუს მდინარის ნაპირებზე საკუთარი ნებით, ვიდეო კამერების წინაშე გამოვიდა. ისინი ქვიშაში შუბებს არჭობდნენ.

ექსპერტები აცხადებენ, რომ განმარტოებული ტომი, ბოლო დროს უფრო ხშირად გამოდის პერუს სამხრეთ-აღმოსავლეთში, მადრე დე დიოსის რეგიონში არსებული თავისი საბინადრო არეალიდან. მათი თქმით, გადაადგილება სავარაუდოდ მასიურმა წვიმებმა გამოიწვია, რადგან ხეების გაჩეხვის გამო ტყეები დაიტბორა. სავარაუდოდ დაზარალდა ის რაიონიც, სადაც ტომი ცხოვრობს.

“მაშკო პიროს“ ტომი, მსოფლიოში ყველაზე დიდ, იზოლირებულ ტომად ითვლება. იშვიათი ვიდეო გვიჩვენებს, რომ ტომი პატარა ჯგუფებად არის დაყოფილი. ისინი საუბრობენ ჟესტებით.

Survival International-ის თანახმად, ტომი “მაშკო პირო“, რომელიც მადრე დე დიოს ორ ბუნებრივ ნაკრძალს შორის მდებარე არეალში ბინადრობს, არასოდეს ურთიერთობდნენ გარე სამყაროსთან.

შეშფოთება იმ ფაქტმაც გამოიწვია, რომ აღნიშნულ ტერიტორიასთან ახლოს კომპანია Mashco Piro ხე-ტყის მოპოვების სამუშაოებს აწარმოებს. კომპანია სერტიფიცირებულია ტყის მეთვალყურეობის საბჭოს მიერ.

წყარო: dailymail