მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ცნობილი ხდება ბათუმში მოკლული ახალგაზრდის ვინაობა - რა ვერსიები ვრცელდება: “შეყვარებულის დაცვას ცდილობდა...“
10:22 / 16-07-2024
15 ივლისს, ბათუმში მომხდარ მკვლელობასთან დაკავშირებით კიდევ ერთი ვერსია ვრცელდება. გავრცელებული ინფორმაციით, 27 წლის არჩილ წუწუნავა შეყვარებულის თვალწინ მოკლეს. “კურიერის“ ინფორმაციით, “მოკლული აგრესიული მამაკაცისგან შეყვარებულის დაცვას ცდილობდა. მანამდე თავდამსხმელი ქუჩაში გამვლელებს აგინებდა, შეურაცხყოფას აყენებდა გარდაცვლილის შეყვარებულსაც“.
27 წლის არჩილ წუწუნავას სასიკვდილო ჭრილობები გვიან ღამით, ერთ-ერთი კაფის წინ მიაყენეს. დაკავებული 29 წლის რევაზ ცეცხლაძეა.
- მკვლელობის მოტივთან დაკავშირებით კიდევ ერთი ვერსია ვრცელდება - შესაძლოა, ეს მუსიკის ხმამაღლა მოსმენას უკავშირდებოდეს
როგორც “ტვ პირველთან“ საუბარში ადგილობრივები ჰყვებიან, სავარაუდო დამნაშავე გვიან ღამით, რესტორნის ტერიტორიაზე მუსიკას ხმამაღლა უსმენდა. ამან ადგილობრივების გაღიზიანება გამოიწვია. გარდაცვლილი მამაკაცი მასთან მივიდა და სთხოვა, რომ მუსიკისთვის დაეწია, რასაც დაპირისპირება მოჰყვა.
“არაფრის გამო მოკლეს ადამიანი. არაფრის გამო. მუსიკა ჰქონდა მაღალ ხმაზე, ქუჩაში ისმოდა. მეზობელი გამოვიდა გარეთ, უნდა დავისვენო, ჩაუწიეო... დაუწყია ჩხუბი: შენ ვინ ხარ, რა შუაში ხარო. დალია, ალბათ. დაახლოებით 3-4 საათი იქნებოდა“ , - აცხადებს გარდაცვლილის მეზობელი.
შეგახსენებთ, რომ შინაგან საქმეთა სამინისტროს აჭარის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, 1995 წელს დაბადებული, წარსულში ნასამართლევი რ.ც. განზრახ მკვლელობის ბრალდებით დააკავეს.
შინაგან საქმეთა სამინისტროს ცნობით, დანაშაული 15 წლამდე ვადით თავისუფლების აღკვეთას ითვალისწინებს.
“გამოძიებით დადგინდა, რომ ბრალდებულმა, ბათუმში, ურთიერთშელაპარაკებისას, 1997 წელს დაბადებული ა.წ. დანის გამოყენებით დაჭრა და შემთხვევის ადგილიდან მიიმალა. დაჭრილი მამაკაცი სამედიცინო დაწესებულებაში მიყვანამდე გარდაიცვალა.
პოლიციამ რ.ც. ცხელ კვალზე, ბრალდებულის სახით დააკავა. განზრახ მკვლელობის ფაქტზე გამოძიება სისხლის სამართლის კოდექსის 108-ე მუხლით მიმდინარეობს“,- ნათქვამია ინფორმაციაში.
ასევე იხილეთ:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
