მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქართველი ფეხბურთელის სკანდალები, კარიერა ჩინეთში და სექსუალური მეუღლე - რა არის ცნობილი ვაკო ყაზაიშვილის პირადზე: წყვილის ფოტოები "ინსტაგრამიდან"
13:12 / 13-07-2024
11 ივლისს თბილისის საქალაქო სასამართლომ პროკურატურის მიერ წარდგენილი მტკიცებულებების საფუძველზე და საქართველოს ფეხბურთის ეროვნული ნაკრების წევრების მიმართ განხორციელებული მუქარის ფაქტზე ნოდარ ნიშნიანიძე დამნაშავედ ცნო და დაუსწრებლად 1 წლით თავისუფლების აღკვეთა მიუსაჯა.
ნოდარ ნიშნიანიძე საქართველოს ნაკრების წევრ, ფეხბურთელ ვაკო ყაზაიშვილის ცოლისძმაა.
როგორ დაიწყო ყველაფერი
2022 წელს "შაბათის ფორმულამ" გაავრცელა აუდიოჩანაწერი, სადაც ისმის, რომ საქართველოს საფეხბურთო ნაკრების წევრებს სიცოცხლის მოსპობითა და ცემით ემუქრებიან. "ფორმულას" ინფორმაციით, აუდიოჩანაწერში ისმის 32 წლის ნოდარ ნიშნიანიძის მუქარა, რომელიც უკმაყოფილოა იმის გამო, რომ "ერთა ლიგის" მატჩში, როცა საქართველომ ჩრდილოეთ მაკედონიას 2:0 მოუგო, ძირითად შემადგენლობაში ვაკო ყაზაიშვილი ვერ მოხვდა.
ჩანაწერის გავრცელების შემდეგ, ვაკო ყაზაიშვილმა სოციალურ ქსელში განცხადება გაავრცელა, სადაც ბოდიში მოიხადა აღნიშნული ფაქტის გამო.
"ყველამ, ვინც წარმოადგენს ნაკრებს და ფედერაციას იცის, რომ ეს ჩანაწერი ყველაზე ბოლომ მოვისმინე. თქვენთვის ამ ჩანაწერში ნაკრების წევრებზე საუბრობენ და ჩემთვის - მეგობრებზე. ამიტომ განსაკუთრებით მძიმე და მიუღებელია საუბრის შინაარსი ჩემთვის. ნაკრებს აქვს ისტორიული შანსი და ამ შანსის გამოსაყენებლად ყველაფერს გავიღებ.
ყველანაირ პირადულ წინააღმდეგობას გადავლახავ. ჩემთვის მთავარია არ დაზარალდეს ჩვენი დიდი საფეხბურთო ოჯახი და ამიტომ მზად ვარ მივიღო ფედერაციის ნებისმიერი გადაწყვეტილება.“ - წერდა ყაზაიშვილი.
მალევე საქართველოს ნაკრების მწვრთნელმა ვილი სანიოლმა იმ ფეხბურთელთა სია დაასახელა, ვინც მაროკოსთან მატჩში მიიღებდა მონაწილეობას, სიაში ვერ მოხვდა შემტევი.
ვინ არის ნოდარ ნიშნიანიძე
ნოდარ ნიშნიანიძეზე წლებია, რაც საერთაშორისო ძებნაა გამოცხადებული. ყაზაიშვილის ცოლის ძმაა და უკვე წლებია "ქართული ოცნების" ხელისუფლებასთანაა დაპირისპირებული, რადგან მისივე მტკიცებით, მას გამოძიებამ ჯერ კიდევ 2015 წელს იარაღი ჩაუდო.
ჩანაწერში ნიშნიანიძე ფეხბურთის ფედერაციას ეუბნება, რომ პასუხს ყველას მოსთხოვს - ევროპაში ჩასვლის შემთხვევაში ყველას იპოვიან ის და ლაშა სიხარულიძე, მეტსახელად სუხო, ნაკრებს "გაანახევრებენ". ნოდარ ნიშნიანიძესთან ერთად წლებია წითელი ცირკულარით იძებნება ლაშა სიხარულიძეც. უკრაინის ძალოვანი უწყება მათ ქართველი კრიმინალური ავტორიტეტის ირაკლი მალანიას მკვლელობისთვის ეძებს.
ვაკო ყაზაიშვილი საფეხბურთო კარიერა
30 წლის ყაზაიშვილმა კარიერა სამშობლოში დაიწყო. 2011 წელს კი ერედივიზიის ვიტესში გადავიდა. 2016-2017 წლების სეზონი იჯარით გაატარა ვარშავის ლეგიაში, სადაც მოიგო ექსტრაკლასი და ითამაშა უეფას ჩემპიონთა ლიგაზე. შემდეგ ის შეუერთდა ფეხბურთის მთავარი ლიგის San Jose Earthquakes-ს, სადაც ოთხი სეზონი გაატარა.
მისი დებიუტი საქართველოს ნაკრებში 2014 წელს შედგა.
2016-2017 წლების სეზონის დასრულების შემდეგ, ყაზაიშვილი ვიტესში დაბრუნდა, მაგრამ ერთ წელიწაში ამერიკულ გუნდს სან ხოსე ერკვეიქსს შეუერთდა, სადაც 2020 წლამდე დარჩა. 2021 წლის 16 თებერვალს ყაზაიშვილმა კონტრაქტი გააფორმა სამხრეთ კორეულ K League 1-ის ულსან ჰიუნდაისთან. თუმცა გუნდი მალევე დატოვა და 2025 წლის ბოლომდე ჩინეთის სუპერლიგის ვიცე-ჩემპიონ "შანდუნ ტაიშანში" გადავიდა.
პირადი ცხოვრება
ყაზაიშვილი ოზურგეთში დაიბადა, მაგრამ საქართველოს დედაქალაქში გაიზარდა. დედა ქართულის მასწავლებელია, მამა კი ინჟინერი; ჰყავს უმცროსი ძმა ბექა, რომელიც მასზე თვრამეტი თვით უმცროსია. 2011 წელს ყაზაიშვილმა იქორწინა გვანცა ნიშნიანიძეზე, ოთხ წელიწადში ქალიშვილი ემილია შეეძინათ. მოგვიანებით კი ვაჟი. 2019 წლის იანვარში, ყაზაიშვილმა ამერიკის მწვანე ბარათი მიიღო.
ვაკო ყაზაიშვილი ახლო მეგობარია გურამ კაშიასი, რომელსაც ის ვიტესში თამაშისას შეხვდა.
წლების წინ ყაზაიშვილის მეუღლე გვანცა ფეხბურთელი ქმრის შესახებ იხსენებდა, რომ მათი ოჯახები მეგობრობდნენ.
გვანცა ნიშნიანიძე:
- მე და ვაკო ერთმანეთს ბავშვობიდან ვიცნობთ. ჩვენი მშობლები მეგობრები იყვნენ და შესაბამისად, ჩვენც ვმეგობრობდით. ფაქტობრივად, ერთად გავიზარდეთ. 17 წლის ასაკში მივხვდით, რომ ერთმანეთი ძალიან მოგვწონდა, შემდეგ ეს ურთიერთობა გაღრმავდა და დავქორწინდით. ვაკოც და მეც - ორივე 19 წლის ვიყავით. შეყვარებულობის პერიოდი დიდხანს ვერ "გავქაჩეთ".
ბავშვობიდან მსახიობობაზე ვოცნებობდი. ძალიან მინდოდა, წარმატებული და ცნობილი მსახიობი გავმხდარიყავი, მაგრამ ნაადრევად დაოჯახების გამო ეს ოცნება ვერ ავიხდინე. სამომავლოდ დიდი გეგმები მაქვს. იმედია, მათ განხორციელებას შევძლებ.
და და ძმა მყავს. 2 წლის ვიყავი, როცა მამა გარდაიცვალა და დედამ, რომელიც ჩემთვის ქალის იდეალია, უმამოდ გაგვზარდა.
მართალია, მსახიობობაზე ოცნება ვერ აიხდინა, მაგრამ გვანცა ნიშნიანიძე ძალიან პოპულარულია სოციალურ ქსელებში. მას 38 ათასზე მეტი გამომწერი ჰყავს. მის ფოტოებს ათასობით მოწონება აქვს. ახლო მეგობარია ჟურნალისტი ნანუკა ჟორჟოლიანის.
გვანცა ხშირად აზიარებს საცურაო კოსტიუმში გადაღებულ სექსუალურ ფოტოებს. მოგზაურობს ოჯახთან ერთად და საჯაროდ უხსნის სიყვარულს მეუღლეს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
