მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბაიდენმა კამალა ჰარისს შეცდომით "ვიცე-პრეზიდენტი ტრამპი" უწოდა - პრეზიდენტის მორიგი პრესკონფერენცია, რომელიც კვლავ განხილვის საგანია
12:57 / 12-07-2024
პრეზიდენტმა ბაიდენმა პრესკონფერენციაზე ვიცე-პრეზიდენტი კამალა ჰარისი და ყოფილი პრეზიდენტი დონალდ ტრამპი ერთმანეთში აურია - ეს მას შემდეგ, რაც სხვა ღონისძიებაზე ვლადიმირ პუტინი და ვოლოდიმირ ზელენსკი ერთმანეთში შეეშალა.
"იცით რა, ვიცე-პრეზიდენტ ტრამპს ვიცე-პრეზიდენტად არ ავირჩევდი, თუ ვფიქრობ, რომ ის პრეზიდენტობისთვის კვალიფიციური არ არის", - თქვა 81 წლის პრეზიდენტმა NATO-ს ყოველწლიურ სამიტზე, რასაც ჟურნალისტების მხრიდან ამოოხვრა მოჰყვა.
ბაიდენი რბილი ხმით საუბრობდა, ხველების გამო ხშირად ჩერდებოდა და ზოგჯერ სათქმელი ავიწყდებოდა.
ღონისძიება "დემოკრატების" მზარდი მოთხოვნის გასაქარწყლებლად იყო მოწვეული, რომლის თანახმად ბაიდენმა ტრამპთან არეული დებატების შემდეგ საპრეზიდენტო არჩევნებისთვის კანდიდატურა უნდა მოხსნას - მაგრამ მთავარსარდალმა საბოლოოდ ეს შეშფოთება წინააღმდეგობრივი განცხადებებით, კითხვების დავიწყებითა და გაურკვეველი პასუხებით გააძლიერა, რომლებიც პირდაპირ არ ეხებოდა იმ თემას, რაზეც მას კითხვა დაუსვეს.
78 წლის სავარაუდო კანდიდატმა ტრამპმა სოციალურ მედიაში თავის მემკვიდრეს დასცინა.
"არეული ჯო თავის "დიდი ბიჭის" პრესკონფერენციას იწყებს სიტყვებით: "მე არ ავირჩევდი ვიცე-პრეზიდენტ ტრამპს ვიცე-პრეზიდენტად, თუმცა ვფიქრობ, რომ ის არ არის კვალიფიციური პრეზიდენტობისთვის”. ყოჩაღ, ჯო!" - დაწერა ყოფილმა პრეზიდენტმა.
როდესაც ჰკითხეს, რას ფიქრობდა იმაზე, რომ ტრამპი ამ შეცდომას მის დასაცინად იყენებდა, ბაიდენმა გაურკვეველი მოკლე პასუხი გასცა: "მოუსმინეთ მას."
კიდევ ერთ შემაშფოთებელ მომენტში, ბაიდენმა ვერ გაიხსენა საჰაერო ძალების გენერლის სწორი წოდება.
პრეზიდენტს ასევე გაუჭირდა სიტყვა "ნევროლოგის" თქმა, როდესაც ამტკიცებდა, რომ არ სჭირდებოდა კიდევ ერთი კოგნიტური გამოკვლევა, თუ ამას ექიმები არ მოითხოვდნენ - სამედიცინო ექსპერტები ამბობენ, რომ მას შეიძლება პარკინსონის დაავადება ან მსგავსი მდგომარეობა ჰქონდეს.
პრეზიდენტმა ასევე დაუშვა რიგი სხვა ფაქტობრივი შეცდომები, ერთ მომენტში არასწორად მიუთითა, რომ ჩინეთს ერთ მილიარდზე ნაკლები მოსახლეობა ჰყავს და ეს ქვეყანა ამერიკის სხვა ოპონენტთან, რუსეთთან აურია.
59-წუთიანი ღონისძიება მოიცავდა კითხვებს 10 ჟურნალისტისგან, რომლებიც თეთრი სახლის პრესსამსახურის მიერ წინასწარ იყვნენ შერჩეულნი, პლუს ერთი კითხვა შეძახილით NBC News-ის პიტერ ალექსანდერმა დასვა. პრესკონფერენციას თვალყურს დემოკრატები ადევნებდნენ, რომლებიც აფასებენ, შეუერთდნენ თუ არა მოწოდებებს ბაიდენის კანდიდატურის მოხსნის შესახებ.
სცენაზე თითქმის ერთი საათის დაგვიანებით ასვლის შემდეგ, მას შემდეგ, რაც პრესკონფერენციის დაწყების დრო უკვე 60 წუთით იყო გადაწეული, და შვიდნახევარწუთიანი შესავალი განცხადებისთვის, პრეზიდენტმა უთხრა ჟურნალისტებს, რომ "ცოლი ჯოჯოხეთს უწყობს", რადგან მისი გუნდი მის განრიგში "რაღაცებს ამატებს ხოლმე".
- ბაიდენმა ასევე უარჰყო გასულ კვირას გავრცელებული ცნობები, თითქოს მან დემოკრატ გუბერნატორებს უთხრა, რომ საღამოს 8 საათის შემდეგ უხერხული შეცდომების თავიდან ასაცილებლად ღონისძიებების ჩატარებას არ აპირებდა - მან აღნიშნა, რომ ეს "სიმართლე არ არის" და ნაცვლად ამისა, თავის "უფრო დაზოგვას" ცდილობდა.
"კამპანია ჯერ რეალურად არ დაწყებულა, სერიოზულად არ დაწყებულა," - თქვა პრეზიდენტმა იმედიანად და ერთ მომენტში ჟურნალისტებს ჰკითხა: "როგორ ფიქრობთ, რამდენად ზუსტია გამოკითხვები ამ დროისთვის?"
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
