ოლიმპიადის დაწყებამდე, საფრანგეთმა პარიზის ქუჩებში მცხოვრები უსახლკარო ემიგრანტები სხვა ქალაქებში გაიყვანა
ოლიმპიადის დაწყებამდე საფრანგეთის მთავრობამ ათასობით უსახლკარო ემიგრანტი ავტობუსებში ჩასვა და პარიზიდან გაუშვა. ემიგრანტების განცხადებით, ქუჩების დატოვების სანაცვლოდ, მთავრობა მათ სხვა ქალაქებში საცხოვრებელი პირობებით უზრუნველყოფას ჰპირდებოდა. ამის შესახებ "ნიუ იორკ თაიმსი" წერს.
- “ოლიმპიური სოფელი აშენდა პარიზის ერთ-ერთ ყველაზე ღარიბ გარეუბანში, სადაც ათასობით ადამიანი ქუჩაში გაშლილ კარვებში, თავშესაფრებში ან მიტოვებულ შენობებში ცხოვრობს. გასულ წელს პოლიციამ ქალაქის გარეუბნებში მცხოვრები დაახლოებით 5000 ადამიანი გაასახლა. უმეტესობა მარტოხელა მამაკაციიყო“, - წერს nytimes პარიზის ერთ- ერთ მაღალჩინოსანზე, კრისტოფ ნოელ დუ პაირატზე დაყრდნობით.
მთავრობის ოფიციალურმა წარმომადგენლებმა ოფიციალური კომენტარის გაკეთებაზე უარი განაცხადეს. თუმცა პირად საუბრებში აღნიშნეს, რომ ეს არის ნებაყოფლობითი პროგრამა, რომელიც გამიზნულია პარიზში არსებული საცხოვრებლის დეფიციტის შესამსუბუქებლად.
2024 წლის ოლიმპიური თამაშები, ოფიციალურად ცნობილი როგორც ზაფხულის XXXIII ოლიმპიური თამაშები იგივე "Paris 24“ 26 ივლისს გაიხსნება და გასტანს 15 დღეს. ოფიციალურად ოლიმპიური თამაშები დახურულად გამოცხადდება 11 აგვისტოს. რაც შეეხება მასპინძელ ქვეყანას, ხმის მიცემით გაირკვა, რომ 2024 წლის ზაფხულის ოლიმპიურ თამაშებს პარიზი, საფრანგეთი უმასპინძლებს.