მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა დახვდა ამერიკელ კაცს იტალიაში, 8 000 ევროდ შეძენილ ბინაში და რატომ ფიქრობს, რომ იქ სიცოცხლეს გაიხანგრძლივებს - სიმართლე ლატრონიკოს იაფ სახლებზე
11:44 / 13-07-2024
იტალიაში იაფი სახლების შემძენთა უმეტესობა უბრალოდ მოხიბლულია იმ იდეით, რომ გარიგებით ნაყიდ ფასად შეუძლიათ, უფრო თბილ ადგილას გადავიდნენ, სადაც ასევე, უკეთესი საკვებია.
მაგრამ რა მოხდება, თუ ეს ნაბიჯი თქვენს სიცოცხლის ხანგრძლივობასაც გაზრდის?
ასე ფიქრობს 72 წლის ბინგვა თომასი, რომელიც წარმოშობით კანზასიდანაროს. მან იტალიის სამხრეთით, ბაზილიკატას რეგიონის სიღრმეში, ლატრონიკოში ძველი საცხოვრებელი შეიძინა იმ იმედით, რომ ცხოვრების სტილის შეცვლა მის სიცოცხლეს გაახანგრძლივებდა. რა თქმა უნდა, ფასიც მნიშვნელოვანი ფაქტორი იყო.
თომასმა, რომელიც ამჟამად ლოს-ანჯელესში ცხოვრობს, გადაწყვიტა, 110 კვადრატული მეტრის სახლი შეეძინა. მისი ხელმისაწვდომობის გამო - ფასი მოლაპარაკების შედეგად 8,000 ევრომდე (დაახლოებით $8,662) დაიყვანა.
18 წლის ასაკიდან სოციალურ აქტივიზმში ჩართული თომასი ასევე მოიხიბლა იტალიური ქალაქის სიახლოვით აფრიკასთან, სადაც, როგორც ამბობს, ჰუმანიტარული დახმარების პროექტებში მონაწილეობს.
"სამხრეთ იტალიაში დაფუძნების მთავარი მიზეზი აფრიკის კონტინენტზე უკეთესი წვდომის მიღება იყო, რათა შემძლებოდა ჩემი პენსიის გამოყენება აფრიკაში პროგრამების შესაქმნელად, დასაფინანსებლად, ქსელის შესაქმნელად და მოხალისეობრივი საქმიანობისთვის. მინდოდა ადგილი, რომლის საცხოვრებლად გადაქცევაზეც ბევრს არ დავხარჯავდი, რათა აფრიკული პროექტებისთვის მეტი ფული დამრჩენოდა."
თომასი, რომელიც თავის აქტივისტურ საქმიანობას თვითონ აფინანსებს სამსახიობო სამუშაოებით, მათ შორის რეკლამებით, ინდუსტრიული ფილმებითა და ხმის ჩაწერით, ასევე მოიხიბლა რეგიონის უფრო ჯანსაღი, ნელი ტემპის ცხოვრების სტილით.
- "სიცოცხლის ხანგრძლივობა იტალიაში 82.7 წელია, მაშინ, როცა ის აშშ-ში 79 წელია," - ამბობს ის.
სინამდვილეში, ჯანდაცვის მსოფლიო ორგანიზაცია აშშ-ის ამ ასაკობრივ მაჩვენებელს 77-თან უფრო ახლოს აყენებს. "მაგრამ შავკანიანი მამაკაცისთვის ეს 70 წელია. ასე რომ, აშშ-ში უკვე ორი წლით გადავაჭარბე ჩემს ვადას. მაგრამ იტალიაში შემიძლია, 10 დამატებითი წელი მივიღო."
- თავდაპირველი მიზეზები, რის გამოც ადამიანები ამ ქვეყანაში იაფ სახლებს ყიდულობდნენ, სხვა იყო. ეს რამდენიმე წლის წინ დაიწყო, როდესაც მოსახლეობისგან დაცლილი და კვდომის პირას მისული ქალაქები ცდილობდნენ, თავიანთი თემების გასაცოცხლებლად ახალი ხალხის მოზიდვა დაეწყოთ.
თავდაპირველად, მყიდველთა უმეტესობა, უცხოელი ოჯახები და პენსიონერი წყვილები იყვნენ, რომლებიც დასასვენებელი ადგილის შეძენას ესწრაფვოდნენ.
როგორც ჩანს, ეს დროთა განმავლობაში შეიცვალა და ახლა ხელოვანები, ფილანტროპები და სოციალური აქტივისტები ყიდულობენ სახლებს.
ლატრონიკო ერთ-ერთი ის ქალაქია, რომელიც ძირითადად ამერიკელ მყიდველებს იზიდავს იაფი სახლებითა და გაქირავებებით. CNN Travel-მა პირველად 2021 წელს დაწერა ლატრონიკოს შესახებ და მას შემდეგ ეს ადგილი დიდ ყურადღებას იპყრობს.
გასაყიდად გამოტანილ ქონებებს შორისაა მზა სახლები, რომელთა ფასი 10,000 ევროდან (დაახლოებით $10,800) იწყება და ნგრევის პირას მისული ობიექტები, რომლებსაც საფუძვლიანი რესტავრაცია სჭირდებათ.
თომასის თქმით, შესყიდვის პროცესი უპრობლემო იყო და ერთადერთი გამოწვა ძირითადად პანდემიასთან დაკავშირებული სამოგზაურო შეზღუდვებით იყო გამოწვეული.
თომასი, რომელიც სახლის შეძენის შემდეგ ყოველ რამდენიმე თვეში ერთხელ ჩადის იტალიაში, სარემონტო სამუშაოებისთვის დაახლოებით 20,000 ევროს (დაახლოებით $21,656) ბიუჯეტის გამოყოფას გეგმავს - ავეჯისა და ტექნიკის ჩათვლით.
ლატრონიკოს ძველი უბანი 1850-იანი წლებიდან უკან-უკან წავიდა, როდესაც ოჯახებმა ტერიტორიის მიტოვება დაიწყეს და უკეთესი მომავლის ძიებას სხვაგან შეუდგნენ, ლატრონიკოში კი ათობით ცარიელი სახლი და დადუმებული ქუჩა დარჩა.
დღეს, იაფი სახლების გაყიდვის წყალობით, ამ ტერიტორიაზე ახალი აჟიოტაჟია, რადგან ლატრონიკოს დაახლოებით 4,000 მცხოვრები ახალჩამოსულებთან ერთად ცხოვრებას ეგუება, ძირითადად - ამერიკიდან, თუმცა მთელი მსოფლიოდანაც.
თომასისთვის ცხოვრება ლატრონიკოში მის მხატვრულ ფილოსოფიასთან თანხვედრაშია.
"როგორც ხელოვანს, მიყვარს გამოწვევა, რომ ავიღო დავიწყებული, ნაკლებად დაფასებული ან გადაგდებული ნივთები და ისინი ხელახლა გამოვიყენო", - აღნიშნავს ის.
თომასს აქვს აშშ-ს გარეთ ცხოვრების გამოცდილება, მსოფლიოს გარშემო უმოგზაურია და მთელს ევროპაში "უცნაურ სამსახურებში" უმუშავია. ბერძნულ კუნძულ იოსზე ზაფხულობით მუშაობდა, შემდეგ ირლანდიაში ან გაერთიანებულ სამეფოში ნაძვის ხეებს ზრდიდა და ყიდდა ან პაბში საქმდებოდა.
ლატრონიკოს ცხოვრების ტემპი შეიძლება, თომასის ცხოვრების ადრინდელ სტილთან შედარებით მეტისმეტად წყნარად ჩანდეს, მაგრამ ის ამბობს, რომ სწორედ ეს მოსწონს.
"იტალიაში ცხოვრება მაძლევს მეტს იქიდან, რაც მნიშვნელოვანია ჩემთვის და ნებისმიერი ცოცხალი არსებისთვის ყველაზე მნიშვნელოვანი უნდა იყოს - სიტყვასიტყვით, სიცოცხლეს", - ამბობს ის.
თომასი ყოველდღიურად ვარჯიშობს, დარბის ლატრონიკოს პანორამულ ველურ გორაკებზე და ამბობს, რომ თავისი ახალი გარემოთი ტკბება, თუნდაც მანამდე, სანამ იქ სრულად დაიმკვიდრებს თავს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
