კერძო დეტექტივი, რომელიც ემბერ ჰერდმა ჯონი დეპის შესახებ კომპრომატების შესაგროვებლად დაიქრავა, მსახიობის ფანი გახდა - რას წერს პოლ ბარესი?

ემბერ ჰერდის დაქირავებული კერძო დეტექტივი პოლ ბარესი თავის ახალ წიგნში აღწერს, თუ როგორ გაოცდა ჯონი დეპის მიმართ მისი ნაცნობების ერთგული მხარდაჭერით მას შემდეგ, რაც სასამართლოსთვის მსახიობის შესახებ კომპრომატების მოსაძიებლად დაიქირავეს.

• თავის ახალ წიგნში "ჯონი დეპის შემთხვევითი ადვოკატი", რომელიც 5 ივლისს გამოვიდა, 74 წლის პოლ ბარესი იხსენებს, რომ დეპის სასამართლო პროცესამდე 100 ადამიანი გამოკითხა, მაგრამ აღმოაჩინა, რომ უმრავლესობა კვლავ ვარსკვლავს უჭერდა მხარს. არადა, დეპს ძალადობის ბრალდებები ჰქონდა წაყენებული.

გამოკითხულები მსახიობს ახასიათებდნენ, როგორც "ჯენტლმენთა შორის ჯენტლმენს" და ადამიანს, რომელსაც "სხეულში ერთი ბოროტი ძვალიც კი არ მოეძებნება", მიუხედავად იმ შემაშფოთებელი ბრალდებებისა, რომლებიც მის წინააღმდეგ იყო წარდგენილი.

"კარიბის ზღვის მეკობრეების" ვარსკვლავის მეგობრებმა ბარესის ასევე განუცხადეს, რომ დეპი "ქალების მიმართ პატივისცემას და თაყვანისცემას" გამოხატავდა - რაც ეწინააღმდეგება ჰერდის ბრალდებებს, რომ ის ემბერზე ფიზიკურად და ფსიქიკურად ძალადობდა.

კერძო დეტექტივისა და ჰოლივუდის "პრობლემების მომგვარებლის" ბარესის თქმით, რომლის კლიენტებს შორის ყოფილან არნოლდ შვარცენეგერი, ტომ კრუზი და სილვესტერ სტალონე, დეპის შესახებ "სიმართლის დასადგენად მტკიცე გზას" დაადგა, მიუხედავად იმისა, რომ მას ის არ აღმოუჩენია, რაც ჰერდის ადვოკატებს სურდათ.

ბარესი პირველად ჰერდის გუნდმა 2019 წლის ივლისში დაიქირავა, რათა მოეპოვებინა ინფორმაცია, რომელიც შეიძლებოდა, დეპის წინააღმდეგ სასარგებლო ყოფილიყო, როგორც გაერთიანებულ სამეფოში, ასევე - აშშ-ში მიმდინარე სასამართლო პროცესებისას.

დეპმა წააგო 2020 წლის ცილისწამების საქმე ლონდონის უმაღლეს სასამართლოში ბრიტანული გაზეთის წინააღმდეგ, რომელმაც მას "ცოლის მცემელი" უწოდა. მოსამართლემ დაადგინა, რომ მან ჰერდს სიკვდილი შიში გაუჩინა.

თუმცა აშშ-ში, ვირჯინიაში გამართული მეორე სასამართლო დეპის სასარგებლოდ გადაწყდა. ნაფიცმა მსაჯულებმა მას ჯამში 15 მილიონი დოლარიც კი მიაკუთვნეს.

• ბარესი არ აზუსტებს, რომელ საქმეზე მუშაობდა, მხოლოდ იმას ამბობს, რომ მას მიეცა ინსტრუქცია, "ჩაღრმავებოდა ჯონი დეპის ცხოვრებასა და ისტორიას და აღმოეჩინა მტკიცებულებები ქალების მიმართ მისი სავარაუდო ფიზიკური ძალადობის თაობაზე".

მას უთხრეს, მოეძიებინა მოწმეთა ჩვენებები, ვიდეოები, ფოტოები ან ნებისმიერი სხვა რამ, რაც დეპის წინააღმდეგ ჰერდის ბრალდებებს დაადასტურებდა.

მაგრამ როდესაც ბარესიმ დეპის ნაცნობებთან საუბარი დაიწყო, აღმოაჩინა, რომ სურათი უფრო პოზიტიური იყო, ვიდრე ჰერდის ადვოკატებს ეიმედებოდათ.

ბრედ ფურმანი, 2018 წლის კრიმინალური თრილერის - City of Lies რეჟისორი, მათ შორის იყო, ვინც უარყო ბრალდებები, რომელსაც დეპს წლების განმავლობაში უყენებდნენ.

როგორც ბარესი წიგნში წერს, როდესაც მან თქვა, რომ დეპი მოძალადე იყო, მოდელმა და მსახიობმა კერი ოტისმა მას დასცინა და თქვა, რომ ეს "სასაცილოა".

ყოფილმა ბავშვმა ვარსკვლავმა, ოლივია ბარაშმა, რომელიც ჰოლივუდის სახელგანთქმულ ღამის კლუბში, The Viper Room-ში მუშაობდა, რომელსაც დეპი 1990-იან წლებში ფლობდა, იგივე გაიმეორა და თქვა, რომ "ჯონის სხეულში ბოროტი ძვალიც კი არ აქვს".

რიჩმონდ არკეტმა, რომელიც ასევე მუშაობდა Viper Room-ში, დეპს "ჯენტლმენთა შორის ჯენტლმენი" უწოდა.

ალბათ ყველაზე პირდაპირი დეპის დაცვისას ტატუს ოსტატი ჯონათან შოუ - მსახიობის ახლო მეგობარი იყო. მან ბარესის უთხრა: "ჯონი სუპერ კონტროლირებადი და ზეადამიანური არსებაა".

ბარესი წიგნში დეპის შესახებ ზოგიერთ არასასიამოვნო მოგონებასაც ეხება. საერთო ჯამში ბარესი აღფრთოვანებული დარჩა დეპით და თქვა, რომ იგრძნო "ღრმა თანაგრძნობა მისი ბრძოლისა და ტრიუმფების მიმართ".

წიგნში ავტორი აღნიშნავს, რომ კვლევამ საშუალება მისცა, "მისი ხასიათის კომპლექსურობას" ჩაწვდომოდა.

ბარესი წერს: "ამ მოგზაურობის განმავლობაში, მიზნად დავისახე, ნათელი მომეფინა ადამიანისთვის მითებს მიღმა და შემომეთავაზებინა ნარატივი, დაფუძნებული თანაგრძნობაზე."

წყარო