მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
კვირა, მთვარის ოცდამეერთე დღე დაიწყება 02:39-ზე, მთვარე მერწყულში იქნება 09:27-დან
კარგი დღეა ფინანსური საკითხების მოსაგვარებლად; გუნდური მუშაობისთვის; ვაჭრობისთვის. კარგია საერთო მიზნისთვის გაერთიანება, მომავლის დასახვა. კარგია მგზავრობა, მივლინება; საქმიანობის შეცვლა. მოაგვარეთ საოჯახო საქმეები; დაისვენეთ. კარგი დღეა ქორწინებისა და ნიშნობისათვის. ერთგულების ფიცის დასადებად; მავნე ჩვევებისგან გასათავისუფლებლად. ნუ გადატვირთავთ ღვიძლს. გაისეირნეთ სუფთა ჰაერზე. არ დაძაბოთ და გადაღალოთ თვალები. კარგი დღეა დასვენებისთვის, შიმშილისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
10 მილიონად დაქირავებული ჯასტინ ბიბერი და "ინდოეთის უინძორების" დიდი მზადება გრანდიოზული ქორწილისთვის - რას წერენ ტაბლოიდები ამბანებზე (ვიდეო)
14:01 / 08-07-2024
აზიის უმდიდრესი ოჯახი, რომელსაც “ინდოეთის უინძორებსაც“ კი ეძახიან, ქვეყნის ერთ-ერთი ყველაზე მასშტაბური და გრანდიოზული ღონისძიებისთვის - ქორწილისთვის ემზადება.
ჯერ კიდევ მიმდინარე წლის მარტში, აზიის უმდიდრესმა ბიზნესმენმა მუკეშ ამბანმა მისი ვაჟის - ანანტ ამბანისა და მომავალი რძლის რადიკა მერჩანტის პატივსაცემად, წინასაქორწინო სამდღიანი წვეულება გამართა, რომელზეც მსოფლიოს მედია წერდა.
მოწვეულ 1200 ადამიანს შორის იყვნენ ჯეფ ბეზოსი, მარკ ცუკერბერგი მეუღლესთან ერთად და მსოფლიოს უმდიდრესი მაგნატები. მაშინ სტუმრების წინაშე კონცერტი მომღერალმა რიანამ გამართა. გავრცელებული ინფორმაციით, ამისთვის მას დაახლოებით, 9 მილიონი დოლარი გადაუხადეს.
მთავარი ქორწილი მომავალ კვირას იგეგმება. თუმცა იქამდე, უმდიდრესმა ოჯახმა კიდევ ერთი წინასაქორწინო მიღება გამართა, სადაც ჯასტინ ბიბერიც მიიწვია.
- აი, რა ვიცით
მაისში ოჯახმა სტუმრები კრუიზზე დაპატიჟა. ისინი იტალიიდან საფრანგეთში გადავიდნენ. გასართობ პროგრამაში შედიოდა დიჯეის სეტი დევიდ გეტასგან, კეტი პერის წარმოდგენა თავისი ჰიტ სიმღერით "Firework" და რეპერ “პიტბულის“ შესრულება.
- როდის არის ქორწილი და რა არის მოსალოდნელი?
ადგილობრივი მედიის ცნობით, მთავარი საქორწილო ცერემონია 12 ივლისს გაიმართება, რასაც მოჰყვება გრანდიოზული მიღება 14 ივლისს. მოსალოდნელია, რომ დღესასწაულები ქალაქ მუმბაიში მდებარე ამბანის ჯიოს მსოფლიო კონვენციურ ცენტრსა და მათ ოჯახურ სახლში გაიმართება. გავრცელებული ინფორმაციით, როგორც ეს დამახასიათებელია ინდური ტრადიციებისთვის, თარიღები წყვილის დაბადების სქემების მიხედვით შეირჩა. ქორწილს წინ უძღვის ტრადიციული საქორწილო ღონისძიებები და რიტუალები.
გასულ კვირას ოჯახმა მოაწყო მასობრივი მიღება 50-ზე მეტ სოციალურად დაუცველი წყვილისთვის. წინა კვირის პარასკევს კი წყვილმა გამართა წვეულება, სადაც ბოლუვუდის ვარსკვლავები მიიწვიეს. მათ წინაშე სპეციალური პროგრამით წარსდგა მომღერალი ჯასტინ ბიბერი.
მომღერალმა ფოტოები და ვიდეოები ინსტაგრამზე 6 ივლისს გამოაქვეყნა. გავრცელებული ინფორმაციით, მუმბაიში გამართული, ინდოელი მილიარდერის ანანტ ამბანისა და მისი საცოლის რადიკა მერჩანტის საქორწილო ცერემონიალზე სიმღერების შესასრულებლად, ჯასტინს 10 მლნ დოლარი გადაუხადეს.
- ვინ არიან ამბანები?
საქმროს მამა არის 66 წლის მუკეშ ამბანი, ამჟამად მსოფლიოს მე-9 უმდიდრესი ადამიანი, 116 მილიარდი დოლარის ქონებით. ის ასევე არის აზიის ყველაზე მდიდარი ადამიანი. მუკეშ ამბანი ფლობს კონგლომერატ Reliance Industries -ს, რომელიც წლიურად 100 მილიარდ დოლარზე მეტ შემოსავალს გამოიმუშავებს. კონგლომერატი ქვეყანაში ფლობს ინტერესებს თითქმის ყველა სფეროში - ნავთობქიმიური პროდუქტებით, ნავთობით, გაზით, ტექსტილითა და ტელეკომუნიკაციებით დამთავრებული.
სხვა აქტივებთან ერთად ამბანის ოჯახი ფლობს მუმბაიში მდებარე 27 სართულიან კერძო ბინას - “ანტილიას“. მისი ღირებულება 1 მილიარდი დოლარია. მას აქვს სამი ვერტმფრენი, 160 მანქანის ავტოფარეხი, კერძო კინოთეატრი, საცურაო აუზი და ფიტნეს ცენტრი.
- ვინ არიან პატარძალი და საქმრო?
ანანტს აქვს ბაკალავრის ხარისხი ბრაუნის უნივერსიტეტიდან და ზედამხედველობს კონგლომერატის განახლებადი და მწვანე ენერგიის გაფართოებას.
ის ასევე მართავს 3000 ჰექტარზე გაშენებულ ცხოველების გადარჩენის ცენტრს, სახელად “ვანტარა“.
29 წლის პატარძალი, რადიკა მერჩანტი არის ფარმაცევტული მაგნატის ვირენ მერჩანტის ქალიშვილი და მისი კომპანიის Encore Healthcare მარკეტინგის დირექტორი.
წყვილმა ერთმანეთი 2017 წელს საერთო მეგობრების მეშვეობით გაიცნო.
წყარო: independent; people
ასევე იხილეთ:
- უპრეცედენტოდ ძვირი წინასაქორწილო წვეულება, რომელსაც მსოფლიო მედია აშუქებს - ვინ არის მილიარდერი ინდოელის ვაჟი და რა არის ცნობილი მის რჩეულზე?
- 158-მილიონიანი წინა საქორწილო წვეულება, 2500 კერძი და 1200 სტუმარი, რომელთა განკარგულებაში თვითმფრინავიც კი იყო - მილიარდერების სენსაციური გართობის დეტალები
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
