კახა კალაძის "გერმანული ვოიაჟი" ცოტნე ივანიშვილთან და მეგობრებთან ერთად - რა კადრებს ავრცელებს თბილისის მერი
თბილისის მერი კახა კალაძე "ინსტაგრამზე" “გერმანული ვოიაჟის“ ამსახველ ვიდეოს აქვეყნებს. ვიდეოში ჩანს, რომ ის გერმანიაში ბიძინა ივანიშვილის უმცროს ვაჟთან, ცოტნე ივანიშვილთან ერთად იმყოფებოდა.
კალაძე ქალაქის ქუჩებში მის შვილებთან ერთად სეირნობს და მეგობრები საერთო ფოტოს გადასაღებად ერთად პოზირებენ.
თბილისის მერი გერმანიაში, ევრო 2024- ზე საქართველოს ეროვნული საფეხბურთო ნაკრების საგულშემატკივროდ იყო ჩასული. თუმცა მაშინ მედიის ყურადღების ცენტრში მოექცა ფოტო, სადაც მერი “ქართული ოცნების“ საპატიო თავმჯდომარის ბიძინა ივანიშვილის შვილთან ერთად UFC-ის მებრძოლს, დაღესტნელ სპორტსმენ ხაბიბ ნურმაგომედოვს შეხვდა. როგორც ცნობილია, ნურმაგომედოვი ჩეჩნეთის პრეზიდენტთან, რამზან კადიროვთან დაახლოებული პირია, რომელიც თავის მხრივ ვლადიმერ პუტინის თანამოაზრედ არის ცნობილი.
აღნიშნულს მაშინ პარლამენტის პირველი ვიცე-სპიკერი გია ვოლსკი გამოეხმაურა და ჟურნალისტებთან განაცხადა, რომ "ეს სპორტსმენი მსოფლიოში გამოჩენილი სპორტსმენია, მას ფოტო უამრავ ადამიანთან აქვს გადაღებული - ირაკლი კობახიძე და კახა კალაძე არ გამოირჩევიან რაიმე განსაკუთრებულობით იმ პირთა შორის, ვისაც ეს მსოფლიო ჩემპიონი შეხვედრია“.
ასევე იხილეთ: