საქართველოს კალათბურთის ნაკრებმა ფილიპინებს 2-ქულიანი უპირატესობით სძლია, რაც ოლიმპიადის საგზურისთვის საკმარისი არ აღმოჩნდა

ოლიმპიადის შესარჩევი ტურნირის მეორე მატჩში საქართველოს ნაკრებმა რიგაში ფილიპინები 94:96 დაამარცხა, რაც მიზნის მისაღწევად საკმარისი არ აღმოჩნდა.

• ჯგუფიდან შემდეგ ეტაპზე მეორე ადგილით გასასვლელად ჩვენს გუნდს მინიმუმ 19 ქულით გამარჯვება სჭირდებოდა, რაც მისი მოკლე სათადარიგო სკამიმიდან გამომდინარე, ძალიან რთული ამოცანა იყო.

საქართველოს ნაკრებს კაპიტანი შენგელია დაუბრუნდა, რომელმაც პირველი შეხვედრა ტრავმის გამო გამოტოვა. მწვრთნელმა ჯიკიჩმა პარკეტზე შემდეგი სასტარტო ხუთეული გაიყვანა: ტომასონი, ანდრონიკაშვილი, შენგელია, მამუკელაშვილი, ბითაძე. ქართველ კალათბურთელებს სტარტი კარგი გამოუვიდათ, 8:0 დაწინაურდნენ და მეტოქე იძულებული გახდა წუთშესვენება აეღო, რის შემდეგაც ქართველებმა უპირატესობა გაზარდეს (16:0). პირველი ქულები მოწინააღმდეგემ მხოლოდ მეექვსე წუთზე ორი სამქულიანით მოიპოვა, თანდათან სხვაობა შეამცირა და პირველი მეოთხედი 28:17 დასრულდა... წაიკითხეთ ვრცლად