მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა ხდებოდა UEFA-ს ფეიჯზე, როცა პოსტი საქართველოს ჩემპიონატიდან გამოთიშვაზე დაიდო - რას წერენ ქართველი და უცხოელი ქომაგები: "ბიჭებო, თავი მაღლა აწიეთ!"
15:30 / 01-07-2024
საქართველოს ნაკრები ევრო2024-ის ჩემპიონატზე ფავორიტმა ესპანეთმა მერვედფინალიდან გამოთიშა. მატჩი ანგარიშით 4:1 დამთავრდა, თუმცა საერთაშორისო გამოხმაურება, როგორც მედიაში, ისევე - სოციალურ ქსელში, “ჯვაროსნების” ნაჩვენები თამაშის მიმართ კვლავ ცალსახად დადებითია.
UEFA EURO 2024-ის ფეისბუქ გვერდი საქართველოს ევროპის ჩემპიონატიდან გამოთიშვას ქართველი ფეხბურთელების ფოტოების კოლაჟით გამოეხმაურა, რომელზეც შემდეგ წარწერას ვკითხულობთ: "საამაყო ტურნირი". ამ პოსტზე ფეხბურთის გულშემატკივართა კომენტარების რაოდენობა თითქმის 16 000-ია. რა თქმა უნდა, ქართველების გამოხმაურებები სჭარბობს, თუმცა შეფასებები არც ფეხბურთის უცხოელი გულშემატკივრებისგანაა ცოტა.
გამორჩეული იყო კომენტარი, რომელშიც სოციალური ქსელის ერთ-ერთმა მომხმარებელმა საქართველოს ლექსი მიუძღვნა.
"ლექსი საქართველოსთვის:
ოჰ, ძვირფასო საქართველო, რა სიამოვნება იყო შენი თამაშის ყურება,
რადგან შენ ყველას დღე და ღამ გვართობდი.
მაგრამ ახლა ზეცამ თავისი სიტყვა თქვა,
ვიმედოვნებთ, კვლავ გნახავთ, ამისთვის ვლოცულობთ.
შენ ყველას გვაჩვენე, რას ნიშნავს სიამაყით თამაში,
ნაკრების თეთრი და წითელი ფერები არასდროს მიმალულა.
ყოველ მატჩში მზად იყავი საბრძოლველად,
სინამდვილეში, ყველას აჩვენე, რომ ქართველები მართლები იყვნენ.
წინ წადით, ღირსებითა და მნიშვნელოვანი სვლით,
რადგან ეს მხოლოდ საფეხბურთო მოგზაურობის დასაწყისია.
პირველ რიგში, მაღლა ასწიეთ თავები და არ დაკარგოთ იმედი,
ნაკრებმა მამაცურად აჩვენა ყველა ქართველს, რომ აუცილებლად შეძლებთ გამკლავებას.
ყველას, ვისაც ეჭვი ეპარებოდა, გთხოვთ, ეს დაიმახსოვროთ,
რადგან საქართველოს ისტორია ლამაზად და ჭეშმარიტად დაიწერა.
გმადლობთ, საქართველო - ეს ტურნირი თქვენთვის თავიდანვე უფრო მეტი იყო, ვიდრე უბრალოდ, ფეხბურთი. ეს მოკლე ლექსი თქვენთვისაა, რათა წარმატება გისურვოთ ცხოვრების ყველა სფეროში, განსაკუთრებით - მოვლენებში, რაც მომავალში მოხდება. თქვენი თამაშის ყურება შემიყვარდა!"
ერთ-ერთმა ინდოელმა მომხმარებელმა კი თავისი სათქმელი ქართულად გადმოთარგმნა და ასეთი შეფასება მოგვიძღვნა:
“არა მარტო ქართველებს, როგორც მე, ინდოელს, მიყვარს ეს მოთამაშეები და ყველა ლამაზი და გულკეთილი ქართველი ადამიანი. ისინი ძალიან სტუმართმოყვარეები და მეგობრულები არიან, პატივია თქვენი გულშემატკივრობა და ეს მხოლოდ დასაწყისია, შორს წახვალთ. ვოცნებობ, ერთ დღეს საქართველოს ვეწვიო და ყველა ჩემს ლამაზ მეგობარს შევხვდე, მიყვარხართ ყველანი ინდოეთიდან. გახსოვდეთ, მოგზაურობა ახლახან დაიწყო”.
პოსტზე ასევე ვკითხულობთ შემდეგ კომენტარებს:
"სამწუხაროდ, დღეს გამოვემშვიდობეთ შესანიშნავ აუდიტორიას, რომელიც საქართველოს უკან იდგა”.
"პატივისცემა საქართველოს ალბანელი გულშემატკივრისგან, თქვენ ჩემს გუნდზე უკეთ ითამაშეთ! პატივისცემას იმსახურებთ”.
"საქართველომ ძალიან კარგად ითამაშა ევროზე, კარგი გუნდია. საუკეთესო სურვილები შვეიცარიიდან”.
"მოგება და წაგება თამაშის ნაწილია, მაგრამ თქვენ გულები მოიგეთ, საქართველო”.
"სიამოვნება იყო თქვენი ყურება. ნეტავ საქართველო გასულიყო 1/4 ფინალში, მოსაწყენი ინგლისის ნაცვლად”.
"მიუხედავად იმისა, რომ უმეტესად, ესპანეთს ჰქონდა ბურთი… მომეწონა, რომ როცა "კვარა" ბურთს იღებდა, უკან არასდროს აბრუნებდა. ყოველთვის წინ მიდიოდა 2 ან 3 მცველის წინააღმდეგ, მაშინაც კი, როცა მარტო იყო. ეს არის ის, რაც აკლია თანამედროვე ფეხბურთს და მიხარია, რომ ვინმეს მაინც ვხედავ, ვინც ბურთის დაკარგვის შიშის გარეშე ფიქრობს შეტევაზე და არ უფრთხის დადანაშაულებას. დიდი მოთამაშეები ასე იქცევიან, თაობის ტალანტები ასე იქცევიან”.
"რა გუნდია, შესანიშნავი შეკრულობა და რწმენა, მათი კონტრშეტევა უბრალოდ საოცარი იყო, მეკარე ფანტასტიკური იყო, ყველა თამაში გაახალისეს და სახლში გმირებად ბრუნდებიან, მაღლა ასწიეთ თავები, საქართველო, შესანიშნავად ითამაშეთ”.
"მილოცვები საქართველოს. ყველა მატჩში, რომელიც ჩაატარეს, გულით თამაშობდნენ. ბრწყინვალე გუნდი და მეკარე, რამდენი დარტყმა აიღო. ყველანი ძალიან ამაყები უნდა იყოთ”.
საქართველოს პოსტი მიუძღვნა FOX Soccer-მაც, რომელშიც მადლობა გადაუხადა ნაკრებს და დაწერა: "საქართველომ ევრო 2024-ზე შოუ მოაწყო, მოუთმენლად ველით მათ კვლავ ხილვას".
აღნიშნულ პოსტზე ერთ-ერთი საინტერესო კომენტარი იყო, როდესაც მომხმარებელმა ნაკრები "კონკიას" შეადარა, ქართველებისგან კი მახვილგონებრივი პასუხები მიიღო.
"ტურნირის საუკეთესო კონკია გუნდი. შესანიშნავი სამუშაო გასწიეს ჩემპიონატში ამაღელვებელი ელემენტების შეტანის კუთხით”.
ქართველების რეაქცია ამ კომენტარზე შემდეგნაირი იყო:
"უკანა ეზოში კონკიასავით ჩვენ არ გვიტირია, ვიბრძოლეთ და გავაგრძელებთ ბრძოლას, შესანიშნავი გუნდი გვყავს”.
"ისინი შემდეგ ჯერზე, "ქოშისთვის" დაბრუნდებიან”.
ფეხბურთის ერთ-ერთმა გულშემატკივარმა კი, სიტყვებით თამაშით, რეი ჩარლზის ცნობილი სიმღერის სახელწოდება, რომელიც აშშ-ის შტატს, ჯორჯიას ეძღვნება, საქართველოს კონტექსტში გადმოაკეთა და დაწერა: Georgia On My Mind.
პოსტზე სხვა მომხმარებლებმა შემდეგი გამოხმაურებები დატოვეს:
"უნდა ვაღიარო, რომ გაცილებით უკეთესად ითამაშეს ესპანეთის წინააღმდეგ, ვიდრე წარმომედგინა. მათი კონტრშეტევები ძალიან ეფექტური იყო, მეკარე - ფანტასტიკური. ცოტა ჩამოშორდნენ თამაშს მას შემდეგ, რაც ანგარიშში ჩამორჩნენ (2-1). უბრალოდ, ვერ აუბეს მხარი ესპანეთს. მომავალ ტურნირებზე მათი დაბრუნება და ხილვა გამახარებს”.
"არაფერი, გარდა პატივისცემისა იმ ერისადმი, რომელიც გამოჩნდა და შექმნა ასეთი დიდი დრამა, როგორიც საქართველომ!!! ქედს ვიხრი, მიიღეთ აპლოდისმენტები, თქვენ ფეხბურთის სამყაროს საუკეთესოებს შორის ხართ!!”
“მომწონს ევროპის ჩემპიონატის კვალიფიკაციის ეს ახალი ფორმატი. ის პატარა ერებს აძლევს შანსს და ეს ამად სრულიად ღირს! საქართველო ალბათ ამ ტურნირის უდიდესი აღმოჩენაა!”
“გოლის შემდეგ ნამდვილად ანერვიულეს ესპანელები. მიყვარს ეს გუნდი - საქართველო. წარმატებები შემდეგზე”.
“ვიმედოვნებ, საქართველო მომავალ მსოფლიო ჩემპიონატზე მოხვდება”.
“იმედია, მსოფლიო ჩემპიონატზე გნახავთ. ჯგუფური ეტაპიდან მოულოდნელად გასვლისთვის ყოჩაღ”.
“ის გამარჯვება პორტუგალიასთან რაღაც სხვა იყო. მამარდაშვილი მთელი ტურნირის განმავლობაში გამორჩეული იყო. მას დიდი მომავალი აქვს. მოუთმენლად ველი, რას გააკეთებს საქართველო შემდეგ ევროზე. სიყვარულით, კანადიდან”.
“ყველა ქართველ გულშემატკივარს: მაღლა ასწიეთ თავები, ეს მომავალში რაღაც განსაკუთრებულის გზაზე მხოლოდ დასაწყისია”.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
