გიორგი მამარდაშვილი დევიდ ბექჰემის ვაჟის "ინსტაგრამზე" - რა ფოტოს აქვეყნებს ბრუკლინ ბექჰემი

ინგლისელი ფეხბურთელის დევიდ ბექჰემის ვაჟი ბრუკლინ ბექჰემი "ინსტაგრამის" სთორიში აზიარებს ქართველი მეკარის გიორგი მამარდაშვილის ფოტოს.

სამენეჯერო სააგენტო Transfermarkt-ზე მსოფლიოში ყველაზე ძვირადღირებულ მეკარეებს შორის, გიორგი მამარდაშვილი მეხუთე ადგილზეა. ამ დროსთვის მისი ფასი 35 მლნ ევროს შეადგენს.

გასულ კვირას Euro 2024-ზე, საქართველო-ჩეხეთის მატჩის საუკეთესო ფეხბურთელად თავისი გმირული თამაშის შემდეგ, გიორგი მამარდაშვილი დასახელდა. გიორგი მამარდაშვილს მატჩში 11 სეივი ჰქონდა. ის დამსახურებულად გახდა მატჩის საუკეთესო მოთამაშე. მამარდაშვილმა ევროპის ჩემპიონატზე ასპარეზობის პერიოდში არაერთი უცხოელი ქომაგი შეიძინა.

შეგახსენებთ. რომ ევროპის ჩემპიონატზე, ჯგუფური ეტაპის მესამე მატჩში საქართველომ პორტუგალიის ნაკრები 2:0 დაამარცხა. ამ შედეგით საქართველოს ნაკრებმა 4 ქულა მოიპოვა და მერვედფინალში გავიდა. მატჩის პირველი გოლი შეხვედრის დაწყებიდან მეორე წუთზე ხვიჩა კვარაცხელიამ გაიტანა, ხოლო მეორე გოლი, მეორე ტაიმში, პენალტით გიორგი მიქაუტაძემ გაიტანა.

30 ივნისს, მერვედფინალში საქართველო ესპანეთს დაუპირისპირდება.

წაიკითხეთ ასევე:

• როგორ უხსნიან საქართველოს ნაკრებს სიყვარულს მსოფლიოს სხვადასხვა კუთხიდან - “გილოცავთ, საქართველო! იმედია, ბოლომდე გახვალთ! წინ, საქართველო!!!”