ვინ არის 36 წლის მსაჯი საქართველო-პორტუგალიის მატჩიდან - "იმ არბიტრების ტიპს მივეკუთვნები, რომელიც ნებისმიერ მოთამაშეს შეიძლება სძულდეს"
ევროპის ჩემპიონატის ჯგუფური ეტაპის ბოლო შეხვედრაში საქართველოს ნაკრებმა პორტუგალია 2:0 დაამარცხა და მერვედფინალში გავიდა, სადაც ესპანეთს დაუპირისპირდება.
დაძაბული და ქართველებისთვის გადამწყვეტი მატჩის მსაჯი შვეიცარიელი სანდრო შერერი იყო.
36 წლის შარერს მიმდინარე ევროპის ჩემპიონატზე ერთი შეხვედრა უკვე უმსაჯია – სლოვენიისა და დანიის დაპირისპირება, პირველ ტურში. ამ შეხვედრის სტატისტიკას თუ გადავხედავთ, ვნახავთ, რომ შვეიცარიელმა არბიტრმა ფეხბურთელებს 3 ყვითელი ბარათი უჩვენა.
ზოგადად, შარერის საერთაშორისო ასპარეზზე მსაჯობის სტატისტიკა ასე გამოიყურება: ბოლო 20 შეხვედრაში მან 3 წითელი ბარათი აჩვენა, პენალტი კი ორჯერ დანიშნა. ამ მატჩების განმავლობაში არ ყოფილა შემთხვევა, როცა შვეიცარიელს ფეხბურთელი არ გაეფრთხილებინოს, უფრო მეტიც, იგი საშუალოდ მატჩში სამ ყვითელ ბარათს იღებს.
სანრო შარერი 1988 წლის 6 ივნისს, შვეიცარიაში დაიბადა. საშუალო სკოლის დამთავრების შემდეგ სწავლობდა სპორტსა და გეოგრაფიას ბაზელის უნივერსიტეტში. გარკვეული პერიოდი მუშაობდა სხვადასხვა უმაღლეს სასწავლებელში პედაგოგად და სათხილამურო ინსტრუქტორიც იყო. 2005 წელს, 24 წლის ასაკში, შვეიცარიის ჩელენჯ ლიგის თამაშების მეთვალყურეობა დაიწყო. 2013 წელს მისი დებიუტი შედგა სუპერლიგაში FC Lausanne-Sport-ისა და FC Thun-ის თამაშში.
2015 წლიდან სანდრო ფიფას არბიტრი გახლავთ. მისთვის პირველი საერთაშორისო ტურნირი 2017 წელს შედგა, როდესაც ახალგაზრდული ევროს საკვალიფიკაციო ეტაპი განსაჯა.
შარერი მონაწილეობდა უეფას სხვადასხვა შეჯიბრებებში, როგორიცაა ჩემპიონთა ლიგა და ევროპა ლიგა . ასევე ხელმძღვანელობდა ბრაიტონის მატჩს ათენის აეკ-თან ევროპის ლიგაზე, 2023 წელს.
FC Buttikon-თან ინტერვიუში განაცხადა: "მე მირჩევნია მსაჯი ვიყო, მაგრამ ასევე მომწონს VAR-ზე ყოფნა. ეს სხვა როლია... ამ მომენტში უნდა დაივიწყო, რომ მსაჯი ხარ. თამაშში მხოლოდ მაშინ უნდა ჩაერიო, როცა აშკარა შეცდომას დაინახავ."
მისივე თქმით, ისეთი მსაჯების ტიპს მიეკუთვნება, რომელიც ნებისმიერ მოთამაშეს შეიძლება ეზიზღებოდეს. ყოველთვის იცოდა, რომ მსაჯი იქნებოდა, რადგან ეს საქმე ძალიან სიამოვნებდა.
ის მასიმო ბუსაკის შემდეგ გახდა პირველი შვეიცარიელი მსაჯი, რომელიც ჩემპიონთა ლიგის შეხვედრას გაუძღვა. 2022 წლიდან შარერი უკვე ფიფას ელიტარული არბიტრია.
წყარო: thesun
წაიკითხეთ ასევე:
- როგორ უხსნიან საქართველოს ნაკრებს სიყვარულს მსოფლიოს სხვადასხვა კუთხიდან - “გილოცავთ, საქართველო! იმედია, ბოლომდე გახვალთ! წინ, საქართველო!!!”
- “Euro2024-ის ყველაზე დიდი შოკი, იმედგაცრუებული რონალდუ და დიდებული კვარაცხელია!“ - რას წერს უცხოური პრესა საქართველო - პორტუგალიის მატჩის შესახებ?
- “კვარა" ამ მატჩისას რონალდუ იყო, მის საუკეთესო წლებში” - რას წერენ უცხოელი გულშემატკივრები ხვიჩა კვარაცხელიაზე?