მნიშვნელოვანი ინფორმაცია
2
მარტიდღის ზოგადი ასტროლოგიური პროგნოზი
კვირა, მთვარის მეოთხე დღე დაიწყება 08:56-ზე, მთვარე ვერძშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ უხსნიან საქართველოს ნაკრებს სიყვარულს მსოფლიოს სხვადასხვა კუთხიდან - “გილოცავთ, საქართველო! იმედია, ბოლომდე გახვალთ! წინ, საქართველო!!!”
13:52 / 27-06-2024
საქართველოს ნაკრების გამარჯვებას პორტუგალიასთან ფეხბურთის უცხოელი გულშემატკივრები ეხმაურებიან. სოციალურ ქსელში, სხვადასხვა ქვეყნის მოქალაქეები საქართველოს პატივისცემას და მხარდაჭერას უცხადებენ.
- UEFA EURO 2024-ის “ფეისბუქის” გვერდზე, საქართველოს გამარჯვების შესახებ პოსტის ქვეშ 26 000-ზე მეტი კომენტარი დაიწერა. აღსანიშნავია, რომ საქართველომ მილოცვა თავად პორტუგალიიდანაც მიიღო. უცხოელი ფანების რეაქციები ასეთი იყო:
“საქართველომ ეს შეძლო! პლეი-ოფში გავიდნენ თავიანთ პირველ დიდ ტურნირზე. რა მიღწევაა. ვფიქრობ, ეს საქართველოს ნაკრები რაღაც სერიოზულს/მნიშვნელოვანს გააკეთებს, ამ ტურნირზე თავიანთ ისტორიას გადაწერენ. ისინი შეტევისას ყოველთვის მიზანდასახულები არიან. პორტუგალია ძალიან იმედგამაცრუებელი და უმიზნო იყო”.
“პორტუგალია შეიძლება ფავორიტად მიიჩნეოდა, მაგრამ... საქართველოა ის, ვინც ჩვენი, ევროპელების გულები მოიგო. საქართველო, თქვენ ბრწყინვალედ ითამაშეთ. თქვენ დაამტკიცეთ, რომ ევროპის ჩემპიონატზე ყოფნას იმსახურებთ. პატივისცემა დანიიდან!”
“რონალდუს, უბრალოდ, ძალიან კარგი მწვრთნელი სჭირდება, რომელიც პენსიაზე გასვლას ურჩევს”.
“საქართველოს გულშემატკივარი თურქეთთან მათი პირველივე მატჩიდან გავხდი. საოცარია, მათი მატჩები ისეთი ემოციურია. წარმატებები ვიეტნამიდან, საქართველო!”
“საქართველომ ლამაზი თამაში აჩვენა, ბრძოლა და გული, რომელიც ბოლო წუთამდე მოედანზე დატოვეს! გილოცავთ და საუკეთესო სურვილები პოლონეთიდან”.
“გილოცავთ პორტუგალიიდან! "კვარადონა" არის კაცი!”
“რა მომენტია! საქართველომ ამ ტურნირზე ასპარეზობა ყველაზე დაბალი რეიტინგით დაიწყო, მაგრამ თურქეთთან პირველივე მატჩიდან დაამტკიცეს, რომ ისინი წარმოადგენენ ძალას, რომელსაც პატივი უნდა სცე! დღეს საქართველო უდავოდ უკეთესი გუნდი იყო. მეტი მომენტი შექმნეს, მყარად იცავდნენ თავს და მათი მეკარე, აბსოლუტურად, დაუმარცხებელი იყო. წინ, საქართველო! დატკბით თქვენი ისტორიული მომენტით და შემდეგ რაუნდში კიდევ უფრო მეტი დიდება მოიპოვეთ”.
“ყოველთვის მხარს ვუჭერთ ძმებს საქართველოდან! სერბეთს უყვარხართ! ხვიჩა კვარაცხელია მსოფლიოს საუკეთესო ნახევარმცველია, გიორგი მამარდაშვილი კი - მსოფლიოს საუკეთესო მეკარე!”
“ფეხბურთი უცნაურია, დაუჯერებელი, ამ ევროპის ჩემპიონატზე ყველაფერი უცებ ხდება, საუკეთესო, საუკეთესო, საუკეთესო საქართველო! გმადლობთ ყველას - ბანგლადეშიდან!”
*გილოცავთ მთელი გულით! ისინი ამტკიცებენ, რატომაც "მოიგეს ჩვენი გულები".
“თურქეთი და საქართველო, ორი მეზობელი ქვეყანა საუკეთესო 16 ნაკრებში მოხვდა. როგორც თურქს, ქართველი ხალხის გამო მიხარია. ქართველ ფეხბურთელებს გაცილებით მეტი ამბიცია და სული აქვთ, ვიდრე - თურქ ფეხბურთელებს. თქვენ კიდევ ერთხელ დაამტკიცეთ, რომ თქვენი გუნდი მამაცი და ძლიერია. დიდი პატივისცემა თურქეთიდან. მიყვარხართ, მეზობლებო! მჯერა, რომ მომდევნო ტურნირებზე კიდევ მეტს მიაღწევთ”.
- სპორტის უცხოელ მოყვარულებს მოეწონათ ფაქტი, რომ საქართველოს, მიუხედავად ხელსაყრელი ანგარიშისა, თამაშის თავდაცვითი სტილისთვის მატჩის არცერთ ეტაპზე არ მიუმართავს. CNN Sports-ის ფეისბუქის პოსტზე შემდეგ კომენტარებს ვკითხულობთ:
"სისხლსავსე თამაში... ეს საოცარი ფეხბურთი იყო... არავითარი ავტობუსის ჩადგმა, მაშინაც კი, როცა კომფორტულად ლიდერობდნენ”.
“ახალგაზრდულ ფეხბურთში ინვესტიციის ჩადების ძალა”.
საინტერესოა კომენტარები Optus Sport-ის პოსტებზე, რომელმაც საქართველოს გამარჯვების შემდეგ გადაღებული ვიდეო გამოაქვეყნა. განსაკუთრებული ყურადღება და ქება ნაკრების მეკარემ, გიორგი მამარდაშვილმა დაიმსახურა.
“ამბობენ, რომ ქართველი მეკარე ამ ევროზე საუკეთესოა... ვნახოთ!”
“რონალდუ სად იყო?”
“ყოჩაღ საქართველო, მათ აშკარად უფრო მეტად უნდოდათ გამარჯვება”.
“გითხარით, რომ ჯიბეში ჰქონდათ?!”
“საქართველოს მეკარე სუპერმენია. ის საოცარი იყო. გილოცავთ აშშ-დან!”
“საოცარი თამაში იყო. აშშ-ში ვუყურე და თქვენ გგულშემატკივრობდით! გილოცავთ საქართველო, დამსახურებული გამარჯვებაა!”
“ყოჩაღ. იმედი მაქვს, უფრო და უფრო წარმატებული იქნებით ამ ევროზე! მოკითხვა საბერძნეთიდან”
“საქართველო, გილოცავთ ფიჯიდან!”
“პირველმა გოლმა დასაწყისშივე ყველაფერი თქვა!”
“ნებისმიერი, ვინც რონალდუს ამარცხებს, ტაშის ღირსია”.
“გილოცავთ, საქართველო! თქვენ დაიმსახურეთ გამარჯვება! იმედია, ბოლომდე გახვალთ! წინ, საქართველო!!!”
“მომწონს ის ფაქტი, რომ თავდაცვითი ფეხბურთი არ უთამაშიათ მაშინაც კი, როცა 2-0 იგებდნენ”
“მაროკომ მსოფლიო ჩემპიონატზე პორტუგალია და ესპანეთი დაამარცხა. წარმოიდგინეთ, ევროპის ჩემპიონატზე საქართველომაც იგივე რომ გააკეთოს”.
“როგორ მოგწონთ ტურნირის ყველაზე დაბალრეიტინგული გუნდის მიერ "ძლიერი" პორტუგალიის დამარცხება? რა სასიამოვნოა ეს ფეხბურთის გულშემატკივრებისთვის, რომლებსაც ეს ჩემპიონატი უკვე მოჰბეზრდათ. კარგი იქნება, საქართველო ამ ტურნირზე შორს წავიდეს და "საბერძნეთის" სასწაული გაიმეოროს”.
- კომეტარები Reuters-ის სხვადასხვა პოსტზე :
“მათ დაიმსახურეს გამარჯვება, რა ლამაზი თამაში იყო”!
“მშვენიერია! რონალდუს სახის გამომეტყველება შეუფასებელი იყო”.
“ბრავო საქართველო! ეს გაკვეთილია ყველა ჩვენგანისთვის”.
“გილოცავთ, საქართველო - პორტუგალიელი გულშემატკივრისგან!”
- Guardian-ის ერთ-ერთ პოსტზე კი პორტუგალიელი გულშემატკივრის მილოცვას ვკითხულობთ:
“გილოცავთ პორტუგალიიდან. საქართველომ გულით ითამაშა, ჩვენი გაფუჭებული ახალგაზრდებისგან განსხვავებით. ეს მარცხი პორტუგალიას ძვირად დაუჯდება”.
- ასევე ცნობილი სპორტული გამოცემის, 433-ის “ინსტაგრამ” პოსტები შემდეგი, საკმაოდ ორიგინალური კომენტარებით გამოირჩა:
“საქართველომ დღეს ყველა გუნდზე უკეთესი მენტალიტეტი აჩვენა”.
“შეგვიძლია ყველა შევთანხმდეთ, რომ ეს საქართველოს ოქროს თაობაა. თანაც, ყველა ერთი და იმავე აკადემიიდან მოდის. მათი ყველა ვარსკვლავი ასევე 23 წლისაა”.
“მათი მეკარე ტიტანიკსაც გადაარჩენდა!”
“როგორც ჩანს, რუსეთის გვერდით ყოფნა იმას ნიშნავს, რომ კარგი დაცვა უნდა გყავდეს”.
იხილეთ ასევე:
- "კვარა" ამ მატჩისას რონალდუ იყო, მის საუკეთესო წლებში” - რას წერენ უცხოელი გულშემატკივრები ხვიჩა კვარაცხელიაზე?
- "Georgina > Georgia" - რონალდუს რჩეულის, ჯორჯინა როდრიგესის სთორი ქართველი დიზაინერის მიერ შექმნილი ჩანთის ფონზე
- “Euro2024-ის ყველაზე დიდი შოკი, იმედგაცრუებული რონალდუ და დიდებული კვარაცხელია!“ - რას წერს უცხოური პრესა საქართველო - პორტუგალიის მატჩის შესახებ?
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება კადრები სტიქიის ზონიდან, სადაც ჩანს თუ როგორ ხდება მიუდგომელ ტერიტორიაზე, საკვებისა და სხვა საჭირო ნივთების გადაცემა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩვენს ოქრო ბიჭებს და რონალდუს გაშტერებას ვენაცვალე მე
73 წლის კაცი ვარ და ასეთი სიხარული დიდი ხანია არ გამიცდია იყო მესხი მეტრეველი დათუნაშვილი და ბევრი შემდეგი თაობა ყიფიანის გუცაევი ჩივაძე და ბევრი,შემდეგ ვერ უყურებდი ამათ ბოდიალს ეხლა კი გამიღვიძაის ძველი სიყვარული გაუმარჯოს ახალ თაობას