მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მეცნიერებმა ცოცხალი კანი შექმნეს, რომელიც თვითაღდგენადია - "ამ აღმოჩენით ადამიანის მსგავსი კიბორგების შექმნა გაადვილდება"
12:39 / 29-06-2024
მეცნიერთა ჯგუფმა ცოცხალი კანის ნაზი ფენით დაფარული რობოტის სახე შექმნა. კანი თვითაღდგენადია და ღიმილისას იჭმუხნება. მეცნიერები იმედოვნებენ, რომ ამ აღმოჩენით ადამიანის მსგავსი კიბორგების შექმნა გაადვილდება.
- New Scientist-ის ცნობით, კანი ტოკიოს უნივერსიტეტის ლაბორატორიაში ადამიანის კანის უჯრედების ნარევისგან შეიქმნა, გაიზარდა კოლაგენის მოდელზე და 3D ბეჭდვით შექმნილ ფისის ბაზაზე მოთავსდა.
პროექტზე მომუშავე მეცნიერები მიიჩნევენ, რომ ცოცხალი კანი შეიძლება მნიშვნელოვანი ნაბიჯი იყოს ისეთი რობოტების შექმნაში, რომლებიც განიკურნებიან და ადამიანების მსგავსი გრძნობები ექნებათ.
"ეს ცოცხალი კანი განსაკუთრებით სასარგებლო იქნება იმ რობოტებისთვის, რომლებიც მჭიდროდ ურთიერთობენ ადამიანებთან, როგორიცაა ჯანდაცვის, მომსახურების, თანმხლები და ჰუმანოიდური რობოტები, სადაც ადამიანის მსგავსი ფუნქციებია საჭირო", - განუცხადა პროფესორმა შოჯი ტაკეუჩიმ Times of London-ს.
ლაბორატორიაში გაზრდილი კანი მიმაგრებულია მარტივ, პატარა რობოტის სახეზე, რომელსაც გაღიმება შეუძლია - ხოლო ქსოვილს თვითაღდგენის უნარი ახასიათებს.
"დაზიანების შემთხვევაში, კანს შეუძლია თვითაღდგენა, მსგავსად იმისა, თუ როგორ კურნავს ადამიანის კანი ჭრილობებს. ხოლო სენსორული ფუნქციების, როგორიცაა შეხება და ტემპერატურის აღქმა, ინტეგრირება ცოცხალ ქსოვილთან უფრო შესაძლებელია", - აღნიშნა ტაკეუჩიმ.
კანი რობოტის სახეზე იმის გამოყენებითაა მიმაგრებული, რასაც New Scientist-თან საუბრისას მიჩიო კავაი ჰარვარდის უნივერსიტეტიდან აღწერს, როგორც "პერფორაციული ტიპის ღუზებს", რომლებიც ფისის ბაზას ხვრეტენ და ქსოვილის შესავსებად პატარა ღრუებს ქმნიან.
ტაკეუჩის თქიმთ, პერფორაციები სინამდვილეში მოქნილი, ძლიერი იოგების ეკვივალენტია, რომლებიც ადამიანებსა და ცხოველებს კანქვეშ აქვთ, განუცხადა ტაკეუჩიმ Times of London-ს.
"ეს ქმნის გლუვ, ძლიერ კავშირს კანსა და რობოტს შორის... კანის ბუნებრივი მოქნილობა და მიმაგრების ძლიერი მეთოდი ნიშნავს, რომ კანს რობოტის მექანიკურ კომპონენტებთან ერთად გახევის ან აცლის გარეშე შეუძლია მოძრაობა", - აღნიშნა მან.
მიუხედავად იმისა, რომ ლაბორატორიაში გაზრდილი კანი ჯერ კიდევ რეალურ ადამიანის კანს არ ჰგავს, პროფესორმა განაცხადა, რომ უახლესი ნამუშევარი მაინც გადამწყვეტი მნიშვნელობისაა.
"ჩვენ გამოვავლინეთ ახალი გამოწვევები, როგორიცაა ზედაპირის ნაოჭებისა და უფრო სქელი ეპიდერმისის საჭიროება უფრო ადამიანის მსგავსი გარეგნობის მისაღწევად. გვჯერა, რომ უფრო სქელი და რეალისტური კანის შექმნა საოფლე ჯირკვლების, ცხიმოვანი ჯირკვლების, ფორების, სისხლძარღვების, ცხიმის და ნერვების ჩართვით შესაძლებელი იქნება", - დასძინა მან.
კავაის თქმით კი, კანის შესაძლებლობებს კოსმეტიკის ინდუსტრიისთვისაც მოულოდნელი შედეგები აქვს. მისი თქმით, როდესაც მეცნიერები რობოტს ერთი თვის განმავლობაში აღიმებდნენ, აღმოაჩინეს, რომ ქსოვილმა კანზე მიმიკური ნაოჭების გაჩენა გაიმეორა, რაც შეიძლება, გამოყენებული იქნას ახალი კოსმეტიკური და კანის მოვლის პროდუქტების ტესტირებისთვის.
ამასობაში, ლაბორატორიაში ექსპერტები მუშაობას აგრძელებენ.
"შეიძლება, საჭირო იყოს 10 წლამდე კვლევა და განვითარება, სანამ ცოცხალი კანი იმ რობოტებზე იქნება გამოყენებული, რომლებიც ადამიანებთან რეგულარულად ურთიერთობენ. თუმცა, პროგრესს ვაღწევთ და განგრძობითი ძალისხმევით, ეს ხედვა შეიძლება, მომდევნო ათწლეულში რეალობად იქცეს", - აღნიშნა ტაკეუჩიმ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
