მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გაგვიმართლა, რომ გულშემატკივრებს კეთილი განზრახვები ჰქონდათ" - პორტუგალიის ნაკრები მოედანზე შეჭრილი და რონალდუსთან ფოტოს გადაღების მსურველთა აქტივობამ შეაწუხა
14:53 / 24-06-2024
პორტუგალიის მწვრთნელმა შეშფოთება გამოხატა მას შემდეგ, რაც რამდენიმე გულშემატკივარი ევრო 2024-ზე, პორტუგალიის თამაშის მიმდინარეობისას მოედანზე კრიშტიანუ რონალდუსთან სელფის გადასაღებად შეიჭრა.
- მიუხედავად იმისა, რომ პორტუგალიამ თურქეთი 3-0 დაამარცხა და შაბათს ევრო 2024-ის პლეი-ოფში გავიდა, კრიშტიანუ რონალდუ სხვადასხვა მომენტში მაინც შეწუხებული ჩანდა, რადგან მასთან ფოტოს გადასაღებად რამდენიმე გულშემატკივარი მიიჭრა.
სტადიონის უსაფრთხოების ასეთმა მრავალრიცხოვანმა დარღვევამ გერმანიაში, დორტმუნდის სტადიონზე, პორტუგალიის მწვრთნელ რობერტო მარტინესის "შეშფოთება" გამოიწვია. ნაკრების თავკაცმა ჟურნალისტებს განუცხადა: "გაგვიმართლა, რომ გულშემატკივრებს კეთილი განზრახვები ჰქონდათ".
"ყველას გვიყვარს გულშემატკივარი, რომელიც თავის ცხოვრებაში დიდ ვარსკვლავებს და კუმირებს აღიარებს... მაგრამ არსებობს ძალიან, ძალიან რთული მომენტები, თუ ეს განზრახვები არასწორია - ფეხბურთელები დაუცველები არიან და ამ საკითხში ფრთხილად უნდა ვიყოთ," - აღნიშნა მან.
მარტინესის თქმით, მისი აზრით, ეს ყველაფერი საფეხბურთო სტადიონზე არ უნდა ხდებოდეს.
"არსებობს ბევრი უსაფრთხოების ზომა და დაცვა და არ მგონია, რომ ეს ვითარება უნდა იყოს. ალბათ, გულშემატკივრებს უნდა მოვუწოდოთ, რომ ეს სწორი ქცევა არ არის; ამით ვერაფერს მიიღებენ და სავარაუდოდ, ზომები მომავალში კიდევ უფრო გამკაცრდება", - დასძინა პორტუგალიის მწვრთნელმა.
ევროპული ფეხბურთის მმართველმა ორგანიზაცია UEFA-მ CNN-ს განუცხადა, რომ უსაფრთხოება და დაცვა მისი "უმთავრესი პრიორიტეტია" და რომ "ტურნირის მოთხოვნების დასაკმაყოფილებლად და ასეთი ინციდენტების თავიდან ასაცილებლად სტადიონებზე დამატებითი უსაფრთხოების ზომები იქნება მიღებული".
თავდაპირველად, ახალგაზრდა ადამიანი რონალდუსთან მივიდა, რომელმაც სიამოვნებით გადაიღო სელფი და გაიღიმა, როცა ბიჭი სტიუარდებისგან გაქცევას ცდილობდა.
მაგრამ როდესაც მეორე, უფრო ასაკოვანმა გულშემატკივარმა იგივე გააკეთა და რონალდუს სელფის გადაღებისას ხელი მოხვია, მაშინ, როცა სტიუარდები მის გაყვანას ცდილობდნენ, პორტუგალიელმა ვარსკვლავმა ხელები იმედგაცრუებით ასწია.
მოგვიანებით, რონალდუსთან მისვლამდე სხვა გულშემატკივრები რამდენიმე სტიუარდმა შეაჩერეს, თუმცა ერთმა სტიუარდმა შემთხვევით პორტუგალიის მოთამაშე გონსალუ რამუში წააქცია, როცა გულშემატკივრისკენ მირბოდა, და თავდამსხმელი ბალახზე დაეცა.
UEFA-მ დაამატა, რომ მოედანზე ნებისმიერი შეჭრა "სტადიონიდან გაძევებას, ტურნირის ყველა მატჩზე დასწრების აკრძალვას და უკანონო შეჭრის გამო ოფიციალური სარჩელის შეტანას გამოიწვევს".
ქაოსის მიუხედავად, პორტუგალიის ნაკრების კაპიტანმა, ბერნარდუ სილვამ - რომელმაც რონალდუს პასით პირველი გოლი გაიტანა - ჟურნალისტებს განუცხადა, რომ მუდმივი შეჭრები მისთვის უფრო "შემაწუხებელია", ვიდრე - საშიში.
"უბრალოდ. ცოტა გამაღიზიანებელია იმ მხრივ, რომ თამაში წყდება, რადგან გულშემატკივარი მოედანზე შემორბის, მაგრამ ეს არის ფასი, რომელსაც იხდი იმისთვის, რომ ფეხბურთის სამყაროში ასეთი ცნობილი ხარ და ასეთი მოთამაშე გყავს”, - თქვა მან.
მიუხედავად იმისა, რომ რონალდუმ საგოლე პასი გააკეთა, მისთვის მერვე ევროპის ჩემპიონატზე, რითაც რეკორდი დაამყარა, ჯერ გოლი არ გაუტანია. წყარო
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
