თხის მოწველის კონკურსი ბავშვის დაბადების დღეზე და სკანდალი ქეთა თოფურიას გარშემო: "რა უნდათ ცხოველებს იუბილეზე? ეს სათამაშოა თქვენთვის?"
ქეთი თოფურიას ცხოველების მიმართ სისასტიკეში დასდეს ბრალი. მიზეზი საკუთარი შვილის დაბადების დღეზე მიყვანილი თხა აღმოჩნდა, რომელსაც როგორც ფოტოებზე ჩანს, წველის.
საბავშვო წვეულება მომღერალმა ქალიშვილის, ოლივიას დაბადების დღის პატივსაცემად მოაწყო. შვილის დაბადების დღეზე მომღერალმა სტუმრებს ერთ-ერთ ნომრად თხის მოწველის კონკურსი შესთავაზა და ვიდეო სოციალურ ქსელში გამოაქვეყნა ტექსტით: "რა თქმა უნდა, ეს იყო ჩემი იდეა კონკურსისთვის - მოდი თხა მოვწველოთ“.
მომღერლის გულშემატკივრები თოფურიას ვიდეომ გააღიზიანა და მისი კრეატიულობა არ დააფასეს. კომენტარებში შეახსენეს, რომ ცხოველები სათამაშოები არ არიან და ისინიც განიცდიან სტრესს.
"შეუძლებელია ამის გაკეთება ექსპლუატაციის გარეშე? - რა უნდათ ცხოველებს იუბილეზე?, "ეს სათამაშოა თქვენთვის?", "თქვენ ძალადობთ ცხოველებზე", "ცხოველებსაც აქვთ გრძნობები!" - წერენ კომენტარებში.
ცხოველების მიმართ არაადამიანური მოპყრობის გამო ვარსკვლავები ხშირად ხვდებიან სკანდალებში: მაგალითად, დემი მური და კლაუდია შიფერი ხშირად არიან კრიტიკის ობიექტები შინაური ცხოველების საჯარო ღონისძიებებზე წაყვანის გამო.
შეგახსენებთ, რომ 37 წლის ქეთი თოფურია მეუღლის, ბიზნესმენ ლევ ძენგოვისგან უკვე მესამე შვილს ელოდება. მათ უკვე ჰყავთ საერთო შვილი - სამი წლის ვაჟი ადამი. ქეთის ასევე ჰყავს ქალიშვილი, ოლივია, ბიზნესმენ ლევ გეიხმანისგან, რომელიც პირველი ქორწინებიდან შეეძინა.
წაიკითხეთ ასევე: