"დედა შვილისთვის მდიდარ საქმროს ეძებდა და ლეპსს თვალი დაადგა..." - პიარი თუ სიყვარული 43 წლით უმცროს გოგოსთან: რას წერს მედია ლეპსის ახალ გატაცებაზე
კვირაზე მეტია რაც რუსული მედია ქართული წარმოშობის ვარსკვლავ გრიგორი ლეპსზე წერს, რომელიც საზოგადოებაში 43 წლით უმცროს საცოლესთან ერთად გამოჩნდა. ადგილობრივ მედიაში ამ თემაზე აჟიოტაჟი არ წყდება. მიუხედავად ძვირადღირებული ბეჭდისა, ჟურნალისტები ვარაუდობენ შესაძლოა ეს პიარის ნაწილი იყოს
ის მუდმივად ღალატობდა ცოლს
გრიგორი ლეპსი მეორე მეუღლესთან ანა შაპლიკოვასთან ერთად წლები ცხოვრობდა. ქალი ლაიმა ვაიკულეს მოცეკვავე იყო. წყვილს სამი შვილი ორი ქალიშვილი და ვაჟი შეეძინათ. (ლეპსს ასევე ჰყავს ზრდასრული ქალიშვილი, რომელიც პირველ ქორწინებაში დაიბადა). ლეპსი ბედნიერი იყო ანასთან, თუმცა, 2021 წელს დაშორდნენ. როგორც აღმოჩნდა ქალი დაიღალა ქმრის რომანებით და გაყრა გადაწყვიტა.
განქორწინების გამო, ლეპსი დეპრესიაში ჩავარდა და ალკოჰოლზე დამოკიდებული გახდა. სცენას კი ბოლო ორი წელია დაუბრუნდა და როგორც ჩანს სცენის გარდა, პირად ცხოვრებაშიც გადაწყვიტა სიახლე შეეტანა. ის საზოგადოებაში 43 წლით უმცროს 18 წლის ავრორასთან ერთად გამოჩნდა, რომელიც ჟურნალისტებს საცოლედ გააცნო.
ვინ არის მომავალი პატარძალი?
ავრორას დედა სოციალისტი ტატიანა კიბაა, რომელიც კარგად არის ცნობილი მდიდარ წრეში. ადგილობრივი მედია წერს, რომ მომავალი სასიძო ქალმა თავად შეარჩია და დიდი ხანია თვალი დაადგა მარტოხელა ლეპსს. რადგან დედა შვილისთვის მდიდარ საქმროს დიდი ხანი ეძებდა, მეორეს მხრივ, ტატიანა, ცოტა ნანობს, რომ ლეპსის რჩეული მისი ახალგაზრდა ქალიშვილია და არა თავად.
ლეპსი ავრორას ოჯახში მიღებული სასიძოა, რომელიც მომავალ საცოლეს გიგანტური თაიგულებითა და ძვირადღირებული საჩუქრებით ანებივრებს. მომღერლის მეგობრების თქმით, მან საყვარელ ქალს ბრილიანტის ბეჭედი უკვე აჩუქა.
შეგახსენებთ, რომ ავრორამდე ლეპსი 26 წლის მოდელ ელიზავეტა რიდელს ხვდებოდა.
სიყვარული თუ პიარი?
რუსი აუდიტორია სკეპტიკურად იყო განწყობილი მომღერლის რომანის მიმართ. ზოგს მიაჩნია, რომ არაბუნებრივია 61 წლის ბაბუამ შვილიშვილის ასაკის გოგონაზე იქორწინოს. არსებობს ეჭვი, რომ გოგონა უბრალოდ პიარს იკეთებს ლეპსთან ქორწინება უბრალოდ ამისი ნაწილია.
ჟურნალისტებმა გოგონას 76 წლის ბებიასაც დაურეკეს, რომელმაც მედიასთან განაცხადა, რომ მისი შვილიშვილი ჯერ უნდა დაინიშნოს და მხოლოდ შემდეგ იქნება ქორწილი.
წაიკითხეთ ასევე: