საბჭოური დახვედრა ფხენიანში - ორი დიქტატორის შეხვედრა, ბუშტებისა და დროშების ფონზე: რა ხდება ცნობილი პუტინის ჩრდილოკორეულ ვიზიტზე?
ფხენიანის ქუჩებში რუსეთის პრეზიდენტს ათასობით ჩრდილოეთ კორეელი სკანდირებით დახვდა. "კეთილი იყოს თქვენი მობრძანება, პუტინ", - ყვიროდნენ ისინი და რუსულ და ჩრდილოეთკორეულ დროშებს აფრიალებდნენ, ასევე, ეჭირათ ყვავილების თაიგულები, როდესაც ვლადიმერ პუტინი 24 წლის შემდეგ ჩრდილოეთ კორეაში პირველად ჩავიდა.
კიმ ჩენ ინსა და პუტინს მიღების ცერემონიაზე ჩრდილოეთ კორეის დედაქალაქის ცენტრში, კიმ ილ სუნგის მოედანზე დახვდნენ - ცხენოსან ჯარისკაცებს, სამხედრო პერსონალსა და ბავშვებს ორი ლიდერის დიდი პორტრეტების ფონზე ხელში ბუშტები ეჭირათ.
პუტინმა და კიმმა თავიანთი დელეგაციები წარადგინეს და მხარდამხარ იდგნენ, როდესაც რუსეთის სახელმწიფო ჰიმნი გაისმა, შემდეგ კი ორმა ავტოკრატმა ავტომობილით გაისეირნა და ხალხს ღიმილით და ხელის ქნევით ესალმებოდნენ.
პუტინი ჩრდილოეთ კორეაში დილით ჩავიდა იმ იშვიათი ვიზიტით, რამაც დასავლეთის წინააღმდეგ საერთო სიძულვილისა და მზარდი სამხედრო თანამშრომლობის გამო საერთაშორისო შეშფოთების ფონზე მოსკოვისა და ფხენიანის მყარი თანხვედრა გამოხატა.
რამდენიმე სახელმწიფომ ფხენიანი უკრაინაში მიმდინარე ომის დროს მოსკოვისთვის იარაღის მიწოდებაში დაადანაშაულა, რასაც, მიუხედავად ამგვარი ტრანსფერის არსებობის მნიშვნელოვანი მტკიცებულებებისა, ორივე ქვეყანა უარყოფს.
ოფიციალური შეხვედრის წინ გაკეთებულ კომენტარებში კიმმა გამოხატა "სრული მხარდაჭერა და სოლიდარობა რუსეთის მთავრობის, სამხედროებისა და ხალხის ბრძოლისადმი", კონკრეტულად მიუთითა უკრაინაში მიმდინარე ომზე მოსკოვის მიერ “საკუთარი სუვერენიტეტის, უსაფრთხოებისა და ტერიტორიული სტაბილურობის დასაცავად”.
"სიტუაციები რთულდება და მუდმივად იცვლება, მაგრამ მსურს გამოვიყენო ეს შესაძლებლობა და კიდევ ერთხელ გავიმეორო, რომ ჩვენ გავაგრძელებთ სტრატეგიული კომუნიკაციის გაძლიერებასა და გაღრმავებას რუსეთის ხელისუფლებასთან", - დასძინა კიმმა.
რუსეთის სახელმწიფო სააგენტო Tass იტყობინება, რომ პუტინმა ორი ქვეყნის ურთიერთობა დაახასიათა, როგორც დამყარებული "თანასწორობასა და ორმხრივ პატივისცემაზე" და განაცხადა, რომ მოსალოდნელი ახალი ორმხრივი ხელშეკრულება "ორი სახელმწიფოს ურთიერთობის საფუძვლად იქცევა მრავალი წლის განმავლობაში". მან ასევე იმედი გამოთქვა, რომ კიმი მათი შემდეგი შეხვედრისთვის მოსკოვს ეწვევა.
ეს დიპლომატიური განვითარება მათ გაღრმავებულ ურთიერთობებს წარმოაჩენს და ასევე კიმისთვის, რომელიც მსოფლიო ასპარეზზე თავისი უკანონო შეიარაღების პროგრამის გამო კვლავ იზოლირებულია და პანდემიის შემდეგ სხვა მსოფლიო ლიდერისთვის თავის დედაქალაქში არ უმასპინძლია, მნიშვნელოვან გაძლიერებას ნიშნავს.
კიმს, დინასტიის მესამე თაობის ლიდერს, რომელიც ჩრდილოეთ კორეას რკინის მუშტით მართავს, ცხადი სიხარული ეტყობოდა, როდესაც პუტინს აეროპორტში დახვდა, როგორც ეს რუსეთის ლიდერის ქვეყანაში ჩასვლის ამსახველი ვიდეო მასალებიდან ჩანს.
ჩრდილოეთ კორეის სახელმწიფო სააგენტო KCNA-ს ცნობით, შემდეგ წყვილი ერთად გაუყვა გზას კუმსუსანის სახელმწიფო სტუმრის სახლისკენ, სადაც პუტინი რჩება.
ამავე სააგენტოს ცნობით, შეხვედრაზე ორმა ლიდერმა "ერთმანეთს გრძნობები და აზრები გაუზიარეს, თუ როგორ უნდა განავითარონ უფრო მეტად ორმხრივი ურთიერთობები ორი ქვეყნის ხალხების საერთო სურვილისა და ნების შესაბამისად".
ამ ურთიერთობის წინსვლა შეშფოთებას იწვევს, როგორც სეულში, ისე - ვაშინგტონში, არა მხოლოდ ჩრდილოეთ კორეის მიერ რუსეთისთვის იარაღის გადაცემის გამო, არამედ აგრეთვე იმ პერსპექტივის ფონზეც, რომ მოსკოვმა შესაძლოა, თავისი საუკეთესო სამხედრო ტექნოლოგია ფხენიანს მისი მძიმედ სანქცირებული შეიარაღების პროგრამის დასახმარებლად გადასცეს.
დაძაბულობა კორეის ნახევარკუნძულზე კვლავ მაღალია, რადგან კიმი ბოლო თვეების განმავლობაში მტრული გამონათქვამებით გამოდის და ასევე, მან სამხრეთ კორეასთან სამშვიდობო გაერთიანების ხანგრძლივი პროგრამა შეწყვიტა.
პუტინის ვიზიტი რუსეთში კიმის გასული წლის ისტორიულ ვიზიტს მოჰყვა, სადაც ნათლად გამოჩნდა, რომ ორმა ლიდერმა მათი ურთიერთობების ახალი თავი გახსნა, რაც პუტინის საჭიროებას უკავშირდებოდა, მიმდინარე შეტევითი ოპერაციისთვის ჩრდილოეთ კორეული იარაღი მიეღო.
თებერვალში, აშშ-ის მიერ გაკეთებული განცხადების თანახმად, რუსეთმა ჩრდილოეთ კორეიდან სექტემბრის შემდეგ 10 000-ზე მეტი გადაზიდვის კონტეინერი მიიღო - რაც 260 000 მეტრულ ტონა სამხედრო ან მასთან დაკავშირებული მარაგის ეკვივალენტია. როგორც ეს აშშ-ის ოფიციალურმა პირმა მარტის თვეში აღნიშნა, სექტემბრიდან მოყოლებული რუსულმა ძალებმა უკრაინის წინააღმდეგ გამოიყენეს ჩრდილოეთ კორეული წარმოების სულ მცირე 10 რაკეტა,