"ხელმძღვანელი ჩემგან ითხოვდა ისეთი სიუჟეტის მომზადებას, რომელიც აუცილებლად ძალადობას წაახალისებდა" - ჟურნალისტმა თამარ შარიქაძემ "იმედი" დატოვა
ჟურნალისტმა თამარ შარიქაძემ ტელეკომპანია "იმედი" დატოვა. ამის შესახებ შარიქაძე სოციალურ ქსელში წერს და "იმედთან" თანამშრომლობის დასრულების მიზეზებს განმარტავს. როგორც ჟურნალისტი აღნიშნავს, "არასდროს წაახალისებს ძალადობას".
"ჩემი და ტელეკომპანია იმედის თითქმის ხუთწლიანი თანამშრომლობა დასრულდა. ვთვლიდი და ახლაც ვთვლი, რომ ძალადობას არასდროს და არსად წავახალისებ! მე არასდროს ვიქნები ისეთ გადაუმოწმებელ ფაქტებზე ხელმომწერი, რომელიც ძალადობას ახალისებს! მადლობა ყველაფრისთვის, ყველა იმ გამოცდილებისთვის, ცოდნის მიღებისთვის და შანსისთვის, რაც ამ ნიუსრუმმა მომცა.
გულწრფელად წარმატებას გისურვეთ მათ, ვისთვისაც ეს საქმე ისევ იმ ღირებულებებზე დგას, რომელიც საკუთარ სინდისთან მართალია. მეტი კონკრეტიკისთვის, ჩემი უშუალო ხელმძღვანელი ჩემგან ითხოვდა ისეთი სიუჟეტის მომზადებას, რომელიც აუცილებლად ძალადობას წაახალისებდა. უფრო მეტი კონკრეტიკისთვის, მადლობა ჩემს კოლეგებს და მეგობრებს ქრონიკაში, რომლებიც ღირსეულად გვერდით დამიდგნენ, რადგან ისინიც ჩემს აზრზე არიან!" - წერს თამარ შარიქაძე.
