მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ძალადობისა და კანიბალიზმის შოკისმომგვრელი ბრალდებები და ბიზნეს დინასტიის შთამომავლის დასრულებული სამსახიობო კარიერა - რას ამბობს ერთ დროს "ოქროს გლობუსზე" ნომინირებული არმი ჰამერი?
18:06 / 17-06-2024
ჰოლივუდის ყოფილი მსახიობის, არმი ჰამერის განცხადებით, ის მადლიერია, რომ მისი კარიერა კანიბალიზმისა და ძალადობის შოკისმომგვრელი ბრალდებების გამო დასრულდა. მან თავისი დაცემა “ნეიტრონულ ბომბს” შეადარა, რომელმაც ყველაფერი გაანადგურა.
ერთ დროს წარმატებული მსახიობის კარიერა, Call Me By Your Name-ის 37 წლის ვარსკვლავისთვის, მაშინ დაიმსხვრა, როდესაც რამდენიმე ქალმა მას ძალადობისა და კანიბალიზმის ფანტაზიების შესახებ მძიმე ბრალდებები წაუყენა.
- არმანდ დუგლას ჰამერი 1986 წლის 28 აგვისტოს დაიბადა. არის ამერიკელი ბიზნესმენის მაიკლ არმანდ ჰამერის შვილი და ცნობილი ამერიკელი მილიონერისა და ქველმოქმედის არმანდ ჰამერის შვილთაშვილი. სამსახიობო კარიერა რამდენიმე სატელევიზიო სერიალში მონაწილეობით დაიწყო. მან პირველი მთავარი როლი, ბილი გრეჰემი, 2008 წლის ბიოგრაფიიულ ფილმში „ბილი: ადრინდელი წლები“ ითამაშა. 2010 წელს გამოჩნდა დეივიდ ფინჩერის ბიოგრაფიულ დრამაში -„სოციალური ქსელი“. 2011 წელს კლაიდი ტოლსონის როლი ითამაშა ამერიკულ ბიოგრაფიულ დრამაში, „ჯ. ედგარი“. 2013 წელს ლოუნ რეინჯერი განასახიერა ფილმში "მარტოხელა რეინჯერი“. 2015 წელს გამოჩნდა ფილმში, "აგენტები U.N.C.L.E“. ხოლო 2017 წელს მეორე ხარისხოვანი როლი ითამაშა რომანტიკულ დრამაში, "შენი სახელით მომმართე“, სწოერდ ამ ფილმში შესრულებული როლისთვის იყო ნომინირებული "ოქროს გლობუსზე". 2018 წელს ფილმში "გენდერული თანასწორობა“ ამერიკელი ადვოკატი მარტინ დეივიდ გინსბურგი განასახიერა. 2018 წელს ბროდვეის თეატრში მონაწილეობა მიიღო ამერიკულ პიესაში „Straight White Men“.
2021 წლის თებერვალში მისმა ყოფილმა მეგობარმა გოგონამ, 26 წლის ეფი ანჯელოვამ ის გაუპატიურებასა და ძალადობაში დაადანაშაულა. ჰამერმა გაუპატიურების ბრალდება ადვოკატის დახმარებით უარჰყო და განაცხადა, რომ მისი ყველა სექსუალური კავშირი იყო "სრული თანხმობით, წინასწარ განხილული და ურთიერთშეთანხმებული".
პოდკასტ Painful Lessons-ის ეთერში მსახიობმა სკანდალთან დაკავშირებით განაცხადა: "იმის მიუხედავად, რასაც ადამიანები ამბობდნენ, იმის მიუხედავად, რაც მოხდა, ახლა ცხოვრების იმ ეტაპზე ვარ, როცა ყველაფრისთვის მადლიერი ვარ. რეალურად, ვარ ეტაპზე, რომელზეც ვარ გულწრფელად მადლიერი ამ ყველაფრისთვის, რადგან იქ, სადაც ცხოვრებაში მანამდე ვიყავი, სანამ ეს ყველაფერი მოხდებოდა, თავს კარგად არ ვგრძნობდი. არასდროს ვიყავი კმაყოფილი, არაფერი მყოფნიდა, არასდროს ვიყავი საკუთარი თავით ბედნიერი და არ მქონდა თვითშეფასება", - აღნიშნა ჰამერმა.
მისი თქმით, ადრე არ იცოდა, როგორ ჰყვარებოდა საკუთარი თავი და როგორ მიეცა საკუთარი თავისთვის ვალიდაცია.
"მაგრამ მქონდა საქმე, სადაც ამას ბევრი ისეთი ადამიანისგან ვიღებდი, რომ არასდროს მჭირდებოდა, მესწავლა, როგორ უნდა მიმეცა ეს საკუთარი თავისთვის თავად".
კანიბალიზმის ბრალდების შესახებ - გავრცელებული ინფორმაციით, 2021 წელს მსახიობმა პირად მიმოწერაში დაწერა, რომ იგი "100%-ით კანიბალი იყო" და დასძინა: "ადამიანებმა კანიბალი შემარქვეს. თითქოს ადამიანებს ვჭამდი! რაა??? იცით, რა უნდა გააკეთოთ, კანიბალი რომ იყოთ? ადამიანები უნდა შეჭამოთ!"
მან თავისი დასრულებული წარმატების თაობაზე განაცხადა: "ეს ეგოს სიკვდილი იყო, კარიერის სიკვდილი. ჩემს ცხოვრებაში ნეიტრონული ბომბი აფეთქდა და მან ყველაფერი გაანადგურა".
ჰამერის იჟამინდელი ცოლი, ელიზაბეთ ჩეიმბერსია, რომელსაც 2020 წლის ივლისში გაეყარა. ყოფილ წყვილს ორი მცირეწლოვანი შვილი ჰყავს.
ვარსკვლავმა განაცხადა, რომ იმ პერიოდში თვითმკვლელობაზეც ფიქრობდა.
"იყო ბევრი შემთხვევა, როდესაც ვფიქრობდი, რომ ვეღარ გავუძლებდი. სიძულვილს ვიღებდი... იყო დრო, როდესაც სანაპიროზე ვიდექი, მერე შორს გავცურავდი და უბრალოდ, წყალზე ვტივტივებდი... ასე, თვითმკვლელობის ნახევარი მცდელობა... მაგრამ ვიფიქრე, რომ ამას ჩემს შვილებს ვერ გავუკეთებდი", - აღნიშნა მან.
მსახიობმა აღიარა, რომ მისი ჰოლივუდური კარიერა "ახლა არ არსებობს" და აღნიშნა, რომ ის "საკუთარ სამყაროს" ქმნის და სცენარის დაწერას გეგმავს.
ჰამერი ბრალდებებს რეგულარულად უარყოფდა, თუმცა სკანდალის შედეგად მისი ჰოლივუდური კარიერა თითქმის გაქრა. ეფის ბრალდებების შემდეგ, კიდევ რამდენიმე ქალმა აიმაღლა ხმა და ჰამერი ექსტრემალური სექსისა და კანიბალიზმის მიმართ ინტერესში დაადანაშაულა.
ინციდენტის შემდეგ ვარსკვლავი, პირადმა პრეს-აგენტმა და სააგენტომ მიატოვეს, ასევე, რამდენიმე პროექტიდან მოხსნეს.
მან აღიარა, რომ თავის ყოფილ პარტნიორებზე ემოციურად ძალადობდა, მაგრამ თავისი ქმედებები იმას დააბრალა, რომ 13 წლის ასაკში ახალგაზრდა მღვდლის სექსუალური ძალადობის მსხვერპლი გახდა.
არმი ჰამერისთვის ლოს ანჯელესის პროკურატურას ბრალდება არ წაუყენებია და მას შემდეგ მსახიობს კარიერის გაგრძელების მცდელობები აქვს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
