რუსი სამხედროები მთლიანად გაიყვანეს მთიანი ყარაბაღიდან: ბაქო
აზერბაიჯანის ტერიტორიიდან რუსი სამხედრო მოსამსახურეების გაყვანა დასრულდა. ამის შესახებ ქვეყნის თავდაცვის სამინისტრო იტყობინება.
"პირადმა შემადგენლობამ, შეიარაღებამ და მშვიდობისმყოფელთა კონტინგენტის ტექნიკამ მთლიანად დატოვა ჩვენი ტერიტორია“ - ნათქვამია განცხადებაში. მოსკოვს ამ ცნობაზე ჯერჯერობით განცხადება არ გაუვრცელებია.
მთიანი ყარაბაღის ტერიტორიაზე რუსეთის სამხედროები 2020 წლის ომის შემდეგ განათავსეს, 2023 წლის შემოდგომაზე, ახალი მოკლევადიანი სამხედრო კამპანიის შედეგად, აზერბაიჯანმა დაამყარა კონტროლი მთიანი ყარაბაღის მთელ ტერიტორიაზე და თვითგამოცხადებულმა სომხეთის მთიანი ყარაბაღის რესპუბლიკამ არსებობა შეწყვიტა.