უკრაინამ ანექსირებულ ყირიმში ოკუპანტი რუსეთის საზენიტო სარაკეტო სისტემებს დაარტყა

უკრაინის თავდაცვის ძალებმა დროებით ოკუპირებულ ყირიმში რუსეთის საზენიტო სარაკეტო სისტემებს დაარტყეს, - ამის შესახებ ინფორმაციას უკრაინის გენშტაბი ავრცელებს.

"დარტყმის შედეგად S-300 და S-400 კომპლექსების ორი რადარი განადგურდა. მესამე რადარის შესახებ ინფორმაცია ზუსტდება“, - წერს უკრაინის გენშტაბი "ტელეგრამზე“.

გენშტაბის ცნობით, დარტყმების სამიზნეს ბელბეკთან და სევასტოპოლთან ერთი S-300 და ორი S-400 სისტემა წარმოადგენდა.

ცნობისთვის, მიმდინარე კვირაში ეს დროებით ოკუპირებულ ყირიმში რუსეთის საჰაერო თავდაცვის სისტემებზე უკრაინის მიერ განხორციელებული მეორე სარაკეტო დარტყმაა.