"ნუ ამბობთ ეგრე, რომ შალვა პაპუაშვილმა თავისი განცხადებით ვიღაცას რაღაცაზე მიუთითა - ძალადობა წარმოშობს ძალადობას..." - ვოლსკი ზუკა ბერძენიშვილზე

ნუ ამბობთ ეგრე, რომ შალვა პაპუაშვილმა გამოაქვეყნა [განცხადება] და ამით ვიღაცას რაღაცაზე მიუთითა - ძალადობა წარმოშობს ძალადობას და ძალადობის წყარო არის იმ ადამიანთა ჯგუფი, რომელშიც გაერთიანებულია, მათ შორის, ზუკა ბერძენიშვილი, - ამის შესახებ "ქართული ოცნების" დეპუტატმა, გია ვოლსკიმ ჟურნალისტებთან საუბრისას განაცხადა, რითაც აქტივისტ ზუკა ბერძენიშვილზე თავდასხმაზე დასმულ კითხვას უპასუხა.

მისივე თქმით, "ძალადობა ვისზეც არ უნდა იყოს, რომელი მხრიდანაც არ უნდა იყოს, არის დასაგმობი და ასალაგმი“.

"ეს [ზუკა ბერძენიშვილი] კიდევ მეორე მეათეხარისხოვანი მონაწილეა ამ სტრატეგიის. ეს არის კარგად დაგეგმილი, შეიძლება არც იცის თავად ზუკამ, ან ნებისმიერმა სხვამ, ვინც ამაშია ჩართული. ასეთი უწმაწური გინება და ადამიანებზე ასეთი ფსიქოლოგიური ზეწოლა, როგორც ამ ჯგუფს აქვს დაგეგმილი და განხორციელებული, საქართველოს ისტორიას არ ახსოვს“, - განაცხადა ვოლსკიმ.

შეგახსენებთ, სამოქალაქო აქტივისტი, ზუკა ბერძენიშვილი სცემეს. ამის შესახებ ინფორმაციას სამოქალაქო აქტივისტი სალომე ბარკერ ნიკოლეიშვილი სოციალ ქსელ "ფეისბუქში“ ავრცელებს.

მისივე თქმით, შალვა პაპუაშვილის განცხადებიდან ერთ საათში ზუკა ბერძენიშვილს საცხოვრებელ სახლთან სამი თავდამსხმელი დახვდა.

ასევე იხილეთ:

• “სამნი იყვნენ, მანქანით ელოდებოდნენ, ზურგიდან მიეპარნენ...“ - სამოქალაქო აქტივისტ ზუკა ბერძენიშვილს თავს დაესხნენ: რა დეტალები ხდება ცნობილი?
• "ჩვენი სისხლის დაღვრის გარეშე როგორ იქნებოდა! " - ზუკა ბერძენიშვილს ქუჩაში სასტიკად გაუსწორდნენ: რას წერენ მისი მამა და ბიძა?
• "შენ თუ თავში არ გესროლოო, მეძახდა სამიდან ერთი, როცა დაგდებულს მირტყამდა" - რას წერს ზუკა ბერძნიშვილი