მნიშვნელოვანი ინფორმაცია
21
მარტიდღის ზოგადი ასტროლოგიური პროგნოზი
პარასკევი, მთვარის ოცდამეორე დღე დაიწყება 03:43-ზე, მთვარე მშვილდოსანშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ხაბეიშვილს არც საჭირო განათლება აქვს და არც ენა იცის" - რა შეიძლება გამხდარიყო "ნაციონალურ მოძრაობაში" ცვლილების მიზეზი?
11:17 / 10-06-2024
ყველაზე დიდი ოპოზიციური პარტიის - "ნაციონალური მოძრაობის“ თავმჯდომარე ლევან ხაბეიშვილი თინა ბოკუჩავამ შეცვალა.
როგორც პარტიის ყოფილმა თავმჯდომარემ, ლევან ხაბეიშვილმა განაცხადა, პოსტის დატოვების გადაწყვეტილება ჯანმრთელობის მდგომარეობის გამო მიიღო.
"ჩემთვის, ცხადია, მძიმეა, თუმცა ექიმების მკაცრი რეკომენდაციით, ჩემთვის, 2-3 თვის განმავლობაში, ფაქტობრივად აკრძალულია რეჟიმში მუშაობა. შესაბამისად, ვერ მივცემ თავს უფლებას, რომ 2-3 თვის განმავლობაში, როცა არჩევნებამდე სულ რაღაც 4 თვეა დარჩენილი, პარტიის თავმჯდომარე არ იყოს ფუნქციური, არ იყოს ყოველდღიურ რეჟიმში ჩართული, არ იყოს 24-საათიან სამუშაო რეჟიმში. შესაბამისად, ჩვენი გუნდის, ყველას გადაწყვეტილებით, თინასთან კონსულტაციების შედეგად, მივიღეთ კონკრეტული გადაწყვეტილება“, - განაცხადა ლევან ხაბეიშვილმა და დაამატა, რომ სურს გახდეს "ნაციონალური მოძრაობის“ პოლიტსაბჭოს თავმჯდომარე. ამ პოსტზე მუშაობა, მისი თქმით, "ყოველდღიურ, რუტინულ მუშაობას“ არ საჭიროებს.
"ნაციონალური მოძრაობის“ რიგებში საკადრო ცვლილებებს პარტიის ყრილობა დაამტკიცებს. ლევან ხაბეიშვილმა განაცხადა, რომ ყრილობას რამდენიმე დღეში მოიწვევს.
"პოლიტიკური კორუფცია, პოლიტიკის ბიზნესად ქცევა, პოლიტიკურ პარტიაში, როგორც შპს-ში, მენეჯერების დანიშვნა და მერე გადანიშვნა - თუ რამეა რუსული ყაიდის ქართულ პოლიტიკაში, სწორედ ესაა“, - დაწერა პარტია "ახლის“ თანადამფუძნებელი ნიკა მელიამ მას შემდეგ, რაც "ნაციონალური მოძრაობის“ ხელმძღვანელობაში მორიგი ცვლილებები გამოცხადდა.
ნიკა მელიამ, რომელიც პარტიის ყოფილი თავმჯდომარეა, - სწორედ ის ჩაანაცვლა ლევან ხაბეიშვილმა 2023 წლის იანვარში, - იმავე დღეს "ფეისბუქზე" დაწერა: "რუსულს რეჟიმს ვერ დაამარცხებ რუსული მეთოდებით. ოლიგარქს ვერ დაამარცხებ ფულით. არაფორმალურ მართვას ვერ დაამარცხებ არაფორმალური მართვის სტილით“.
მელიას დაპირისპირება ენმ-სთან 2022-23 წლებში უკავშირდებოდა თავდაცვის ყოფილი მინისტრის, დავით კეზერაშვილის როლს პარტიაში. მელიამ თავის დროზე დავით კეზერაშვილი და შინაგან საქმეთა ყოფილი მინისტრი ვანო მერაბიშვილი "ჩეკისტური მეთოდებით“ პარტიაზე არაფორმალური მმართველობის მოპოვების მცდელობაში დაადანაშაულა.
პარტიის მენეჯმენტში ცვლილებებს გამოეხმაურა პატიმრობაში მყოფი ექსპრეზიდენტი მიხეილ სააკაშვილი.
"მხარს ვუჭერ თინა ბოკუჩავას ახალ თავმჯდომარედ არჩევას და პარტიის განახლებისაკენ გადადგმულ ნაბიჯებს“. იგი აცხადებს, რომ "ეს გადაწყვეტილება არის ერთიანი ნაციონალური მოძრაობის მუდმივი განახლების და სიმტკიცის ნიმუში“, - წერს ის სოციალური ქსელით გავრცელებულ განცხადებაში.
ambebi.ge-ს წყარო "ნაციონალური მოძრაობიდან“ უყვება:
"მიშა და "მთლიანად ენმ-ს ლიდერშიფი ერთ რამეს მიხვდნენ - ვინაიდან მოდის არჩევნები და აუცილებელია კომუნიკაცია დასავლელ ლიდერებთან, საერთაშორისო ორგანიზაციებთან, ხაბეიშვილს კი ამისთვის არც საჭირო განათლება აქვს და არც ენა იცის. საჭირო იყო ადამიანი, ვინც ამ კრიტერიუმებს დააკმაყოფილებდა. თინა ბოკუჩავა კარგი კანდიდატურაა, მას უცხოეთში აქვს განათლება მიღებული, უცხო ენაც კარგად იცის და პოლიტიკურადაც ხაბეიშვილზე მეტად განათლებულია. ეს ფაქტორი არის, რა თქმა უნდა ცვლილების მიზეზი. არსებობს კიდევ ერთი მოსაზრება, რომ მიშას მოთხოვნა ერთიან სიაზე, ხაბეიშვილის დროს სხვა ჯგუფებისთვის მიუღებელი იყო და, სავარაუდოდ, მაგალითად, "ახლების“ მხრიდან იქნებოდა მოთხოვნა, ხაბეიშვილი გაუშვით და კი ბატონო, ერთიან სიაზე ვილაპარაკოთო, არ გამოვრიცხავ, სანაცვლოდ ისინი ხაბეიშვილის თავს ითხოვდნენ და "გაუგორეს“ კიდეც. ახლა რა იქნება და ვინ - ვისთან, გამოჩნდება. პირველი ვერსია უფრო რაციონალურია, მაგრამ მეორეს არ გამორიცხავს. ენმ-მ ერთი გასროლით ორი კურდღელი მოკლა - "ხაბე" ვისთვისაც არ იყო მისაღები, მათთვის კარი გახსნა, ამავე დროს, დასავლეთთან მოლაპარაკე სპიკერიც გამონახა. თავმჯდომარე ამბობს, ავადმყოფობის გამო გადავდექიო და თან, პოლიტსაბჭოს თავმჯდომარე ვიქნებიო. "ხაბე" შემსრულებელია და თავისი საქმე უკვე გააკეთა - მელიას გაწევა უნდოდათ და გაწიეს, დეპუტატობა უნდოდა და მიიღო... რაც შეეძლო, გააკეთა... განსაკუთრებული იდეები კი მას არც არასდროს აწუხებდა“.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"თუ ჯართს არ ჩავაბარებ საჭმლის გარეშე დავრჩებით" - 11 წლის ალექსანდრე ალავერდაშვილი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
