16
მაისიდღის ზოგადი ასტროლოგიური პროგნოზი
ეგზიტპოლების შედეგების თანახმად, მექსიკის პირველი ქალი პრეზიდენტი მეხიკოს ყოფილი მერი, კლაუდია შეინბაუმი გახდება. BBC-ის ცნობით, გამოკითხვამ აჩვენა, რომ 61 წლის ყოფილმა მერმა გუშინ ჩატარებულ საპრეზიდენტო არჩევნებში ხმების 56% მოიპოვა და მთავარი კონკურენტი, შოუჩიტლ გალვესი დაამარცხა.
საპრეზიდენტო არჩევნების ოფიციალური შედეგები დღეს გამოცხადდება. ამომრჩევლები ასევე ირჩევდნენ მექსიკის კონგრესის ყველა წევრს, გუბერნატორებს რვა შტატში და მეხიკოს მერს.
ვინ არის კლაუდია შეინბაუმი?
მისი კარიერული გზა კიდევ უამრავ სხვა წარმატებას მოიცავს: მას ენერგეტიკის ინჟინერიაში დოქტორის წოდება აქვს, მონაწილეობდა გაეროს კლიმატის მეცნიერთა პანელში, რა დროსაც ნობელის პრემია მიენიჭა, მუშაობდა მეხიკოს მერადაც.
61 წლის შეინბაუმმა ქვეყნის "ყველაზე სისხლიანი არჩევნების" დასასრულს ხმების მინიმუმ 58% მიიღო და კვირას გამართულ საეტაპო არჩევნებში გაიმარჯვა. საარჩევნო კამპანიის პერიოდში უპრეცედენტო რაოდენობის ძალადობრივი თავდასხმები დაფიქსირდა. მთავრობის ინფორმაციით, ქვეყნის მასშტაბით 20-ზე მეტი ადგილობრივი კანდიდატი დაიღუპა.
ახლა მექსიკელებს ასეთი კითხვა უჩნდებათ: შეძლებს თუ არა შეინბაუმი საკუთარი თავის ლიდერად დამკვიდრებას? თუ ის კვლავ ყოფილი პრეზიდენტის, ანდრეს მანუელ ლოპეს ობრადორის მარიონეტი იქნება?
თუმცა ახალი პრეზიდენტი ამტკიცებს, რომ ის ობრადორისგან დამოუკიდებლად აპირებს ქვეყნის მართვას და მათ რამდენიმე განსხვავებული პრიორიტეტი აქვთ.
შეინბაუმი, რომელიც წარსულში ბალერინა იყო, აცხადებს, რომ ობსესიური და დისციპლინირებული ბუნების პატრონია. მისი ყოფილი თანამშრომლები მას მკაცრ უფროსად ახასიათებენ, თუმცა ბევრი ამბობს, რომ ეს ქვეყანაში მძვინვარე კარტელურ ძალადობასა და სისხლისღვრას ვერ უშველის.
კლაუდია ევროპიდან გაქცეული ებრაელი ემიგრანტების შვილიშვილია და მის ებრაულ წარმოშობასა და პირად ცხოვრებაზე იშვიათად საუბრობს. მისი პოლიტიკური კარიერა 2000 წელს დაიწყო, როცა ობრადორი მეხიკოს მერად აირჩიეს და მან შეინბაუმი სასადილოდ მიიწვია. მალე, ის გარემოს დაცვის მინისტრადაც დაინიშნა.
2018 წელს ლოპეს ობრადორი პრეზიდენტად აირჩიეს, ქალბატონი შინბაუმი კი მეხიკოს მერი გახდა. ქალმა, მალევე, მკაცრი უფროსის რეპუტაცია შეიძინა:
- "როცა ის ოთახში შემოდიოდა, ყველა სწორდებოდა", - ამბობს სოლედად არაგონი, შეინბაუმის კაბინეტის ყოფილი თანამშრომელი.
რამდენიმე ყოფილმა თანამშრომელმა ისიც განაცხადა, რომ შეინბაუმი ხანდახან ბრაზდებოდა და თავის ქვეშევრდომებს ყველას თვალწინ უყვიროდა. თუმცა მისი დამცველების თქმით, ზოგიერთ ადამიანს უბრალოდ ცუდი დამოკიდებულება ჰქონდა იმ ფაქტზე, რომ სათავეში ქალი იყო.
რაც შეეხება შეინბაუმის პირად ცხოვრებას, ის ფინანსური რისკების ანალიტიკოს ხესუს მარია ტარიბა უნგერზეა დაქორწინებული. მათ კოლეჯში გაიცნეს ერთმანეთი და 2016 წელს იქორწინეს. ეს შეინბაუმის მეორე ქორწინებაა, ის წარსულში პოლიტიკოს და აკადემიკოს კარლოს იმაზ გისპერტზე იყო დაქორწინებული (1987-2016). მათ ქალიშვილი ჰყავთ, რომელიც 1988 წელს დაიბადა.
წყარო: nytimes
მოამზადა: ანა სიბოშვილმა
