მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჯენიფერ ლოპესი აფლეკთან დაშორების შესახებ კითხვამ გააბრაზა - რა პასუხი გასცა მან ჟურნალისტს?
14:49 / 28-05-2024
ჯენიფერ ლოპესი მისი და ბენ აფლეკის დაშორების შესახებ ჭორებს გაღიზიანებული ეხმაურება.
54 წლის მომღერალი ამჟამად მისი ახალი ფილმის, "ატლასის" რეკლამირებას ეწევა. "ნეტფლიქსის" ახალი ფილმის პრესკონფერენციაზე, რომელიც მეხიკოში შედგა, მომღერალს რეპორტიორმა ჰკითხა: "თქვენი და ბენ აფლეკის განქორწინების შესახებ ჭორები სიმართლეა? რეალურად რა ხდება?"
ლოპესმა ასეთი კითხვის გამო უკმაყოფილება ვერ დამალა, სახე შეეცვალა, სავარძელში წამოიწია და რეპორტიორს მიმართა: "ეს არ გეკადრებათ".
ჯენიფერს იქ მყოფი მისი კოლეგა სიმუ ლიუც გამოესარჩლა:
"კარგით, საკმარისია, ატმოსფეროს ნუ ძაბავთ, გთხოვთ",- უთხრა მან დამსწრე რეპორტიორს.
ლოპესსა და აფლეკს მათი განქორწინების შესახებ მოარულ ხმებზე კვლავ არ სურთ საჯაროდ საუბარი. ბოლო 1 თვის განმავლობაში წყვილი იშვიათად ჩნდება ერთად, თავს არიდებს პრესასთან საუბარს და ამ ყველაფერს ისიც ერთვის, რომ პაპარაცებმა ბენ აფლეკი ქორწინების ბეჭდის გარეშე უკვე არაერთხელ შენიშნეს.
ვარსკვლავური წყვილის ურთიერთობის ნგრევის შესახებ ჭორები მაშინ დაიწყო, როცა 2024 წლის 6 მაისს გამართულ Met Gala-ზე ჯეილო მარტო გამოცხადდა. მოგვიანებით, ის ინფორმაციაც გაჟღერდა, რომ ბენი მისგან განცალკევებით, საკუთარ სახლში გადავიდა საცხოვრებლად. კიდევ ერთი სიახლე, რამაც მედიის ყურამდე მიაღწია, ისაა, რომ ჯენიფერ ლოპესი თავადაც ახალი საცხოვრებლის ძიებაშია.
როგორც ყვითელი პრესა წერს, წყვილი პრობლემებთან გასამკლავებლად თერაპიასაც მიმართავს. "ბენს თერაპიის ეფექტიანობის სჯერა და სურს, რომ ამ პროცესს გახსნილი გონებით მიუდგეს იმის მიუხედავად, რომ ამ ფაქტის, ცოტა არ იყოს, რცხვენია კიდეც",- განაცხადა გამოცემასთან წყვილთან დაახლოებულმა წყარომ.
Page Six-ის 20 მაისს წერდა, რომ ბენი მისი და ჯენიფერის წარუმატებელ ქორწინებას უკვე შეეგუა და ახლა ყველაფერს საღი გონებით უდგება: "მისთვის ეს ბოლო 2 წელი სიზმარივით იყო, მაგრამ ახლა გონს მოეგო და ხვდება, რომ მისი ცხოვრება ასე ვეღარ გაგრძელდება",- დასძენს წყარო.
აფლეკი და ლოპესი თავდაპირველად 2002-2004 წლებში ხვდებოდნენ ერთმანეთს. მათ 2004 წლის იანვარში ნიშნობა გააუქმეს და დაშორება ამჯობინეს. მას შემდეგ, ისინი სხვა პარტნიორებზე დაქორწინდნენ და შვილებიც ეყოლათ, სანამ 2021 წელს კვლავ არ შერიგდნენ. მათ ლას ვეგასში იქორწინეს და როგორც ლოპესის მაშინდელი ინტერვიუებიდან ჩანს, იმ პერიოდში ცხოვრების უბედნიერეს ეტაპზე იყვნენ.
წყარო: nypost
მოამზადა: ანა სიბოშვილმა
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
