მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ზურა და გიორგი ყიფშიძეების პროტესტი სცენიდან: როგორ პასუხობს ნატალია ყიფშიძე სოცქსელში ატეხილ აჟიოტაჟს - "ამას ჩემს სახელს ვერ მივაკერებ"
07:31 / 25-05-2024
"უცხოური გავლენის გამჭვირვალობის შესახებ" კანონპროექტი გუშინ თუმანიშვილის თეატრის დასის მსახიობებმა გააპროტესტეს. სპექტაკლის შემდეგ სცენაზე ისინი ბანერებით გამოჩნდნენ, წარწერით" "არა რუსულ რეჟიმს", "არა რეპრესიებს".
მსახიობებს შორის, რომლებიც სცენაზე იდგნენ, მამა-შვილი ყიფშიძეებიც იყვნენ. სოციალურ ქსელში წერდნენ, რომ ზურას და გიორგის ეს პროტესტი ნატალია ყიფშიძის დამსახურებაა. თავად ნატალია ამბობს, რომ პროტესტი დასის ინიციატივა იყო და იქ მისი ოჯახის დანახვა ძალიან გაუხარდა.
"ბევრი ლამაზი სიტყვები წავიკითხე და უზომოდ მადლიერი ვარ! მაგრამ ეს ყველაფერი მსახიობთა დასის დამსახურებაა და ამას ჩემს სახელს ვერ მივაკერებ, მიხარია ყოველი ხმამაღალი განაცხადი, რომელიც ქვეყნის კეთილდღეობას ითვალისწინებს და ჩემი ოჯახის დანახვაც, რასაკვირველია, სასიხარულოა ჩემთვის" - დაწერა ნატალიამ ფოტოს კომენტირებისას.
ზურა ყიფშიძე წლებია, "ქართული ოცნების" მხარდამჭერია. ასე იყო გიორგის შემთხვევაშიც, თუმცა ცოტა ხნის წინ გამოქვეყნებულ ვიდეოში მან თქვა, რომ მმართველმა პარტიამ იმედები გაუცრუა.
"შემოდიან ჩემს სოციალურ ქსელში და მეუბნებიან, მოგისყიდესო. რა გინდათ, გამჭედოთ? რაღაც მაინც იცოდეთ ჩემზე. რომ ვთქვა რა გამიკეთეს ("ქართულმა ოცნებამ")... ამას სხვა დროს ვიტყვი. ბინა მაჩუქა გუკა რჩეულიშვილმა, არანაირი მიშა, გრიშა და ივანიშვილი იქ არ ყოფილან. ამიტომ, ტროლები და ბოტებო, მე თქვენი აზრი არ მაინტერესებს" - თქვა გიორგიმ.
ცნობისთვის, ბოლო ერთი თვეა ყიფშიძეების გარშემო სკანდალი არ წყდება. ჯერ იყო და ნატალია ყიფშიძის მიერ “ტელეკომპანია პირველის” პირდაპირ ეთერში გამოთქმულ აზრს, რომ აქციებზე ყოფნით ის ქვეყნის მომავალს იცავს, მისი ბაბუა, მსახიობი ზურა ყიფშიძე საჯაროდ დაუპირისპირდა და ნატალიას მიერ "ფეისბუქზე" გამოქვეყნებული ვიდეოს კომენტარებში დაწერა:
“ვაი მე! სადა ბანაობ? შვილო! შე ვირიშვილო, ვინ კამათობს იმაზე, რასაც ამბობ? ცოტა გაერკვიეთ? გაახილეთ თვალები და დაცქვიტეთ ყურუშკები!? შენ, ჩვენი თაობის, მუსიკის მოყვარული!? საოცარია? ასე ვინ დაგაბოლათ? ნაღვლიანად ვარ! სამწუხაროა!?” - წერს ნატალია ყიფშიძის ბაბუა ზურა ყიფშიძე.
ამის შემდეგ ცნობილი გახდა, რომ დაძაბული ურთიერთობა ჰქონდათ მამა-შვილ ყიფშიძეებსაც, თუმცა როგორც ზურამ აღნიშნა, ეს პოლიტიკურ მოვლენებს არ უკავშირდებოდა და კონფლიქტი გიორგის ცხოვრების წესის გამო მოუვიდათ.
წაიკითხეთ ასევე:
- "ბინა მაჩუქა გუკა რჩეულიშვილმა, არანაირი მიშა, გრიშა და ივანიშვილი იქ არ ყოფილან... 41 შემოვხაზე თავის დროზე და იგივე გვიქნა, რაც მისმა წინამორბედმა" - გიორგი ყიფშიძე
- "მე რომ ჩემს შვილიშვილს კომენტარი დავუწერე ნახევრად იუმორით, ისეთი ლანძღვა-გინება მივიღე... სამწუხაროდ, ერთი წელია გიორგისთან ურთიერთობა არა მაქვს" - ზურა ყიფშიძე
- "ჩემმა შვილმა დამბლოკა და ღირსიც ვიყავი. ნატალია, მიყვარხარ, მამ" - რა ვიდეოს აქვეყნებს გიორგი ყიფშიძე?
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
