უკრაინელებმა რუსებს შავი ზღვის ფლოტის კიდევ ერთი სარაკეტო ხომალდი ჩაუძირეს - ეს ქართველებისთვის შურისძიებაც არის

• "არსენალი" - ირაკლი ალადაშვილის ბლოგი

2023 წლის 30 სექტემბერს ოკუპირებული სოხუმის პორტში რუსეთის შავი ზღვის ფლოტის მცირე სარაკეტო ხომალდმა - "ციკლონმა“ ჩაუშვა ღუზა, რომლის კაიუტ-კომპანიაში რუსმა ადმირალებმა და აფხაზმა სეპარატისტებმა ოჩამჩირეში საბრძოლო ხომალდების ბაზირების პუნქტის შექმნას მოაწერეს ხელი...

ის, რასაც რუსეთი საქართველოს ოკუპირებულ ტერიტორიებზე ასე თავხედურად ჩადის, ჩვენში გულზე მჯიღის ცემას თუ იწვევს, რადგან თავს ზემოთ ჯერჯერობით ძალა არ არის, ამ ყველაფრის აღსაკვეთად და ამიტომაც ერთგვარი შვება მოგვგვარა იმ ფაქტმა, რომ რუსი ოკუპანტები ამისთვის სასჯელს მაინც იღებენ, თუნდაც - უკრაინელებისგან...

ჩაძირული რუსული სარაკეტო "ციკლონის“ ტაქტიკურ-ტექნიკური მონაცემები შემდეგი იყო:

წყალწყვა - 870 ტ, სიგრძე - 67 მ, სიგანე - 11 მ, სამი დიზელის ძრავა (თითოეული 8 000 ცხ.ძ.-ის სიმძლავრის), სიჩქარე - 30 კვანძი (55,5 კმ/სთ).

19 მაისს უკრაინელებმა ანექსირებული ყირიმის ნახევარკუნძულის სევასტოპოლის რუსულ სამხედრო-საზღვაო ბაზაზე მორიგი სარაკეტო დარტყმა განახორციელეს, მათ შორის - აშშ-იდან მიღებული 300 კმ-მდე მფრენი ATACMS-ის ორი აერობალისტიკური რაკეტის გამოყენებით, რის შედეგადაც, სავარაუდოდ, ჩაიძირა ნავმისადგომთან მდგარი ხომალდი "ციკლონი“...

სწორედ ის "ციკლონი“, რომელიც გასული წლის სექტემბერში ოკუპირებულ სოხუმს "სტუმრობდა“...

თანამგზავრულ ფოტოზე ჩანს სევასტოპოლის ერთ-ერთ ნავმისადგომთან არცთუ ღრმად ჩაძირული ხომალდის კონტურები, არადა სარაკეტო დარტყმამდე რამდენიმე საათით ადრე სწორედ აქ იდგა ღუზაზე "ციკლონი“...

"ციკლონის“ შესაძლო ჩაძირვის ფაქტი არა მარტო ერთგვარი შურისძიებაა ოკუპირებულ სოხუმში "სტუმრობისთვის“, არამედ - დიდი წარმატება თავად უკრაინის ინტერესებისთვის, რადგან მათ პირველად შეძლეს "კალიბრის“ ტიპის ფრთოსანი რაკეტების გამშვები, საბრძოლო მზადყოფნაში მოყვანილი რუსული სამხედრო ხომალდის განეიტრალება...

"ციკლონის“ მთავარ შეიარაღებას "კალიბრის“ ტიპის ფრთოსანი რაკეტების 8 შვეული გამშვები წარმოადგენდა... გააგრძელეთ კითხვა