მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ გავუგოთ თინეიჯერ ქალიშვილს, რომელიც ფიქრობს, რომ მისი არ გესმით
16:32 / 20-05-2024
თუ მოზარდი გოგონას მშობელი ხართ, დიდი ალბათობით, თქვენთვის ნაცნობი ფრაზა იქნება: „ჩემი არ გესმით!“ გარდატეხის ასაკი საკმაოდ რთული გადასატანია როგორც მშობლებისთვის, ასევე მოზარდებისთვის. ეს ის პერიოდია, როცა თავიდან ვერ იგდებ მტკივნეულ აზრებს იმაზე, რომ საკმარისად კარგი არ ხარ, რომ არავის უყვარხარ და შენი არავის ესმის.
ალბათ, არ არსებობს გოგონა, რომელსაც მშობლებთან ან თანატოლებთან უთანხმოება არ ჰქონია. ზოგჯერ მთელი ცხოვრების გამოცანად რჩება, რატომ ვერაფრით აეწყო ურთიერთობა. ხშირია შემთხვევები, როდესაც თინეიჯერობის წლებში მიჯაჭვულობა მშობელთან წყდება გაუგებრობის გამო ან იმიტომ, რომ შვილებსა და მშობლებს ავიწყდებათ ურთიერთ კომუნიკაცია და ერთმანეთთან დროსა და სივრცეში აცდენილი არიან. თინეიჯერებს ძალიან ხშირად მიაჩნიათ, რომ მშობლები ვერ უგებენ.
ფსიქოლოგების აზრით, მოზარდობის ასაკში ბავშვის განვითარებისთვის საჭირო ამოცანაა მშობლებისგან გამოყოფა და ინდივიდუალიზმის გამოვლენა. მოზარდობის ასაკში ნორმალურია მშობლებთან მიჯაჭვულობითი კავშირის შესუსტება და თანატოლებთან მეტად დაახლოება. ეს ზრდასრული პიროვნების ჩამოყალიბების პროცესის შემადგენელი ნაწილია.
საზოგადოებრივი წრის გაფართოების პარალელურად, მოზარდი იწყებს მშობლების შედარებას სხვებთან და უჩნდება კითხვები, თუ რამდენად ართმევენ ისინი თავს სხვადასხვა რამეს. ერთ წუთში შეიძლება მშობლებთან ზეკრიტიკული იყო და შენს ოთახში გარბოდე, მოგვიანებით კი ნერვიულობ, თავს მარტოსულად გრძნობ და ჩასახუტებლად ისევ მათთან მორბიხარ.
მოზარდობის ფსიქოლოგიური ამოცანა ინდივიდუალიზმი და ავტონომიის მოპოვებაა. ეს ნიშნავს, გაიზარდო და დატოვო ოჯახი როგორც ფიზიკურად, ასევე მეტაფორულად. მოზარდობის პერიოდის დასრულების შემდეგ, როცა ზრდასრულობას მიაღწევ, საშუალება გეძლევა იყო ინდივიდუალური პიროვნება, საკუთარი გადაწყვეტილებებით. მოზარდობის პერიოდში ახალგაზრდებს სურთ, მეტად დაშორდნენ თავიანთი ოჯახების ყოველდღიურობას იმ მოტივით, რომ მეტად გაუსვან ხაზი მათსა და ოჯახს შორის არსებულ განსხვავებებს, თუმცა ზრდასრულ ასაკში უბრუნდებიან იმ წერტილს, რომელიც უფრო ახლოსაა მშობლების ცხოვრების სტილთან.
თინეიჯერობის ასაკში შეიძლება დისკომფორტი შეუქმნას მოზარდს იმან, რომ დედა გამუდმებით თავს დასტრიალებს. ზოგჯერ მშობლები მეტისმეტად ერთვებიან შვილის ცხოვრებაში, რაც ინდივიდუალიზმის გამოვლენასა და უფროსებისგან დამოუკიდებლობის მოპოვებას ართულებს. ზოგჯერ ეს იმიტომ ხდება, რომ მშობელს შფოთვასთან დაკავშირებული პრობლემები თავად აქვს და გარემოს კონტროლი სურს, რომ თავი უფრო დაცულად იგრძნოს. შფოთვა შენიღბულია სიყვარულის საფარვლით - „იმიტომ, რომ შენზე ვზრუნავ“.
დრო იცვლება გოგონებისა და ახალგაზრდა ქალებისთვის: მათ არასდროს ჰქონიათ ამდენი თავისუფლება და არჩევანი; მაგრამ აქამდე არასოდეს ყოფილა ამდენი მოთხოვნა მათ მიმართ. „ჩემი არ გესმით“ - 21-ე საუკუნის გოგონების გზამკვლევი დოქტორ ტარა პორტერის პირველი წიგნია, თინეიჯერი გოგონებისთვის და ახალგაზრდა ქალებისთვის, You Don't Understand Me: A Young Woman's Guide to Life გახდა Sunday Times-ის ბესტსელერი. ავტორი 1992 წლიდან ეწევა კლინიკურ საქმიანობას ახალგაზრდებთან.
წიგნი დაწერილია სპეციალურად თინეიჯერი გოგონებისთვის და ახალგაზრდა ქალებისთვის. ის მოიცავს ისეთ საკითხებს, როგორებიცაა ოჯახი, მეგობრები, შფოთვა, სკოლა და განათლება, სიყვარული და სექსი, კვება და ინტერნეტი. წიგნში განხილულია თითქმის ყველაფერი და ძალიან ამომწურავად. ძალიან მნიშვნელოვან საკითხებს შორისაა სწორი კვება, მიზიდულობა, სიყვარული და სექსი. წიგნი თინეიჯერებისთვის ძალიან გასაგები ენითაა დაწერილი და ავტორი ცდილობს, საფუძვლიანად აუხსნას მათ, თუ როგორ ბიჭებთან ღირს ან არ ღირს ურთიერთობა; როგორ ამოიცნო მოძალადე მამაკაცი; რამდენად მნიშვნელოვანია, გყავდეს ადეკვატური მეგობრები და სხვა.
რაც უფრო ბოლოსკენ მიდიხარ, მით უფრო ენდობი და უმეგობრდები ავტორს.
დოქტორ ტარა პორტერის მგრძნობიარე და მაღალპროფესიონალური მიდგომა, რომელიც მან ახალგაზრდა ქალებისთვის შეიმუშავა, რეალურად დაგეხმარებათ და გემახსოვრებათ წლების განმავლობაში.
მშობლებისთვის კი ეს წიგნი ახსნის იმას, თუ რას განიცდის მათი ქალიშვილი.
„ღმერთი დედა რომ ყოფილიყო, ის ამ ბიბლიას მოზარდი გოგონებისთვის და ახალგაზრდა ქალებისთვის დაწერდა. ეს წიგნი საუკეთესო საჩუქარია, რაც შეგიძლია აჩუქო შენს ქალიშვილს.” – კეიტლინ მორანი.
დოქტორი ტარა პორტერი ეყრდნობა მრავალწლიან გამოცდილებას, რათა ქალები საკუთარ ფსიქოლოგიაში გაერკვნენ. გამოცდებიდან მეგობრობამდე, ოჯახიდან სიყვარულამდე, ტარა აერთიანებს ყველაფერს, რაც ისწავლა, რათა ყველგან ხელმისაწვდომი ახსნა-განმარტებები და წინადადებები მისცეს მოზარდებსა და ახალგაზრდა ქალებს. ბრძენი მეგობრის ან უფროსი დის თბილი წერილის მსგავსად, წიგნს არა მხოლოდ ესმის ახალგაზრდების პერსპექტივები, არამედ ეხმარება მათ დაძლიონ გამოწვევები, რომლებსაც ისინი აწყდებიან.
"ყველა ახალგაზრდა გოგონას ვურჩევდი ამ ბრწყინვალე და ინფორმაციულ წიგნს... ტარა ღრმა ცოდნით, სითბოთი და იუმორით წერს ყველა იმ პრობლემას, რომლებსაც ახალგაზრდა გოგონები და ყველა ჩვენგანი აწყდება და გვეუბნება, როგორ დავძლიოთ ისინი." - ჯულია სამუელი.
YDUM გამოიცა ან უნდა გამოქვეყნდეს ნიდერლანდებში, ბელგიაში, კანადაში, რუმინეთში, უნგრეთში, პოლონეთში, ესტონეთში, ტაივანში, გერმანიაში, იტალიაში, თურქეთში, ხორვატიაში, იტალიაში, საბერძნეთში, საუდის არაბეთში, ლიეტუვაში, ისრაელსა და ალბანეთში. ქართულ ენაზე წიგნი გამომცემლობა „პალიტრა L”-მა გამოსცა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
