კანის 77-ე კინოფესტივალი ოფიციალურად გაიხსნა (ფოტოები)
კანის 77-ე კინოფესტივალი ოფიციალურად ფრანგული ფილმის "Le Deuxieme Acte"-ს ჩვენებით გაიხსნა და მას არაერთი ვარსკვლავი ესწრებოდა.
კანის ფესტივალის წლევანდელ ჟიურის წევრებს შორის გრეტა გერვიგი, ევა გრინი და ლილი გლედსტოუნი იქნებიან და სწორედ ისინი გადაწყვეტენ თუ ვინ დაიმსახურა სხვადასხვა ნომინაციაში ჯილდო.
კინოფესტივალის გახსნის ცერემონიაზე საპატიო ოქროს პალმის რტო თავისი ბრწყინვალე კარიერისა და კინოში შეტანილი წვლილისთვის მერილ სტრიპს გადასცეს.
წითელი ხალიჩა მოულოდნელმა სტუმარმა გახსნა და დამსწრეები გაახალისა. ფესტივალის პირველი სტუმარი ფრანგი მსახიობი ძაღლი, სახელად მესი იყო, რომელიც ფილმ "Anatomy of a Fall"-ში თამაშობს.
2024 წლის კანის კინოფესტივალი 14 მაისს გაიხსნა და 25 მაისამდე გაგრძელდება.
ახლა კი წითელი ხალიჩისთვის უმშვენიერესად გამოწყობილ ვარსკვლავებს გადავავლოთ თვალი:
წყარო: harpersbazaar
მოამზადა: ანა სიბოშვილმა