"აუცილებელია მთავრობამ ჩვენს დასავლელ პარტნიორებთან გამონახოს კომპრომისი" - რას წერს თბილისის საკრებულოს დეპუტატი "ქართული ოცნებიდან" კონსტანტინე ზარნაძე?
თბილისის საკრებულოში გლდანის მაჟორიტარი დეპუტატი "ქართული ოცნებიდან" კონსტანტინე ზარნაძე სოციალურ ქსელში წერს, რომ მთავრობამ დასავლელ პარტნიორებთან კომპრომისი უნდა გამონახოს. პოლიტიკოსი თბილისის მერის, კახა კალაძის ახლო მეგობარია და "ოცნებაში" მის კადრად მოიაზრება.
კონსტანტინე ზარნაძე:
"აუცილებელია, რომ მთავრობამ ჩვენს დასავლელ პარტნიორებთან გამონახოს კომპრომისი, დასავლური დემოკრატია არის ერთადერთი ხსნა ამ ქვეყნის განვითარების გზაზე, ველოდები პოზიტიურ ცვლილებებს ამ მიმართულებით.
ასევე, მჯერა, რომ ყველა ფაქტზე, სადაც თვალსაჩინოა ძალადობა, პოლიცია მოახდენს რეაგირებას და დასჯის ყველა იმ პირს, ვინც ამ პროცესებში მონაწილეობა მიიღო".