"ჩხრეკა მიმდინარეობს მისი შეყვარებულის სახლშიც" - უჩა აბაშიძის ძმა

პასუხს არავინ გვცემს რასთან დაკავშირებით მიმდინარეობს ეს ყველაფერი, არც ორდენი არ წარმოუდგენიათ. მოვიდა ადვოკატი და მასაც არ უშვებენ , - ამის შესახებ ბლოგერ უჩა აბაშიძის ძმამ, გიორგი აბაშიძემ განაცხადა.

გიორგი აბაშიძის განცხადებით, ჩხრეკა მიმდინარეობს უჩა აბაშიძის შეყვარებულის სახლშიც.

"მეზობელმა დაურეკა ოჯახის წევრს, რომ რაღაც ხდებაო და იქნებ მოხვიდეთო, თორემ ისე საერთოდ ვერ გავიგებდით. პასუხს არავინ გვცემს რასთან დაკავშირებით მიმდინარეობს ეს ყველაფერი, არც ორდენი არ წარმოუდგენიათ. მოვიდა ადვოკატი და მასაც არ უშვებენ. მაჩვენონ მაინც, ჩემს ძმას სიცხე ჰქონდა ბოლო ორი დღეა, ავადაა და მინდა ვნახო, რომ ჯანმრთელადაა. მითხრან სად გადაჰყავთ მაინც. უჩაზე ღია ადამიანი აღარ არსებობს, ყველაფერს, ცუდსაც და კარგსაც, ღიად სწერდა, ყველამ იცოდა რაც იყო რა აზრი ჰქონდა ჩხრეკას?“, - განაცხადა გიორგი აბაშიძემ.

წაიკითხეთ ასევე:

• რა ხდება ბლოგერ უჩა აბაშიძის სახლთან, სადაც პოლიცია საგამოძიებო მოქმედებებს ატარებს - ადგილზე აქციის მონაწილეები მივიდნენ