ჩინეთმა "მთვარის ბნელ მხარეს" მავალი მანქანა გაუშვა - რა არის 53-დღიანი მისიის მიზანი?
ჩინეთმა კოსმოსში მთვარეზე მავალი მანქანა, Chang'e 6 გაუშვა. 53-დღიანი მისია მიზნად ისახავს დაახლოებით ორი კილოგრამი მთვარის ნიმუშების ჩამოტანას დედამიწაზე. მისიის წარმატების შემთხვევაში ჩინეთი საბჭოთა კავშირისა და აშშ-ის შემდეგ გახდება მესამე ქვეყანა, რომელმაც განახორციელა მთვარის ზედაპირიდან გეოლოგიური ნიმუშების ჩამოტანა დედამიწაზე და ბოლო 44 წლის მანძილზე პირველი ქვეყანა, რომელმაც ამგვარი მისია განახორციელა.
მოსალოდნელია, რომ ის დაეშვება სამხრეთ პოლუს-აიტკენის აუზში, რომლის სიგანე დაახლოებით 2,500 კმ-ია (1,553 მილი). აღსანიშნავია, რომ 2030 წლამდე ჩინეთი მთვარეზე კიდევ ორი მავალის, Chang'e 7 და Chang'e 8-ის გაგზავნას გეგმავს. Chang'e 7 - შექმნილია მთვარის სამხრეთ პოლუსზე ყინულის მოსაძებნად. Chang'e 8 2030 წლამდე ამოქმედდება. Chang'e 8 შეეცდება დაადგინოს დაგეგმილი ბაზის მშენებლობის ტექნიკური მიზანშეწონილობა, რომელიც ცნობილია როგორც მთვარის საერთაშორისო კვლევის სადგური.
რაკეტა მთვარის "ბნელ მხარეს" განთავსდება - დედამიწის მსგავსად, დღე-ღამის ციკლი მთვარესაც გააჩნია. მთვარის იმ მხარეზე, რომელსაც ჩვენ ვხედავთ, ხან დღეა და ხან ღამე. სწორედ ამით არის განპირობებული მთვარის ფაზები. ამის გამო მეცნიერები მთვარის ამ მხარეს "ბნელის" ნაცვლად "შორეულით" მოიხსენიებენ, რადგან ეს ტერმინი რეალობასთან უფრო ახლოს არის.
მთვარის შორეული მხარე ადამიანებმა საკუთარი თვალებით პირველად 1968 წელს, Apollo 8-ის მისიის ფარგლებში ნახეს.