მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ბიშიმბაევის აღიარება და კადრები, რომელიც ყაზახეთის ექსმინისტრის უმძიმეს დანაშაულს ასახავს - სკანდალური დეტალები "საუკუნის სასამართლო პროცესიდან"
20:17 / 30-04-2024
ყაზახეთის ეკონომიკის ყოფილი მინისტრის მეუღლის სიცოცხლის ბოლო, შემზარავი მომენტები - ის თმებით ათრიეს, წიხლები ურტყეს და მანამ სცემდნენ, სანამ ტვინის ტრავმით არ გარდაიცვალა. ამ ამბავმა მთელი ყაზახეთი შოკში ჩააგდო. ქალის მკვლელობაში მისი მეუღლეა ბრალდებული.
სამართალდამცავების ამოღებულ ვიდეო მასალაში ჩანს, რომ 31 წლის ასტროლოგი სალთანათ ნუკენოვა მისმა 43 წლის მეუღლემ და ყაზახეთის ეკონომიკის ყოფილმა მინისტრმა, კუანდიკ ბიშიმბაიევმა რესტორანში სასტიკად სცემა. გამოძიების მიხედვით, ბიშიმბაევმა ცოლი სასიკვდილოდ იმის გამო გაიმეტა, რომ მან გაყრა სთხოვა.
ყოფილი საბჭოთა რესპუბლიკის ამ გახმაურებულ საქმეს "საუკუნის სასამართლო პროცესი" ეწოდა და ოჯახში ძალადობისთვის უფრო მკაცრი სასჯელის დაწესების შესახებ პეტიციას ათიათასობით ადამიანმა მოაწერა ხელი.
ბიშიმბაევი სასამართლოში ცოლის მკვლელობას უარყოფდა და აცხადებდა, რომ ქალი გასული წლის 9 ნოემბერს "თვითმიყენებული" დაზიანებების შედეგად გარდაიცვალა. თუმცა საწინააღმდეგოზე მეტყველებს CCTV-ს კადრები. ვიდეოში ჩანს, თუ როგორ ურტყამს პოლიტიკოსი დაუცველ ქალს ორ საათზე მეტი ხნის განმავლობაში.
- ბიშიმბაევს ბრალის დამტკიცების შემთხვევაში 20 წლამდე პატიმრობა ემუქრება.
საბოლოოდ, ბიშიმბაევმა მაინც აღიარა დანაშაული. ის სასამართლოს წინა კვირას გამოუტყდა, რომ ცოლი სცემა და ის "უნებლიედ შემოაკვდა". ადგილობრივი მედიის ცნობით, გარდაცვლილი ნუკენოვა მეორე დილით რესტორნის VIP კაბინაში იპოვეს. გავრცელებული ინფორმაციით, ცოლის მკვლელობის შემდეგ, ბიშიმბაევი მშვიდად დაჯდა სასადილოდ და სასწრაფოს გამოძახების ნაცვლად მეგობარს დაურეკა.
- ბიშიმბაევი, რომელიც ოთხი შვილის მამაა, ადრე ყოფილი პრეზიდენტის ნურსულან ნაზარბაევის ახლო მოკავშირე იყო.
1 თვის წინ გავრცელებული ინფორმაციის მიხედვით, ნუკენოვა ბიშიმბაევის მესამე ცოლი იყო და ქმარმა მას შემდეგ იძალადა ქალზე, რაც მან განქორწინების სურვილი გამოთქვა. ოფიციალური ინფორმაციით, ნუკენოვას იმიტომ სურდა გაყრა, რომ მასზე ხშირად ძალადობდა.
- ეკონომიკის ყოფილი მინისტრი 2017 წელს ქრთამის აღების ბრალდებით დააკავეს და 10 წლით თავისუფლების აღკვეთა მიუსაჯეს, თუმცა სამ წელზე ნაკლები ხნის შემდეგ ის ამნისტიის წყალობით გაათავისუფლეს.
ოფიციალური სტატისტიკის მიხედვით, ყაზახეთში ყოველი მეექვსე ქალი მამაკაცი პარტნიორის მხრიდან ძალადობას განიცდის.
წაიკითხეთ ასევე:
წყარო: dailymail
მოამზადა: ანა სიბოშვილმა
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნუკენოვა ასტროლოგი არ იყო. პირიქით, არამზადა ქმარმა მიმართა ასტროლოგს მკვლელობის დილით ნაცნობ ასტროლოგს, ურეკავდა გამუდმებით. ასტროლოგმა სასწრაფოს გამოძახებაა ურჩია.. გაერკვიეთ ჯერ. ყველა დაკითხულია სასამართლო გამოძიების ფარგლებში. ჰო, სასამართლო გამოძიება ჰქვია.