მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
10 წლის წინ თამუნას და შოთას მდიდრულ ქორწილზე მთელი მოსკოვი ლაპარაკობდა - ვინ არის რუსეთში მოღვაწე ქართველი დიზაინერი, ბიზნესმენი მეუღლითა და ლაქშერული ცხოვრებით
08:35 / 26-04-2024
ქართული წარმოშობის მოსკოვში მოღვაწე დიზაინერი თამუნა წიკლაური "ფეშენ" ინდუსტრიაში ერთ-ერთ პოპულარულ ფიგურად ითვლება. ინსტაგრამზე 400 ათასზე მეტი გამომწერი ჰყავს. მისი მიმდევრები არიან ცნობილი ქართველი სახეები: ბიჭოლა, ნინი ქარსელაძე, ბახვა ბრეგვაძე, რუსა ჩაჩუა, სალომე ღვინიაშვილი და სხვები.
რუსული მედია წერს, რომ თამუნა ცნობილია როგორც არა მხოლოდ სანიმუშო მეუღლე, დედა და დიზაინერი, არამედ თავისი უნიკალური სტილით. მოდის ინფლუენსერი ორი შვილის დედაა, მიუხედავად ამისა, ყოველთვის ახერხებს იყოს უნაკლოდ ფიზიკურ ფორმაში.
თამუნა წიკლაურს მოსკოვში აქვს საკუთარი შოურუმი სახელად Iconique. ქალი ძალიან პოპულარულია ინსტაგრამზე და მისი ფოტოს მიხედვით თუ ვიმსჯელებთ, ის ბევრ ცნობილ ადამიანთან მეგობრობს, მათ შორის მოდის სამყაროდან.
დაქორწინებულია რუსეთში მოღვაწე ბიზნესმენ შოთა ხიხინაშვილზე და წყვილს ჰყავს ორი შვილი. მან იცის, როგორ გამოიყურებოდეს მომხიბვლელად როგორც მნიშვნელოვან ღონისძიებებზე, ისე უბრალოდ, დიდი ქალაქის ქუჩებში სეირნობისას.
ქორწილი
26 წლის თამუნა წიკლაურმა და 25 წლის შოთა ხიხინაშვილმა 2014 წელს მოსკოვში იქორწინეს. პატარძალს ელი სააბის კაბა ეცვა და მათი ქორწილი რუსული მედიის გვერდებზე ყველაზე ძვირადღირებული ქორწილების სიაში მოხვდა.
ქორწილის დასასრულს წყვილმა „ქართული“ იცეკვა. მედიის ინფორმაციით, ნეფე-პატარძალი ცეკვას ექვსი თვის განმავლობაში ამზადებდა ქორეოგრაფ სერგო შენგელიას ქართული სკოლის სტუდიაში. ხოლო ცეკვისთვის სამოსი თბილისში ტრადიციული ქართული ტანსაცმლის მაღაზიას „სამოსელი პირველს“ შეუკვეთეს.
სკანდალი შოთა ხიხინაშვილის გარშემო
ბიზნესმენი შოთა ხიხინაშვილი სავაჭრო ცენტრების Golden Babylon-ისა და Vremena Goda-ს დამფუძნებლის, თეიმურაზ ხიხინაშვილის ძმისშვილია. ქართულ მედიაში თეიმურაზ ხიხინაშვილი მოხსენიებულია როგორც ევრაზიის ებრაელთა კონგრესის ვიცე-პრეზიდენტი.
2016 წელს რუსულ მედიაში გამოქვეყნებული ინფორმაციით, შოთა ხიხინაშვილი აეროპორტში ქრთამის მიცემის ფაქტზე დააკავეს. ბიზნესმენს ბრალად ედებოდა შერემეტევოს საერთაშორისო აეროპორტში FSB-ს სასაზღვრო სამსახურის ოფიცრის მოსყიდვის მცდელობა.
გავრცელებული ინფორმაციით, ბიზნესმენს ბევრი გადაუხდელი ჯარიმა ჰქონდა, რისთვისაც მოსკოვი-პარიზის რეისზე არ აუშვეს. სწორედ ამ დროს სცადა საზღვრის კონტროლის ინსპექტორის მოსყიდვა, რათა საზღვარგარეთ გაფრენილიყო. ხიხინაშვილი არ გაუსამართლებიათ. ის მალევე გაათავისუფლეს.
თამუნა წიკლაურის ცხოვრების წესი
რუსული მედია სხვადასხვა დროს თამუნა წიკლაურთან ინტერვიუებს აქვეყნებს, სადაც ძირითადად უნაკლო ფიგურაზე და თავის მოვლის საშუალებებზე უსვამენ კითხვებს.
თამუნა წიკლაური: რეგულარულად ვვარჯიშობ, კვირაში 4-5-ჯერ: აქედან 2-3 ჯერ ფუნქციურ ვარჯიშებს ვაკეთებ, კვირაში ორჯერ გაწელვებს. კვირაში 3-4 ჯერ ვიკეთებ მასაჟსაც.
მიყვარს ჭამა და ამ მხრივ საკუთარ თავს შეზღუდვებს არ ვუწესებ, რადგან ამას ყოველთვის საპირისპირო ეფექტი აქვს. ამიტომ ყველაფერს ვჭამ, მხოლოდ დღეში ორჯერ. სახლში ყოველთვის მაქვს კვერცხი, ავოკადო და ლიმონი. ჩემთვის იდეალური საუზმეა ავოკადო და ორაგული, შემიძლია ყოველდღე მივირთვა.
- საკუთარი თავის სიყვარულის გამოვლენის ყველაზე მარტივი გზა რა არის.
- გააკეთე ყველაფერი რაც შეგიძლია, რომ იყო საკუთარი თავის საუკეთესო ვერსია! და ნუ შეადარებ თავს სხვებს.
- სამი წესი ჯანსაღი სხეულისთვის.
- გირჩევთ, რეგულარულად ივარჯიშოთ და გაწელვები გააკეთოთ, ეცადეთ სწორად იკვებოთ (თუმცა ყოველთვის არ გამომდის) და გაიკეთოთ მასაჟი.
- რომელია მავნე ჩვევა, რომელსაც არასოდეს მიატოვებთ?
- ყოველთვის ვჭამ ტკბილეულს, მაგრამ გონივრულ ფარგლებში. მივხვდი, რომ მთლიანად ვერ გამოვრიცხავდი რაციონიდან.
- რომელია სამოსი, რომლის ტარებაც მუდმივად შეგიძლიათ?
- შავი შარვალი და თეთრი მაისური.
თამუნა წიკლაური ახლა...
დიზაინერის ინსტაგრამის გვერდს თუ გადახედავთ, ბოლო დროს დიდ დროს ატარებს დუბაიში, სადაც ფოტოებზე ძირითადად შვილებთან ერთად ან მარტოა. აცვია ყოველთვის განსაკუთრებულად და გემოვნებით.
მის ალბომში შეგიძლიათ ნახოთ საქართველოში ყოფნისას გადაღებული ფოტოები. ერთ-ერთ სურათზე კი, რომელიც ყაზბეგში, ცნობილ სასტუმროშია გადაღებული წერს: Georgia on my mind.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა აცვია ახლა ისეთი რომ გადაირია ჟურნალისტი ან რა ფორმა აშია ისეთი რომ რავი რავი
ნინო არ გინდა მოსკოვში გადასახლდე? დაფიწრდი აბა..