ეფექტური გდება და ეთერ ლიპარტელიანი ევროპის ჩემპიონატის ბრინჯაოს პრიზიორია
დღეს, 25 აპრილს, ხორვატიის დედაქალაქ ზაგრებში, ძიუდოში ევროპის ჩემპიონატის პირველივე საშეჯიბრო დღეს, ქართველებმა ერთი ოქროს და ერთი ბრინჯაოს მედლის მოპოვება შეძლეს.
- 66 კილოგრამ წონით კატეგორიაში ვაჟა მარგველაშვილმა ევროპის ჩემპიონობა კარიერაში მეორედ მოიპოვა.
- 57 კილოგრამ წონით კატეგორიაში კი ეთერ ლიპარტელიანი ნახევარფინალში უკრაინელ დარია ბილოდიდთან დამარცხდა და ბრინჯაოს მედლისთვის სერბ ძიუდოისტს დაპირისპირდა. ორთაბრძოლა დაძაბული გამოდგა და ძირითად დროში გამარჯვებული არ გამოვლინდა. დამატებითი დროის პირველივე შეტევისას ლიპარტელიანმა ეფექტური გდებით დაჯაბნა მეტოქე და გამარჯვება მოიპოვა.