მილანში ქუჩებში შუაღამით პიცისა და ნაყინის ჭამა შეიზღუდება, რათა მოქალაქეები ხმაურისგან დაიცვან

იტალიის მოდის ქალაქ მილანში, ქუჩაში არსებული ხმაურის გამო, შუაღამით გარე ტეროტორიაზე პიცისა და ნაყინის ჭამა შეიზღუდება. ათი წლის წინ, მსგავსი შეზღუდვის დაწესება ადგილობრივმა ხელისუფლებამ უკვე სცადა, მაგრამ ქალაქის მასშტაბით ნაყინის მწარმოებლების არაერთი გაფიცვის შემდეგ გადაიფიქრეს.

• ამ აკრძალვით ხელისუფლება შუაღამის შემდეგ ქუჩებში ხმაურის დონის შემცირებას გეგმავს. შეზღუდვები შესაძლოა გავრცელდეს სხვა საკვებზეც.

აკრძალვა სამუშაო დღეებში 00:30 საათიდან და შაბათ-კვირას 1:30 საათიდან იმოქმედებს. ქუჩაში საკვების გაყიდვის შეზღუდვით, მილანის ხელისუფლებას უნდა, რომ იპოვოს შუალედი "ახალგაზრდების გართობასა და მოქალაქეების სიმშვიდეს შორის".

კანონის მიხედვით, ბარები და რესტორნები იძულებულები იქნებიან შუაღამეს დახურონ გარე ტერიტორიები.

მედიის ცნობით, აკრძალვა გავრცელდება მილანის 12 რაიონზე. დამტკიცების შემდეგ, კანონი ძალაში მაისიდან შევა და ნოემბრამდე გაგრძელდება.