"მივდიოდით, ორმა მანქანამ გაასწრო და შემდეგ დავინახეთ, მეწყერი მოდიოდა" - კადრები სვანეთიდან: რას ამბობს თვითმხილველი?

შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 89-ე კმ-ზე, გზის სავალ ნაწილზე მეწყერი ჩამოწვა, რის გამოც საავტომობილო მოძრაობა გადაიკეტა. ინფორმაციას საავტომობილო გზების დეპარტამენტი ავრცელებს.

"ამ ეტაპზე მიმდინარეობს ტექნიკის მობილიზება, რათა უმოკლეს ვადებში გაიწმინდოს გზის სავალი ნაწილი და აღდგეს საავტომობილო მოძრაობა", - ნათქვამია ინფორმაციაში.

• სოფელ ლაშენშთან ჩამოწოლილი მეწყერის კადრები "პალიტრავიდეოს" თვითმხილველმა მიაწოდა. როგორც ლაშა არაბული ამბობს, ავტომობილით გადაადგილდებოდა, როცა მიწის მასა ჩამოწვა. მომხდარის შესახებ უკვე ინფორმირებულია საგანგებო სიტუაციების მართვის სამსახური.

"მივდიოდით, ორმა მანქანამ გაასწრო და შემდეგ დავინახეთ, მეწყერი მოდიოდა. სამაშველოში დავრეკეთ და ველოდებით", - ამბობს ლაშა არაბული.